રસીકરણને કોન્ટેક્ટલેસ બનાવવાનો પ્રયાસ, વેકસીન સેન્ટરમાં ફેસ રેકગ્નાઈઝેશન પધ્ધતિ લવાશે

તસવીર: Shuterstock

યુનિક આઈડેન્ટિફિકેશન ઓથોરિટી ઓફ ઇન્ડિયાએ ફેસિયલ રેકગ્નાઈઝેશન અલ્ગોરિધમ આધારિત ડેટાબેઝનું પરિક્ષણ કરવા એક પાઇલટ પ્રોજેકટ ચલાવ્યો હતો, જે સફળ નીવડ્યો હતો.

  • Share this:
કોરોનાના રસીકરણમાં (Corona Vaccines) પણ આધારની (Adhaar) ભૂમિકા મહત્વની સાબિત થઈ છે. હવે રસીકરણને કોન્ટેકટલેસ બનાવવા માટે આધારના ફેશિયલ રેકગ્નાઈઝેશનનો (Facial Recognition) ઉમેરો થવા જઈ રહ્યો છે.

ધી પ્રિન્ટના રિપોર્ટમાં નેશનલ હેલ્થ ઓથોરિટીના પ્રમુખ આર એસ શર્માના ઇન્ટરવ્યૂને ટાંકવામાં આવ્યું હતું. યુનિક આઈડેન્ટિફિકેશન ઓથોરિટી ઓફ ઇન્ડિયાએ ફેસિયલ રેકગ્નાઈઝેશન અલ્ગોરિધમ આધારિત ડેટાબેઝનું પરિક્ષણ કરવા એક પાઇલટ પ્રોજેકટ ચલાવ્યો હતો, જે સફળ નીવડ્યો હતો. આ પ્રયોગના માધ્યમથી કોરોના રસીકરણ કોન્ટેક્ટલેસ બનશે તેવી અપેક્ષા છે.

ફેસ રેકગ્નાઈઝેશન કેવી રીતે કામ કરશે?

શર્માએ ધી પ્રિન્ટને આપેલા ઇન્ટરવ્યૂ પરથી તૈયાર થયેલા રિપોર્ટ મુજબ વર્તમાન સમયે રસીકરણ માટે ફિંગરપ્રિન્ટ અને રેટિનલ સ્કેનથી બાયોમેટ્રિક ઓથેન્ટીકેશનની જરૂર પડે છે. જેમાં સંપર્કથી અકસ્માતે સંક્રમણ ફેલાવાની શક્યતા વધે છે. જેને ટાળવા માટે કોન્ટેક્ટલેસ સુવિધા ઉભી કરાશે. આ કામગીરી હેઠળ નાગરિકોને કોવિડ-19 વેકસીનેશન સેટઅપ માટે આરોગ્ય સેતુ એપમાં કો-વિન પોર્ટલ ઉપર નોંધણી કરાવવી પડશે.

આ પણ વાંચો : મહીસાગર : 'મેં ટ્રુ લવ કર્યો, તે દગો આપ્યો, બાય, Love યુ સો મચ,' અંતિમ Video બનાવી MBBSના વિદ્યાર્થીનો આપઘાત

આ નોંધણી પ્રક્રિયા દરમિયાન યુઝર પોતાના મોબાઇલ નંબરનો ઉપયોગ કરી શકે છે. આધાર નંબરને આઈડેન્ટિફિકેશન ડોક્યુમેન્ટ તરીકે વાપરી શકે છે. જેમણે આધારનો ઉપયોગ કરીને તેમની ઓળખને ઓથેન્ટિકેટ કરવાનું પસંદ કર્યું છે, તેઓ રસીકરણ બૂથ પર રસીકરણ બૂથ પર ફેશિયલ રેકગ્નાઈઝેશનથી આપોઆપ વેરીફાઈ થઈ જશે. યુઆઈડીએઆઈ ફેસિયલ રેકગ્નાઈઝેશન અલ્ગોરિધમ ખૂબ સક્ષમ છે. ઈન્ફ્રાસ્ટ્રક્ચરના કારણે તે દાયકાઓ બાદ પણ વ્યક્તિને ઓળખી કાઢે છે.

ફાયદો શું થશે?

રસીકરણ વખતે સંપર્કના કારણે કોરોનાનું સંક્રમણ ફેલાઈ તેવો ખતરો રહે છે. જેથી ફેસિયલ રેકગ્નાઈઝેશનમાં કેમેરાના માધ્યમથી દૂરથી જ વ્યક્તિની ઓળખ થઇ જશે. વર્તમાન સમયે રસીકરણ કેન્દ્ર પર ફિંગર પ્રિન્ટ આપવાથી અનેક વ્યક્તિઓ સંપર્કમાં આવે છે. એક જગ્યાએ વધુ લોકો અડકતા હોવાથી કોરોનાનું સંક્રમણ ફેલાવવાનો ખતરો રહે છે. કેન્દ્ર સરકાર નાગરિકોને કોવિડ -19 રસીકરણનું ડિજિટલ પ્રમાણપત્ર પણ આપશે.

