Space Tourism : 2023 સુધીમાં અંતરિક્ષમાં મહેલ બનાવશે ચીન! લોકોને વેકેશન મનાવવા આપશે આમંત્રણ

Space Tourism Projects : છેલ્લા કેટલાક દાયકાઓમાં ચીને વિજ્ઞાન અને ટેકનોલોજીના (Science and Technology News) ક્ષેત્રમાં જે પ્રગતિ કરી છે તે મોટા દેશો માટે પણ ચિંતાજનક છે. ચીન સ્પેસ ટુરિઝમ (China Space Tourism) ટૂંક સમયમાં જ સ્પેસ ટુરિઝમની દુનિયામાં એક મોટું સ્થાન હાંસલ કરવા જઈ રહ્યું છે, જે અમેરિકન સ્પેસ પ્લેયર એલન મસ્ક અને જેફ બેઝોસને હરીફાઈ આપી રહ્યું છે. એવું માનવામાં આવે છે કે ચીન અંતરિક્ષમાં એક મહેલ તૈયાર કરી રહ્યું છે, જ્યાં લોકોને ફરવાનો મોકો મળશે.

નાસાના સ્પેસ શટલ (NASA’s Space Shuttle) અને રશિયાની બાયકોનુર ( Russia’s Baikonur) લોન્ચ ફેસિલિટી પૂર્ણ થયા પછી, આંતરરાષ્ટ્રીય અવકાશ સ્ટેશન માટે દક્ષિણ કઝાકિસ્તાન એકમાત્ર લાઇફલાઇન બાકી છે. યુક્રેન યુદ્ધના કારણે ISSનું જનજીવન પણ પ્રભાવિત થઈ રહ્યું છે. સ્પેસ પ્લેયર્સને લાગેલા આંચકા બાદ હવે ચીનનું તિઆંગોંગ સ્પેસ સ્ટેશન સૌથી મજબૂત સ્થિતિમાં છે, જે ચીનના આર્થિક ક્ષેત્રમાં પણ તેનો ઉપયોગ કરવાના મૂડમાં છે.

આ પણ વાંચો - જો બાયડેનની ચીનને ચેતવણી, યુક્રેન વિરુદ્ધ રશિયાની મદદ કરવા બદલ ભોગવવા પડશે ગંભીર પરિણામ

ચીનનું સ્પેસ સ્ટેશન કે પછી સ્કાય પેલેસ!

ડેઈલી સ્ટારના રિપોર્ટ અનુસાર, ચીનનું તિઆંગોંગ સ્પેસ સ્ટેશન એપ્રિલ 2021માં લોન્ચ થયું ત્યારથી તે આગામી 10-15 વર્ષની શ્રેષ્ઠ સર્વિસ લાઈફ સાથે ચાલી રહ્યું છે. જો કે તેની પાછળનું કારણ વૈજ્ઞાનિક છે, પરંતુ ચીનની સ્પેસ એજન્સી તેનાથી પૈસા કમાવવાની તક ગુમાવવા માંગતી નથી. તેમના તરફથી 10 વર્ષની અંદર તિઆગોંગને પ્રવાસન માટે ખોલવાની જાહેરાત કરવામાં આવી છે. આ પ્રોજેક્ટ ચીન માટે નુકસાનનો પણ નથી કારણ કે હાલમાં ચીનમાં મોટી સંખ્યામાં અબજોપતિઓ છે, જેઓ તેમના જીવનમાં ઓછામાં ઓછા એક વખત સ્પેસ વોક પર જવા ઈચ્છે છે. આ જ કારણ છે કે તેના તિઆંગોંગ સ્પેસ સ્ટેશનને સ્કાય પેલેસ પણ કહેવામાં આવી રહ્યો છે.

આ પણ વાંચો - The Kashmir Files: કાશ્મીરી પંડિતોને ન્યાય મળે તે માટે 32 વર્ષ બાદ સુપ્રીમ કોર્ટમાં અરજી દાખલ કરાઇ

ચીનમાં સૌથી વધુ અબજોપતિઓ

નવીનતમ રેકોર્ડ પણ કહે છે કે આ સમયે ચીનમાં અમેરિકા કરતાં વધુ અબજોપતિ છે. અમેરિકામાં 716 અબજોપતિ છે, જ્યારે ચીનમાં આ સંખ્યા 1133 છે. ચીન આ પ્રોજેક્ટ માટે રિયુઝેબલ સ્પેસક્રાફ્ટ પણ બનાવી રહ્યું છે, જેથી પૃથ્વી અને અવકાશની પરિક્રમા કરી શકાય. જો કે, અન્ય કંપનીઓ પણ કોમર્શિયલ સ્પેસ સ્ટેશન માટે કામ કરી રહી છે, તેથી તેની કિંમત થોડી ઓછી રહેવાની અપેક્ષા છે. તેમ છતાં, આવનારી કેટલીક પેઢીઓ માટે, તે ફક્ત શ્રીમંત લોકોની જ વાત હશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Space Tourism, Technology news, ચીન