ગૌતમ ગંભીરનો આરોપ, ‘ISIS કાશ્મીર’ તરફથી મળી રહી છે જાનથી મારી નાખવાની ધમકી, ઘરની સુરક્ષા વધારવામાં આવી

બીજેપી સાંસદ અને પૂર્વ ક્રિકેટર ગૌતમ ગંભીરને જાનથી મારી નાખવાની ધમકી મળી છે (file photo)

Gautam Gambhir receives death threats from ISIS Kashmir: બીજેપી સાંસદ અને પૂર્વ ક્રિકેટર ગૌતમ ગંભીરને 'ISIS કાશ્મીર' તરફથી જાનથી મારી નાખવાની ધમકી મળી છે. આ મામલે ગૌતમ ગંભીરના નિવાસ સ્થાને સુરક્ષા મજબૂત બનાવવામાં આવી છે.

  • Share this:
    Gautam Gambhir receives death threats from ISIS Kashmir: ઇસ્ટ દિલ્હી મતવિસ્તારના બીજેપી સાંસદ અને પૂર્વ ક્રિકેટર ગૌતમ ગંભીરને જાનથી મારી નાખવાની ધમકી મળી છે. ગંભીરે આ મામલે દિલ્હી પોલીસનો સંપર્ક કર્યો છે અને કહ્યું છે કે તેને 'ISIS કાશ્મીર' તરફથી જાનથી મારી નાખવાની ધમકી મળી છે. ડીસીપી શ્વેતા ચૌહાણે જણાવ્યું કે તેમની ફરિયાદ પર તપાસ ચાલી રહી છે. તેમણે જણાવ્યું કે સેફ્ટી માટે ગંભીરના નિવાસ સ્થાને સુરક્ષા મજબૂત બનાવવામાં આવી છે.

    ઈ-મેઈલ પણ શેર કર્યો

    દિલ્હી પોલીસને લખેલા પત્રમાં ગંભીરે કહ્યું કે તેને ISIS કાશ્મીર તરફથી ધમકીઓ મળી છે. આ ધમકી તેમને ઈ-મેલ દ્વારા મોકલવામાં આવી છે. આતંકી સંગઠને તેને અને તેના પરિવારને જાનથી મારી નાખવાની ધમકી આપી છે. બીજેપી સાંસદે દિલ્હી પોલીસને તેમના ઘરની સુરક્ષા માટે પૂરતા પગલા લેવા જણાવ્યું છે. સાંસદની ફરિયાદ બાદ દિલ્હી પોલીસ આતંકી સંગઠનના મેઈલની તપાસમાં લાગેલી છે.

    આ સાથે ગંભીરે જાનથી મારવાની ધમકીભર્યો એક ઈ-મેઈલ પણ શેર કર્યો છે. આ મેઈલને સેન્ડ કરનારનું નામ ISIS કાશ્મીર છે. મેઈલ મળ્યા બાદ ગૌતમ ગંભીરના ઘરની બહાર સુરક્ષા બંદોબસ્ત કરવામાં આવ્યો છે. ગૌતમ ગંભીરે 2019ની લોકસભા ચૂંટણીમાં ભાજપની ટિકિટ પર પૂર્વ દિલ્હી સંસદીય મતવિસ્તારમાંથી ચૂંટણી જીતી હતી.

    gautam gambhir receives death threats from isis kashmir1

    જણાવી દઈ કે ક્રિકેટરથી રાજનેતા બનેલા ગૌતમ ગંભીર અવારનવાર કોઈ મુદ્દે પોતાના બેબાક નિવેદનોને લઈને ચર્ચામાં રહે છે. ક્રિકેટ હોય કે વર્તમાન મુદ્દો, તેઓ પોતાનો મત જણાવતાં નથી ખચકાતા. ગૌતમ ગંભીરે ઘણી વખત આતંકવાદ વિરુદ્ધ નિવેદન આપ્યું છે.

    આ પણ વાંચો: રાજસ્થાન: અલવર નગર પરિષદના ચેરમેન અને કોંગ્રેસ નેતા બીના ગુપ્તાની પુત્ર સાથે ધરપકડ, 80 હજારની લાંચ લેતાં પકડાયા



    માત્ર ગૌતમ ગંભીર જ નહીં, ભાજપના અનેક નેતાઓને આતંકવાદીઓ તરફથી આવી ધમકીઓ મળવી સામાન્ય વાત છે. જો કે, આંતરરાષ્ટ્રીય આતંકવાદી ISISએ હજુ સુધી ભારતમાં એકપણ આતંકવાદી ઘટનાને અંજામ આપ્યો નથી અને ISIS કાશ્મીર નામના આતંકવાદી સંગઠનનું નામ પણ સાંભળવામાં નથી આવ્યું.

    આ પણ વાંચો: કોરોનાથી પણ વધુ જીવલેણ બની રહ્યું છે દિલ્હીનું વાયુ પ્રદ્દૂષણ, નિષ્ણાતોએ આપી ચેતવણી

    આતંકવાદ વિરુદ્ધ અવાજ ઉઠાવે છે ગૌતમ ગંભીર

    છેલ્લા કેટલાક વર્ષોમાં ગંભીરે આતંકવાદની આકરી ટીકા કરી છે અને નિવેદનો આપ્યા છે. થોડા દિવસ પહેલા ગૌતમ ગંભીરે બીજેપી સાંસદે કોંગ્રેસ નેતા નવજોત સિંહ સિદ્ધુ પર નિશાન સાધ્યું હતું. સિદ્ધુએ ઈમરાન ખાનને પોતાના મોટા ભાઈ તરીકે સંબોધ્યા હતા એ અંગે એક ટ્વિટમાં ગંભીરે કહ્યું, ‘તમારા પુત્ર કે પુત્રીને સરહદ પર મોકલો અને પછી આતંકવાદી રાજ્યના વડાને તમારો મોટો ભાઈ કહો!’
    Published by:Nirali Dave
    First published: