પલ્લવી ઘોષ, નવી દિલ્હીઃ કૉંગ્રેસ નેતા છેલ્લા અનેક દિવસોથી કૉંગ્રેસ કાર્યસમિતિ (CWC)ની બેઠકની તૈયારી કરી રહ્યા છે. કૉંગ્રેસ વર્કિંગ કમિટી (Congress Meeting)ની આ બેઠક હવે હેકિંગના ડરથી ઝૂમ એપને બદલે વેબ એક્સ પર થશે. અગાઉ સોનિયા ગાંધી (Sonia Gandhi)એ રાજ્યસભા સાંસદો સાથે મુલાકાત કરી હતી, આ ઘટનાને એક ખરાબ અનુભવ કરાવ્યો હતો. તેથી આ વખતે કૉંગ્રેસ આવી કોઈ તક આપવા નથી માંગતી. આ વખતે બેઠકના ઠીક પહેલા તેમાં ભાગ લેનારા કાર્યકર્તાઓને અને નેતાઓને આઈડી પૂરા પાડવામાં આવશે.
લીક કે હેકિંગનો આ ડર ચીન, પાકિસ્તાન કે ત્યાં સુધી કે બીજેપીથી નથી. આ ડર પાર્ટીની અંદરના લોકોથી જ છે. કૉંગ્રેસ નેતૃત્વ સંકટનો સામનો કરી રહ્યું છે. એવા સમયે કૉંગ્રેસના વરિષ્ઠ નેતા જે અંતિમ બાબત ઈચ્છે છે, તે એ છે કે તેઓ આંતરિક સંઘર્ષને જાહેર કરવા માંગે છે. જોકે, બેઠક આયોજીત કરવાના સાધનોમાં પરિવર્તન તે સંકટ પર વિરામ નથી લગાવી શકતું જે CWCમાં ઉઠી શકે છે. સૌથી મોટી સમસ્યા નેતૃત્વની છે.
મોટાભાગના નેતાઓએ અંગત રીતે અને કેટલાકે સાર્વજનિક રીતે ફરિયાદ કરી છે કે કૉંગ્રેસ પોતાની છાપ ગુમાવી ચૂકી છે. તે મોદી સામે ન લડી શકે. કૉંગ્રેસના અનેક વરિષ્ઠ નેતા અનેકવાર આ વાત પર આશ્ચર્ય વ્યક્ત કરે છે કે પાર્ટીમાં આ શું થઈ રહ્યું છે.
CWCમાં શક્ય છે કે, રાહુલ ગાંધીના પદભાર ગ્રહણ કરવા માટે અનેક નેતા અવાજ ઉઠાવે. શક્ય છે કે એ સ્પષ્ટ થઈ જાય કે સોનિયા ગાંધી જવાબદારી સોંપવા માંગે છે. પરંતુ જો તેઓ અડગ રહે છે તો શું થશે? આ એક પ્રસ્તાવ છે જેને લાગુ કરવામાં આવી શકે છે.
સોનિયા ગાંધીની સહાયતા માટે બેથી વધુ ઉપાધ્યક્ષોની નિયુક્તિ પણ થઈ શકે છે. આ તે ચિંતાને દૂર કરવા માટે છે કે કૉંગ્રેસના પૂર્ણકાલિન અધ્યક્ષની જરૂર છે. પરંતુ આ પ્રકારની નિયુક્તિ એવું પણ સુનિશ્ચિત કરી શકે છે કે પાર્ટીનું નેતૃત્વ ગાંધી પરિવારના જ કોઈ એકના હાથમાં રહે. આ મામલામાં તે સોનિયા ગાંધી હશે. નવા ઉપાધ્યક્ષ માટે જે નામ સામે આવ્યા છે તેમાં ગુલાબ નબી આઝાદ, પી. ચિદંબરમ અને મલ્લિકાર્જુન ખડગે છે, પરંતુ એ ઘણે અંશે શક્ય છે કે, એક યુવા નેતાની પણ પસંદગી કરવામાં આવે.
Published by:Mrunal Bhojak
First published:
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર