Home /News /national-international /

નાગરિકતા કાયદો : સુપ્રીમ કોર્ટે કેન્દ્ર પાસે જવાબ માંગ્યો, CAA લાગુ કરવા પર રોક નહીં

નાગરિકતા કાયદો : સુપ્રીમ કોર્ટે કેન્દ્ર પાસે જવાબ માંગ્યો, CAA લાગુ કરવા પર રોક નહીં

એનઆરસી અને નાગરિકતા કાયદાની વિરુદ્ધ ઉત્તર પ્રદેશના પ્રયાગરાજમાં પ્રદર્શન કરતાં વકીલો

સંશોધિત નાગરિકતા કાયદાને પડકારતી 59 અરજીઓ પર બુધવારે સુનાવણી કરતાં સુપ્રીમ કોર્ટે કેન્દ્ર સરકારને નોટિસ પાઠવી છે

    નવી દિલ્હી : સંશોધિત નાગરિકતા કાયદા (Citizenship law)ને પડકારતી 59 અરજીઓ પર બુધવારે સુનાવણી કરતાં સુપ્રીમ કોર્ટે કેન્દ્ર સરકારને નોટિસ પાઠવી છે. આ દરમિયાન સુપ્રીમ કોર્ટ (Supreme Court)એ કહ્યું કે CAA કાયદો લાગુ કરવામાં કોઈ રોક નથી. હવે આ મામલામાં આગામી સુનાવણી 22 જાન્યુઆરી 2020ના રોજ થશે.

    સંશોધિત નાગરિકતા કાયદો લોકસભા અને રાજ્યસભામાં બહુમતીથી પાસ થયો અને રાષ્ટ્રપતિના હસ્તાક્ષર બાદ અધિનિયમિત થઈ ગયો. આ કાયદાની વિરુદ્ધ કોર્ટનો દરવાજો ખખડાવનારાઓમાં કૉંગ્રેસ નેતા જયરામ રમેશ, ઈન્ડિયન મુસ્લિમ લીગ અને આસામ સરકારમાં બીજેપીની સહયોગી અસમ ગણ પરિષદ સામેલ છે. ચીફ જસ્ટિસ ઑફ ઈન્ડિયા એસ.એ. બોબડે, જસ્ટિસ બી.આર. ગવઈ અને જસ્ટિસ સૂર્યકાંતની બેન્ચે આ અરજીઓ પર સુનાવણી કરી.

    નાગરિકતા સંશોધન કાયદા (CAA) માટે સૌથી પહેલી અરજી મુસ્લિમ લીગે દાખલ કરી હતી. તેમાં આરોપ લગાવવમાં આવ્યો છે કે આ કાયદો બંધારણના પાયાના સિદ્ધાંતથી વિરુદ્ધ છે અને તેનો સ્પષ્ટ ઉદ્દેશ્ય મુસલમાનો સાથે ભેદભાવ કરવાનો છે કારણ કે પ્રસ્તાવિત કાયદાનો લાભ માત્ર હિન્દુ, શીખ, બૌદ્ધ, જૈન, પારસી અને ખ્રિસ્તી સુમદાયના સભ્યોને જ મળશે.



    મુસ્લિમ લીગે દાખલ કરી હતી પહેલી અરજી

    અરજીમાં કહેવામાં આવ્યું કે, અરજીકર્તાઓને શરણાર્થીઓને નાગરિકતા આપવા અંગે કોઈ ફરિયાદ નથી પરંતુ અરજીકર્તાની ફરિયાદ ધર્મના આધારે ભેદભાવ અને અયોગ્ય વર્ગીકરણને લઈને છે. કહેવામાં આવ્યું કે ગેરકાયદેસર શરણાર્થી પોતાની રીતનો એક વર્ગ છે તેથી તેને ધર્મ, જાતિ કે રાષ્ટ્રીયતાના આધાર વગર જ તેમની પર કોઈ કાયદો લાગુ કરવો જોઈએ.

    અરજીમાં આરોપ લગાવવામાં આવ્યો છે કે સરકારે અહમદિયા, શિયા અને હજારા જેવા લઘુમતીઓને આ કાયદાના દાયરાથી બહાર રાખવા વિશે કોઈ સ્પષ્ટીકરણ નથી આપ્યું.

    બુધવારે જ નાગરિકતા સંશોધન કાયદાની બંધારણીય યોગ્યતાને પડકાર આપનારી કૉંગ્રેસ નેતા જયરામ રમેશ અને ત્રિપુરા રાજ પરિવારના વંશજ પ્રદ્યોત કિશોર દેવ બર્મનની અરજીઓ પર સુનાવણી કરશે. બીજી તરફ આ કાયદાની વિરુદ્ધ દેશના અલગ-અલગ હિસ્સામાં વિરોધ પ્રદર્શન થઈ રહ્યા છે. આ કાયદા હેઠળ પાકિસ્તાન, બાંગ્લાદેશ અને અફઘાનિસ્તાનના ધાર્મિક દમનનો ભોગ બનેલા લઘુમતીઓને નાગરિકતા આપવાની જોગવાઈ છે.
    Published by:Mrunal Bhojak
    First published:

    Tags: Citizenship Act, Citizenship Bill, Supreme Court, કોંગ્રેસ, ભાજપ, મોદી સરકાર

    विज्ञापन

    विज्ञापन

    આગામી સમાચાર

    विज्ञापन
    विज्ञापन