જે આંતરરાષ્ટ્રીય ફાસ્ટ હેલ્થકેર ઇન્ટરઓપરેબિલીટી રિસોર્સ સ્ટાન્ડર્ડને અનુરૂપ હશે. આ પ્રમાણપત્ર હેલ્થકેર દસ્તાવેજો માટેના શોર્ટ્સનું આંતરરાષ્ટ્રીય બેંચમાર્ક છે અને વિશ્વના કોઈપણ જગ્યાએ જવા માટે વધુ સરળ બનાવે છે. આ સેર્ટિફિકેટને વ્યક્તિના પર્સનલ આઇડીન્ટિફિકેશન સાથે લિંક કરી દેવાશે. આ ડેટા યુઆઈડીએઆઈનો હોવાથી તેનાથી જોખમ રહેશે નહીં. આખી પ્રક્રિયા સરળ બની જશે. રસીકરણ કામગીરી પણ ઝડપી બનશે.

સર્વેલન્સ અને ડેટા સિક્યુરિટીની ચિંતા

પ્રારંભિક તબક્કે ઝારખંડના રસીકરણ કેન્દ્રમાં આ પ્રોજેક્ટ શરૂ કરવાની જાહેરાત થઈ હતી. જોકે ત્યારબાદ સર્વેલન્સ અંગેના પ્રશ્નો ઉઠ્યા હતા. આ સુવિધાથી સમગ્ર પ્રક્રિયા સરળ થઈ જશે. જોકે રસીકરણ દરમિયાન ડેટા સિક્યોરિટી અંગે શંકા વ્યક્ત કરવામાં આવી છે. સર્વેલન્સ માટે ડેટા એકઠા થશે તેવો ભય પણ વ્યક્ત થયો છે. લોકોના ડેટા માટે વ્યવસ્થિત માળખું ઘડવું જરૂરી છે. રસીકરણ પ્રક્રિયાનું વિકેન્દ્રીકરણ કરવાની હાકલ પણ થઈ છે.

આ પણ વાંચો : કોરોનાનો કહેર : શિક્ષણ મંત્રી ભુપેન્દ્રસિંહ, MLA મનિષા વકીલ, BJP નેતા IK જાડેજા સંક્રમિત

કેન્દ્રીય આરોગ્ય અને કુટુંબ કલ્યાણ પ્રધાન અશ્વિનીકુમાર ચૌબેએ અગાઉ એક નિવેદનમાં જણાવ્યું હતું કે, રસી મેળવવા માટે વ્યક્તિઓને તેમની આધાર વિગતો પૂરી પાડવાની અથવા લિંક કરવાની જરૂર રહેશે નહીં. અલબત્ત બે મહિના પહેલા અપાયેલું આ નિવેદન આર એસ શર્માના નિવેદનની વિપરીત ગયું હતું. શર્માએ અગાઉ કહ્યું હતું કે, દેશમાં પ્રારંભિક તબક્કે 50થી 60 હજાર ફેસિયલ રેકગ્નાઈઝેશનનો ઉપયોગ થશે.

આ જાહેરાત બાદ પ્રાઇવેસી અને ડેટા કલેક્શનનો મુદ્દો વકર્યો છે. આરોગ્ય સેતુ સમયે પણ આ મુદ્દાએ જોર પકડ્યું હતું. તે સમયે ન્યુઝ18 સાથેની વાતચીત દરમિયાન ઇન્ટરનેટ ફ્રીડમ ફાઉન્ડેશન ઓફ ઇન્ડિયાના કાઉન્સિલ સિદ્ધાર્થ ડેબએ પારદર્શકતા પર પ્રશ્ન ઉઠાવ્યો હતો. આરોગ્ય સેતુ એપનું નિર્માણ યોગ્ય કાયદાકીય પ્રક્રિયા વગર થયું હોવાના આક્ષેપો પણ થયા હતા.

આ સુવિધામાં ડેટા સિક્યોરિટી અને પબ્લિક સર્વેલન્સ સહિતના પ્રશ્નોનો સાતત્યપૂર્ણ નિકાલ કરવા માટે કેન્દ્ર સરકારે પણ વિચારણા હાથ ધરી છે. ટેકનોલોજી ઈન્ફ્રાસ્ટ્રક્ચરમાં સુરક્ષા આપવા માટે પ્રયાસો થયા છે. જોકે રસીકરણ કેન્દ્રો માં ફેસિયલ રેકગ્નાઈઝેશનનો ઉપયોગ કરવા મજૂરી માંગવામાં આવી છે.
First published: