રાફેલ વિવાદ પર માયાવતીનો વાર, કહ્યું- શું દેશને આવા ચોકીદાર જોઈએ?

રાફેલ પ્લેન સોદામાં કથિત ગોટાળાને લઈને બહુજન સમાજ પાર્ટીની અધ્યક્ષ અને ઉત્તર પ્રદેશની પૂર્વ મુખ્યમંત્રી માયાવતીએ પણ વડાપ્રધાન નરેન્દ્ર મોદી પર હુમલો કર્યો છે.

માયાવતીએ આ સંબંધમાં ટ્વિટ કરીને લખ્યું કે, રાફેલ સોદાની ગોપનીય ફાઇલ જો ચોરી થઈ ગઈ તો કંઈ વાંધો નહીં, દેશમાં રોજગારનો ઘટતો દર અને વધતી બેરાજગારી તથા ગરીબી, શ્રમિકોની દુર્દશા, ખેડૂતોની ખરાબ સ્થિતિ વગેરેના આંકડા જાહેર ન થવા જોઈએ. વોટ/ઇમેજ માટે તેને છુપાવી રાખવાના છે. શું દેશને આવા જ ચોકીદાર જોઈએ?

राफेल सौदे की गोपनीय फाइल यदि चोरी हो गई तो गम नहीं, किन्तु देश में रोजगार की घटती दर व बढ़ती बेरोजगारी एवं गरीबी, श्रमिकों की दुर्दशा, किसानों की बदहाली आदि के सरकारी आंकड़े पब्लिक नहीं होनी चाहिये। वोट/इमेज की खातिर उन्हें छिपाये रखना है। क्या देश को ऐसा ही चौकीदार चाहिए?

— Mayawati (@Mayawati) March 22, 2019

અન્ય એક ટ્વિટમાં માયાવતીએ લખ્યું કે, બીજેપીના મંત્રી તથા નેતાઓ પીએમ મોદીને અનુસરી 'ચોકીદાર' બની ગયા છે. પરંતુ યૂપીના સીએમ જેવા લોકો મોટી દુવિધામાં છે કે શું કરે? જનસેવક/યોગી રહે કે પોતાની જાતને ચોકીદાર જાહેર કરે. બીજેપીવાળા ફાવે તે ફેશન કરે, બસ બંધારણ/કાયદાના રક્ષક બનીને કામ કરે. જનતા બસ આ જ ઈચ્છે છે.

આ પણ વાંચો, BJPની પહેલી યાદીમાં 78 નેતાઓને ફરી મળી ટિકિટ, 35 પર છે ક્રિમિનલ કેસ

ઉલ્લેખનીય છે કે, થોડા દિવસો પહેલા જ માયાવતીએ ટ્વિટર પર એન્ટ્રી કરી છે, ત્યારબાદથી તેઓ સતત દરેક મુદ્દે ટ્વિટ કરે છે. માયાવતીના નિશાને કેન્દ્રની નરેન્દ્ર મોદી સરકાર અને રાજ્યની યોગી આદિત્યનાથની સરકાર રહે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Chowkidar Chor Hai, Lok sabha election 2019, Main Bhi Chowkidar, Mayavati, નરેન્દ્ર મોદી