Coronavirus Live Updates: CM કેજરીવાલે કહ્યું, દિલ્હીનાં 11 જિલ્લા હોટસ્પોટ, હાલ લૉકડાઉનમાં કોઇ છૂટ નહીં

દેશમાં સશસ્ત્ર દળોમાં કોરોના વાયરસનાં સંક્રમણનો પહેલો મોટો મામલો શનિવારે સામે આવ્યો છે. ભારતીય નૌસેનાનાં ઓછામાં ઓછા 26 જવાનોમાં સંક્રમણની પુષ્ટી થઇ ગઇ છે. સ્વાસ્થ્ય મંત્રાલયે શનિવારે જણાવ્યું હતું કે, દેશમાં કોરોના વાઈરસના કુલ કેસોમાંથી 30 ટકા દર્દી તબલીગી જમાતના છે. વધુમાં 23 રાજ્યોમાં 4 હજારથી વધુ કેસ દિલ્હીમાં માર્ચમાં યોજાયેલા મરકઝના એક સંમેલન સાથે સંકળાયેલા છે. દેશમાં છેલ્લા 24 કલાકમાં કોરોનાથી 39 લોકોનાં મોત નીપજ્યાં હતા. આ સાથે કુલ મૃત્યુઆંક 518 થયો છે. કોરોનાના નવા 1144 કેસ આવ્યાં છે. દેશમાં 2135 લોકો સાજા થઈ ગયા છે.