OMG: બદમાશોએ યુવકનું અપહરણ કરી બોરીમાં ભર્યો, ખાડાએ ફોડ્યો ભાંડો

ડુંગરપુર: રાજસ્થાનના આદિવાસી બાહુલ્ય ડુંગરપુર જિલ્લામાં પૈસાની લેવડદેવડમાં એક યુવકનું અપહરણ (Kidnapped) કરવામાં આવ્યું હતું. અપહરણકારો યુવકને કોથળામાં નાખીને લઈ ગયા હતા, પરંતુ રસ્તામાં બાઇકનું સંતુલન બગડતા આ બોરી નીચે પડી હતી. જેના કારણે અપહરણકારો યુવકને છોડીને ત્યાંથી ફરાર થઈ ગયા હતા. આ બાદ, ગ્રામજનોએ કોથળો ખોલીને યુવકને બહાર કાઢી આ અંગે પોલીસને જાણ કરવામાં આવી હતી. હાલ, પોલીસ અપહરણકારોની શોધી રહી છે, પરંતુ હજુ સુધી તેમનો કોઈ પત્તો મળ્યો નથી.

 આ પણ વાંચો:: ગજબ હો... યુટ્યુબ વીડિયો જોઈને શિખ્યું ફાયરિંગ, અને કરી નાખ્યો મોટો કાંડ

પોલીસના જણાવ્યા અનુસાર, મામલો ડુંગરપુર જિલ્લાના ચિત્રી પોલીસ સ્ટેશન વિસ્તારનો છે. પોલીસે જણાવ્યું કે, નાદિયાના રહેવાસી લવ પંચાલને તેના મિત્રએ શનિવારે ષડયંત્રના ભાગરૂપે અપહરણની ઘટનાને અંજામ આપવા માટે ગોરેશ્વર બોલાવ્યો હતો. આ બાદ, બંને સિગારેટ પીને ત્યાં બેસી વાતો કરતા હતા. તે દરમિયાન, પાછળથી ચાર-પાંચ લોકો આવ્યા હતા. તેણે લવ પંચાલના હાથ પાછળથી બાંધી દીધા અને મોઢામાં કપડું નાખી દીધું હતું. યુવક કંઈ સમજે તે પહેલા તેને પકડીને બોરીમાં ભરી દીધો હતો. બાદમાં બોરીને દોરડા વડે બાંધી દેવામાં આવી હતી.

બોરીને ખસેડતા જોઈ લોકો સ્થળ પર એકઠા થઈ ગયા હતા:

અપહરણકારો બોરીને ગોરેશ્વરથી બાઇક પર ભિલુડા લઇ જતા હતા. આ દરમિયાન કાનપુર બસ સ્ટેન્ડ પર રોડ પર મોટા ખાડાને કારણે અપહરણકારોનું સંતુલન ખોરવાઈ ગયું હતું. જેના કારણે બોરી ખાડામાં પડી હતી. આથી અપહરણકારો ગભરાઈ ગયા હતા અને તેઓ કોથળો ત્યાં જ મૂકીને ભાગી ગયા હતા. રસ્તામાં પડેલી બોરીઓ ખસેડતી જોઈને લોકો ઘટનાસ્થળે એકઠા થઈ ગયા હતા. તેણે બોરી ખોલી તો તેમાંથી એક યુવક બહાર આવ્યો હતો, જે બાદ યુવકે ગામલોકોને સમગ્ર ઘટના જણાવી.

રૂપિયાની લેવડદેવડ માટે અપહરણ કર્યું:

આ અંગે ગ્રામજનોએ ચિત્રી પોલીસ સ્ટેશનને જાણ કરી હતી. ઘટનાની જાણ થતા ચિત્રી પોલીસ ઘટના સ્થળે પહોંચી હતી. તેણે પીડિત યુવક પાસેથી ઘટનાની સંપૂર્ણ માહિતી લીધી અને પછી તેને પોલીસ સ્ટેશન લઈ ગયા હતા. પોલીસની પૂછપરછ દરમિયાન પીડિતા લવ પંચાલે જણાવ્યું હતું કે, અપહરણકારોએ રૂપિયાને કારણે અપહરણ કરવામાં આવ્યું હતું. જોકે પોલીસ આરોપીની શોધખોળ કરી રહી છે. હજુ સુધી તેનો કોઈ પત્તો મળ્યો નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Crime in Rajasthan, Crime news, Kidnapping Case