BJP નેતાના પુત્ર અને દીકરીએ પહેલા સાથે બેસીને ચા પીધી, પછી રૂમમાં જઈ કરી લીધી આત્મહત્યા

ગોરખપુર : ઉત્તર પ્રદેશના (Uttar Pradesh)ગોરખપુરમાં ભારતીય જનતા પાર્ટીના (BJP)એક નેતાના પુત્ર અને દીકરીએ ગળે ફાંસો ખાઇ આત્મહત્યા (suicide)કરી લીધી છે. સૂચના મળવા પર સ્થળ પર પહોંચેલી પોલીસે આ મામલે તપાસ શરૂ કરી છે.

પોલીસે જણાવ્યું કે ગોરખપુર ભાજપાના જિલ્લા ઉપાધ્યક્ષ છોટે લાલ મોર્યની મોટી પુત્રી પૂનમ (23)અને મોટો પુત્ર સની (20) શુક્રવારે ઘરની અંદર ગળે ફાંસો ખાધેલી હાલતમાં મળી આવ્યા હતા. આ દ્રશ્ય જોઇ પરિવારજનોને હોશ ઉડી ગયા હતા. પાડોશીઓએ મામલાની જાણકારી પોલીસને આપી હતી. પોલીસે ઘટના સ્થળે પહોંચીને વીડિયો બનાવ્યો અને જરૂરી સાબિતી ભેગી કરી હતી.

આ પણ વાંચો - બહેને જ પ્રેમી સાથે મળી સગા ભાઈની હત્યા કરાવી દીધી, પોલીસે જણાવ્યું કારણ

પોલીસે શરૂ કરી તપાસ

અત્યાર સુધી આ આત્મહત્યાનું કારણ સામે આવ્યું નથી. પરિવારજનોએ આ સંબંધમાં કાંઇપણ બોલવાનો ઇન્કાર કર્યો છે. જ્યારે પાડોશીઓએ જણાવ્યું કે ઘટનાના થોડા સમય પહેલા ભાઈ-બહેન વચ્ચે કોઇ વાતને લઇને વિવાદ થયો હતો. હાલ પોલીસ આ મામલાની તપાસ કરી રહી છે.

એસપી સાઉથ અરુણ કુમાર સિંહે જણાવ્યું કે અત્યાર સુધીની તપાસમાં આ ઘટનાનું કોઇ કારણ સામે આવ્યું નથી. હાલ પોલીસ પરિવારજનોની પૂછપરછ કરવાની સાથે મૃતકોના મિત્રો પાસેથી પણ જાણકારી મેળવી રહી છે.

સાથે બેસીને પીધી હતી ચા

પોલીસને આપેલા નિવેદનમાં પરિવારજનોએ જણાવ્યું કે સુસાઇડનું કારણ સામે આવ્યું નથી. જોકે તેમણે એટલું કહ્યું કે ઘટનાથી લગભગ એક કલાક પહેલા ઘરની લોબીમાં બન્ને ભાઈ-બહેને સાથે બેસીને ચા પીધી હતી. આ પછી બન્ને પોત-પોતાના રૂમમાં ચાલ્યા ગયા હતા. જ્યાં તેમણે ગળે ફાંસો ખાઇ આત્મહત્યા કરી લીધી હતી. ઘણા સમય સુધી રૂમમાં કોઇ હલચલ ના થઇ તો ભાજપા નેતાનો નાનો પુત્ર રવિ પ્રતાપ રૂમમાં ગયો હતો અને જ્યા તેણે ભાઇ-બહેનને ગળે ફાંસો ખાધેલી હાલતમાં જોયા હતા.

 પહેલાં બે બાળકો અને પત્નીની હત્યા કરી, પછી eLDCલીધો

ઇન્દોર : મધ્ય પ્રદેશના (Madhya Pradesh)ઈન્દોરમાં એક યુવકે પહેલાં ઝેર આપીને પરિવારના સભ્યોની હત્યા કરી અને પછી પોતે ગળે ફાંસો (suicide)લગાવી લીધો હતો. મૃતકનું નામ અમિત યાદવ છે. પહેલાં તેણે પોતાની પત્ની ટીના યાદવ અને ત્રણ વર્ષની પુત્રી અને દોઢ વર્ષના પુત્રની ઝેર આપીને હત્યા કરી અને પછી પોતાને ફાંસી લગાવી દીધી હતી. એક જ પરિવારના ચાર લોકોના મોતથી ચકચાર મચી ગઈ હતી. યુવકે સુસાઇડ નોટમાં દેવાથી પરેશાન હોવાનું જણાવ્યું છે. અમિત યાદવે દેવાથી કંટાળીને પોતાની પત્ની અને બાળકોને ઝેર આપીને મારી નાખ્યા અને પછી પોતે પણ ફાંસી પર લટકી ગયો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Suicide news, Uttar Pradesh‬