પરિજનોએ કોરોનાનો ભોગ બનેલી મહિલાના કર્યા અંતિમ સંસ્કાર, 19 લોકો થયા સંક્રમિત

પરિજનોએ કોરોનાનો ભોગ બનેલી મહિલાના કર્યા અંતિમ સંસ્કાર, 19 લોકો થયા સંક્રમિત
પ્રતીકાત્મક તસવીર

હૉસ્પિટલની બેદરકારીના કારણે અંતિમ સંસ્કારમાં સામેલ થયેલા 25માંથી 19 લોકોના રિપોર્ટ પોઝિટિવ આવ્યા

  • Share this:
    સાંગારેડ્ડીઃ દેશમાં કોરોના (Coronavirus) સંક્રમણના વધતા કેસોની વચ્ચે અનેક સ્થળોથી બેદરકારીના ચોંકાવનારા કિસ્સા સામે આવી રહ્યા છે. જેને કારણે અનેક લોકોના જીવ પર આફત આવી ગઈ છે. આવો જ એક મામલો તેલંગાણા (Telangana)ના સંગારેડ્ડીમાં જોવા મળ્યો. સંગારેડ્ડીમાં એક કોરોના પોઝિટિવ (COVID-19) મહિલાના અંતિમ સંસ્કારમાં સામેલ થવા આવેલા 25 લોકોમાંથી 19 લોકો કોરોના પોઝિટિવ હોવાનું સામે આવ્યું છે. આ તમામ લોકોને હવે હૈદરાબાદની ગાંધી હૉસ્પિટલમાં દાખલ કરવામાં આવ્યા છે.

    મળતી જાણકારી મુજબ, 55 વર્ષીય મહિલાની સંગારેડ્ડીના જહીરાબાદની એક ખાનગી હૉસ્પિટલમાં સારવાર ચાલી રહી હતી. 9 જૂને સારવાર દરમિયાન મહિલાનું મોત થઈ ગયું. મળતી માહિતી મુજબ, હૉસ્પિટલ પ્રશાસને બેદરકારી દાખવતાં કોરોના પોઝિટિવના રિપોર્ટની રાહ જોયા વગર જ મહિલાના શબને તેના પરિજનોને સોંપી દીધો. બાદમાં જ્યારે રિપોર્ટ આવ્યો તો મહિલા કોરોના પોઝિટિવ હતી તેવું સામે આવ્યું. મહિલાના સગા-વહાલાંએ ત્યાં સુધીમાં પારંપરિક રીતિ રીવાજનું પાલન કરીને મહિલાના અંતિમ સંસ્કાર કરી દીધા હતા.



    આ પણ વાંચો, કોરોનાએ ફરી રેકોર્ડ તોડ્યો, એક જ દિવસમાં 11,929 નવા કેસ, 311 દર્દીનાં મોત

    મહિલાના અંતિમ સંસ્કારમાં 25 લોકો સામેલ થયા હતા. તેમાંથી 19ની હાલત ધીમે-ધીમે બગડવા લાગી. મોટાભાગ લોકોમાં કોરોનાના લક્ષણ પણ જોવા મળ્યા. ડૉક્ટરોએ જ્યારે તમામ લોકોની તપાસ કરી તો 19 લોકો કોરોના પોઝિટિવ હોવાનું સામે આવ્યું.

    બાદમાં મહિલાના પરિજનોને એ વાતની જાણ કરવામાં આવી કે મૃતક મહિલા કોરોના પોઝિટિવ હતી. મામલાની ગંભીરતાને જોતાં પ્રશાસને શાંતિનગરને કન્ટેનમેન્ટ ઝોન જાહેર કરી દીધી છે અને 350 ઘરોમાં કોરોનાની તપાસ કરવામાં આવી રહી છે.

    આ પણ વાંચો, કોરોનાની રૂપ બદલવાની ઝડપ ધીમી થઈ, પણ સંક્રમણનો ખતરો વધી ગયોઃ સ્ટડી
    Published by:News18 Gujarati
    First published:June 14, 2020, 13:03 pm

    ટૉપ ન્યૂઝ