COVID-19 in China: ચીનમાં 80 ટકા લોકો કોરોના સંક્રમિત, ટોચના વૈજ્ઞાનિકે નવી લહેર અંગે મોટો દાવો કર્યો

બેઇજિંગઃ ચીનમાં લગભગ 80% લોકો કોરોના વાયરસથી સંક્રમિત થયા છે અને આગામી બે-ત્રણ મહિનામાં કોરોનાની નવી લહેર આવવાની શક્યતા ઓછી છે. ચીનના એક અગ્રણી વૈજ્ઞાનિકે શનિવારે આ વાત જણાવી હતી.

ચીનના સેન્ટર ફોર ડિસિઝ કંટ્રોલ એન્ડ પ્રિવેન્શનના મુખ્ય રોગચાળાના નિષ્ણાત વુ ઝુનયુએ વેઇબો સોશિયલ મીડિયા પ્લેટફોર્મ પર જણાવ્યું હતું કે, નવા વર્ષની રજા દરમિયાન સામુહિક મુસાફરી દરમિયાન કોરોના ખાસ્સો ફેલાયો હતો. તેને કારણે ઘણાં વિસ્તારોમાં ચેપગ્રસ્ત લોકોની સંખ્યા વધી ગઈ હતી. પરંતુ નજીકના ભવિષ્યમાં કોવિડની નવી લહેર આવે તેવી શક્યતા નથી.

આ પણ વાંચોઃ આ ગુજરાતી છોકરો ‘ઘોડે પે સવાર’નું મેલ વર્ઝન ગાઈને છવાઈ ગયો

ગ્રામીણ વિસ્તારમાં રોગચાળો ફેલાયો

હકીકતમાં કોરોનાને રોકવા માટે ચીનમાં ઘણા નિયંત્રણો લાગુ કરવામાં આવ્યા હતા. જો કે, ભૂતકાળમાં તે હળવા કરવામાં આવ્યા હતા. ત્યારબાદ કરોડો લોકો નવા વર્ષની રજાઓ દરમિયાન તેમના સ્વજનોને મળવા વતન રાજ્ય તરફ રવાના થયા હતા. આટલી મોટી સંખ્યામાં લોકોની મુસાફરીને કારણે ગ્રામીણ વિસ્તારોમાં રોગચાળો ફેલાવાની શક્યતા વધી ગઈ છે, જ્યાં તેની સામે લડવાની વ્યવસ્થા ઓછી છે.

ઝીરો કોવિડ પોલિસી સમાપ્ત કરતાં હજારો કેસ આવ્યાં

નેશનલ હેલ્થ કમિશનના એક અધિકારીએ ગુરુવારે જણાવ્યું હતું કે, ચીને તાવ ક્લિનિક્સ, ઇમરજન્સી રૂમ અને ગંભીર સ્થિતિમાં કોવિડ દર્દીઓની સંખ્યા પાર કરી નાંખી છે. સરકારી ડેટા અનુસાર, ચીને અચાનક તેની ઝીરો કોવિડ પોલીસને સમાપ્ત કર્યાના લગભગ એક મહિના પછી 12 જાન્યુઆરી સુધીમાં કોવિડ ધરાવતા લગભગ 60,000 લોકો હોસ્પિટલમાં મૃત્યુ પામ્યા છે.

આ પણ વાંચોઃ વિશ્વનો સૌથી વિચિત્ર મેળો, એકપણ રૂપિયા વગર વસ્તુઓ મળે છે!

જો કે, કેટલાક નિષ્ણાતો કહે છે કે, આ આંકડા કદાચ આ રોગચાળાની અસર કરતાં ઓછા છે. કારણ કે, તેમાં એવા લોકોનો સમાવેશ થતો નથી જેઓ ઘરે મૃત્યુ પામ્યા છે. આનું એક કારણ એ પણ છે કે, ઘણા ડોકટરો કહે છે કે, તેમને આ લોકોના મૃત્યુનું કારણ કોવિડ સંક્રમણ જણાવતા અટકાવવામાં આવ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Coronavirus, Covid 19 cases, Covid 19 coronavirus cases