Covid 19 live: અમદાવાદ સિવિલ હૉસ્પિટલ પર કોરોના વોરિયર્સ માટે એરફોર્સે કરી પુષ્પવર્ષા

નવી દિલ્હી : દુનિયા કોરોના વાયરસની મહામારીના કહેર સામે લડી રહી છે. આ વાયરસથી મૃત્યુ થનારની સંખ્યા 2 લાખ 28 હજારથી વધી ગઈ છે અને સંક્રમિતોની સંખ્યા 32 લાખને પાર કરી ગઈ છે. જોકે દુનિયાના અન્ય દેશોની સરખામણીમાં ભારતમાં તેની અસર ઓછી છે. દેશમાં કોરોના વાયરસના કેસ 37,776 થઈ ગયા છે. એમાંથી 26,535 સક્રિય કેસ છે, જ્યારે 10,018 લોકો સાજા થઈ ગયા છે. સ્વાસ્થ્ય મંત્રાલયના મતે દેશમાં કોરોના વાયરસથી અત્યાર સુધીમાં 1,223 લોકોના મોત થયા છે. કોરોના નામના શત્રુ સામે કોરોના વોરિયર્સ ઢાલ બનીને આપણું રક્ષણ કરી રહ્યા છે. આ કોરોના વોરિયર્સને બિરદાવવા માટે ભારતીય વાયુસેના લડાકુ વિમાન દ્વારા દેશની હોસ્પિટલો પર પુષ્પવર્ષા કરશે.