માવતર બન્યા કમાવતર: નોકરી માટે પિતા બન્યો હત્યારો, 5 માસની દીકરીને કેનાલમાં ફેંકી દીધી

બિકાનેરઃ રાજસ્થાનના બિકાનેરમાંથી એક હૃદય કંપાવતી ઘટના સામે આવી છે. સરકારી નોકરી બચાવવા માટે એક વ્યક્તિએ તેની પાંચ મહિનાની દીકરીને કેનાલમાં ફેંકી દીધી. આ આરોપમાં બંને માતા-પિતાની ધરપકડ કરવામાં આવી છે. પોલીસે જણાવ્યું હતું કે આરોપીએ પોતાની નોકરી બચાવવા માટે તેની 6 મહિનાની દીકરીને કેનાલમાં ફેંકી દીધી.

ન્યૂઝ એજન્સી ANIના રિપોર્ટ અનુસાર, બાળકીનું મોત નહેરમાં ડૂબી જવાથી થયું છે. આરોપી પિતાની ઓળખ ઝંવરલાલ તરીકે થઈ છે. પોલીસે જણાવ્યું કે તે ચાંદસર ગામમાં શાળા સહાયક તરીકે કોન્ટ્રાક્ટ પર કામ કરતો હતો. ઝંવરલાલે ગયા વર્ષે ડિસેમ્બરમાં પોતાનાં બે બાળકો હોવાનું એફિડેવિટ આપ્યું હતું. તેને ડર હતો કે બે કરતાં વધુ બાળકો હોવાને કારણે તે કાયમી નહીં થાય. આવી સ્થિતિમાં તેણે એક બાળકીને કેનાલમાં ફેંકીને તેની હત્યા કરી હતી.

આ પણ વાંચોઃ અંધાધૂંધ ફાયરિંગથી હચમચી ઉઠ્યું અમેરિકા, બે દિવસમાં ગોળીબારની બે ઘટનાઓ, 9નાં મોત

પોલીસ અધીક્ષક યોગેશ યાદવે જણાવ્યું હતું કે આ ઘટનામાં ઝંવરલાલે તેની પત્નીને પણ સામેલ કરી હતી. તે બે દિવસ પહેલાં છત્તરગઢ સ્થિત તેના સાળાના ઘરે ગયો હતો. રવિવારે સાંજે ચાર સીએચડી સ્થિત સાળાના ઘરેથી દિયાતરા જતા સમયે રસ્તામાં બાળકીને કેનાલમાં ફેંકી દીધી હતી. ત્યાર બાદ અહીંથી દિયાતરા પોતાના ઘરે જવા રવાના થયાં હતાં.



સર્કલ ઓફિસર વિનોદ કુમારે ANIને જણાવ્યું, “અમને માહિતી મળી કે એક પુરુષ અને એક મહિલાએ બિકાનેરના છત્તરગઢમાં એક બાળકીને કેનાલમાં ફેંકી દીધી. જે બાદ પોલીસે બાળકીનો મૃતદેહ કબજે કર્યો હતો. બંને આરોપીઓની ધરપકડ કરવામાં આવી છે. મૃત બાળકના પુરુષ અને સ્ત્રી માતા-પિતા મળી આવ્યા છે.” તેણે કહ્યું, "આરોપીઓએ કથિત રીતે તેની પુત્રીને કેનાલમાં ફેંકી દીધી કારણ કે તે નોકરીને કાયમી કરવા માંગતો હતો."

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bikaner, Crime news, Killed