વર્ષ 2100 સુધીમાં ધરતીનું તાપમાન 2 ડિગ્રી વધી જશે, મનુષ્યો માટે બચવું મુશ્કેલ બનશે - UN રિપોર્ટ

ક્લાઈમેટ ચેન્જ

અહેવાલમાં ચેતવણી આપી છે કે વર્ષ 2100 સુધીમાં પૃથ્વીનું સરેરાશ તાપમાન પૂર્વ-ઔદ્યોગિક યુગની સરખામણીમાં 2 ટકા વધશે

  • Share this:
    નવી દિલ્હી : ગ્લોબલ વોર્મિંગ (Global Warming)ના આસન્ન ખતરાની યાદ અપાવતા, આંતરસરકારી પેનલ ઓન ક્લાઇમેટ ચેન્જ (IPCC) એ તેના તાજેતરના અહેવાલમાં ચેતવણી આપી છે કે વર્ષ 2100 સુધીમાં પૃથ્વીનું સરેરાશ તાપમાન પૂર્વ-ઔદ્યોગિક યુગની સરખામણીમાં 2 ટકા વધશે. મોટા પાયે ગ્રીન હાઉસ વાયુઓનું ઉત્સર્જન તાત્કાલિક ઘટાડવું જોઈએ. IPCCએ તેના છઠ્ઠા આકારણી અહેવાલ (AR6)નો પ્રથમ ભાગ પ્રકાશિત કર્યો છે, પૃથ્વીની આબોહવાની સ્થિતિ, ફેરફારો અને ગ્રહ અને જીવન સ્વરૂપો પર તેમની અસરનું તાજેતરનું મૂલ્યાંકન છે. પૃથ્વીની આબોહવાની સ્થિતિ અંગેનો આ અહેવાલ વૈજ્ઞાનિક અભિપ્રાયને વ્યાપકપણે સ્વીકારે છે.

    આકારણી અહેવાલનો પહેલો ભાગ આબોહવા પરિવર્તન અંગેની તેની દલીલોના સમર્થનમાં વૈજ્ઞાનિક પુરાવા રજૂ કરે છે અને 1850 થી 1900 વચ્ચે વૈશ્વિક તાપમાન પહેલાથી ઔદ્યોગિક સમયની સરખામણીમાં 1.1 ડિગ્રી વધી ગયું છે. તેમજ રિપોર્ટમાં IPCCએ ચેતવણી આપી છે કે, 2040 સુધીમાં વૈશ્વિક તાપમાન 1.5 ડિગ્રી વધી શકે છે.

    માનવ જીવન બચાવવું મુશ્કેલ બનશે!

    આબોહવા પરિવર્તનનો સામનો કરવા માટે, 2015ના પેરિસ કરારનો ઉદ્દેશ વૈશ્વિક તાપમાનમાં થતો વધારો 2 ડિગ્રી સેલ્સિયસથી નીચે રાખવાનો છે. ખાસ કરીને તેને 1.5 ડિગ્રીની અંદર રાખવાનો ઉદ્દેશ્ય છે. વૈજ્ઞાનિકોનું કહેવું છે કે, પૃથ્વીના તાપમાનમાં 2 ડિગ્રીથી વધુનો વધારો પૃથ્વીની આબોહવાને કાયમ માટે બદલી નાખશે અને મનુષ્યો અને અન્ય જીવોએ પોતાની જાતને બચાવવું મુશ્કેલ બનશે.

    રિપોર્ટમાં કહેવામાં આવ્યું છે કે, જો ગ્રીનહાઉસ વાયુઓના ઉત્સર્જનમાં મોટા પાયે ઘટાડો થાય તો પણ પૃથ્વીના તાપમાનમાં વધારો 1.5 ડિગ્રી સેલ્સિયસની મર્યાદા પાર કરીને 1.6 ડિગ્રી સેલ્સિયસ સુધી પહોંચી જશે. જોકે બાદમાં તે 1.5 ડિગ્રી સેલ્સિયસ સુધી નીચે આવી શકે છે. રિપોર્ટ અનુસાર, જો ગ્રીનહાઉસ વાયુઓમાં મોટા પાયે ઘટાડો કરવામાં ન આવે તો તાપમાનમાં 1.5 ડિગ્રી સેલ્સિયસ અથવા 2 ડિગ્રી સેલ્સિયસ સુધીની મર્યાદા રાખવી શક્ય બનશે નહીં.

    આઈપીસીસીએ તેના રિપોર્ટમાં જણાવ્યું હતું કે, હવે સ્પષ્ટ પુરાવા છે કે, માનવ પ્રવૃત્તિઓ ગ્લોબલ વોર્મિંગ માટે જવાબદાર છે.

    આ પણ વાંચો - કરૂણ ઘટના: અભાગી 7 વર્ષની પ્રિયંકા, પહેલા માએ છોડી, હવે દીપડાનો કોળીયો બની ગઈ

    IPCCની સ્થાપના 1988માં થઈ હતી

    IPCC ની રચના 1988 માં વિશ્વ હવામાન સંગઠન (WMO) અને સંયુક્ત રાષ્ટ્ર પર્યાવરણ કાર્યક્રમ (UNEP) દ્વારા કરવામાં આવી હતી. IPCC વિશ્વભરના વૈજ્ઞાનિકોને એક જ મંચ પર લાવીને આબોહવા પરિવર્તન પર વૈજ્ઞાનિક દાવાઓ અને સાહિત્યની સમીક્ષા કરે છે. અને પછી અવલોકન કરવામાં આવતા વલણો વિશે તેના તારણો વિશ્વ સમક્ષ રજૂ કરે છે.
    Published by:kiran mehta
    First published: