Coronavirus Live Updates: હરિયાણામાં કોરોનામાં રિપોર્ટિંગ કરનાર રિપોર્ટર્સને 10 લાખનો વીમો

દેશમાં કોરોના વાયરસના કેસ વધતા જઇ રહ્યાં છે. અત્યાર સુધી સંક્રમિતોની સંખ્યા 20,471 થઇ ગઇ છે. કોરોનાને કારણે અત્યાર સુધી 652 લોકોનાં જીવ ગયા છે. છેલ્લા 24 કલાકમાં 50 દર્દીઓનાં મોત નીપજ્યાં છે. બીજી તરફ રાહતની વાત એ છે કે, 3960 દર્દીઓ આ બીમારીને હરાવવામાં સફળ પણ થયા છે. મહારાષ્ટ્રમાં કોરોનાને કહેર જારી છે. 24 કલાકમાં 18 લલોકોનાં મોત થયા છે અને 431 નવા કેસ સામે આવ્યાં છે. મહારાષ્ટ્રમાં કોરોનાનાં કુલ 5649 કેસ નોંધાયા છ અને અત્યાર સુધી 269 લોકોનાં જીવ ગયા છે.

સ્વાસ્થ્યકર્મીઓ પર સતત વધતા હુમલાને કારણે મોદી સરકારે મોટો નિર્ણય લીધો છે. બુધવારે કેન્દ્રીય કેબિનેટની બેઠકમાં એક અધ્યાદેશ પાસ કર્યો છે. હવે સ્વાસ્થ્ય કર્મીઓ પર હુમલો કરનાર પર સખત એક્શન લેવામાં આવશે. તેને 3 મહિનાથી એક વર્ષની સજા થઇ શકે છે.