પટના સાહિબથી રવિશંકર, પુરીથી સંબિત પાત્રા- ભાજપે ફાઇનલ કરી આ નેતાઓની ટિકિટ!

ભારતીય જનતા પાર્ટી હવે સોમવારે પોતાના ઉમેદવારોની પહેલી યાદી જાહેર કરી શકે છે. પીએમ નરેન્દ્ર મોદી અને પાર્ટીના રાષ્ટ્રીય અધ્યક્ષ અમિત શાહની ઉપસ્થિતિમાં શનિવાર મોડી રાત્રે ચાલેલી 8 કલાકની મેરથોન બેઠકમાં ઉમેદવારોના નામ પર મંથન બાદ આ નિર્ણય લેવામાં આવ્યો.

દિલ્હી સ્થિત ભાજપ હેડક્વાર્ટરમાં પાર્ટીની કેન્દ્રીય ચૂંટણી સમિતિની મોડી રાત્ર બે વાગ્યા સુધી બેઠક ચાલતી રહી. આ બેઠકમાં પીએમ મોદી અને અમિત શાહ ઉપરાંત કેન્દ્રીય મંત્રી સુષ્મા સ્વરાજ, રાજનાથ સિંહ, અરૂણ જેટલી અને કિરણ રિજિજૂ સહિત અનેક કેન્દ્રીય મંત્રી સામેલ થયા.

સૂત્રો મુજબ, આ બેઠકમાં 11 રાજ્યોની વિભિન્ન લોકસભા સીટો પર ઉમેદવારોના નામ પર ચર્ચા થઈ. તેમણે જણાવ્યું કે પાર્ટી સોમવારે પોતાના ઉમેદવારોની પહેલી યાદી જાહેર કરી દેશે. પહેલા શનિવારે આ યાદી જાહેર કરવાની આશા હતી.

આ પણ વાંચો, ગોવામાં કોંગ્રેસે કર્યો સરકાર રચવાનો દાવો તો અમિત શાહે નવા CM શોધવા મોકલી ટીમ

સૂત્રોએ સાથોસાથ જણાવ્યું કે બેઠકમાં બિહાર, ઉત્તરાખંડ, આસામ, અરુણાચલ પ્રદેશ, મણિપુર, ત્રિપુરા, આંધ્ર પ્રદેશ, મહારાષ્ટ્ર અને જમ્મુ-કાશ્મીર માટે ચૂંટણી રણનીતિ અને ઉમેદવારો પર ચર્ચા થઈ. તેઓએ કહ્યું કે, આ તમામ રાજ્યોમાં જે સીટો પર ભાજપની વધુ પકડ નથી, ત્યાં બીજી ક્ષેત્રીય પાર્ટીઓ કે અમને સમર્થન આપનારા અન્ય મોટા નેતાઓ માટે છોડી શકાય છે.

સૂત્રો મુજબ, શનિવારે થયેલી બેઠકમાં આ નામો પર સહમતિ સધાઈ છે:

પટના સાહિબ- રવિશંકર પ્રસાદ
આરા- આર કે સિંહ
પૂર્વ ચંપારણ- રાધામોહન સિંહ
પશ્ચિમ ચંપારણ- સંજય જયસવાલ
સારણ- રાજીવ પ્રતાપ રુડી
બક્સર- અશ્વિની ચૌબે
નાગપુર- નિતિન ગડકરી
સુંદર ગઢ (ઓડિશા)- જોએલ ઉરાંગ
પુરી (ઓડિશા)- સંબિત પાત્રા
અરુણાચલ વેસ્ટ- કિરણ રિજિજૂ
ત્રિપુરા ઇસ્ટ- રવિમોહન
ત્રિપુરા વેસ્ટ- પ્રતિમા ભૌમિક
ગુવાહાટી- વિજય ચક્રવર્તી
લખીમપુર- પ્રધાન બરુઆ
ડિબ્રૂગઢ- રામેશ્વર તેલી
ટિહરી ગઢવાલ- માલા રાજલક્ષ્મી
અલમોરા- અજય ટમટા
હરિદ્વાર- રમેશ પોખરિયાલ નિશંખ

ઉલ્લેખનીય છે કે, સાત ચરણોમાં યોજાનારી લોકસભા ચૂંટણીમાં આ વખતે 11 એપ્રિલે પહેલા ચરણનું વોટિંગ થશે, જેમાં આંધ્ર પ્રદેશ, આસામ, બિહાર, જમ્મુ-કાશ્મીર, મહારાષ્ટ્ર, ઉત્તર પ્રદેશ, ઉત્તરાખંડ અને પશ્ચિમ બંગાળ સામેલ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Lok Sabha Elections 2019, અમિત શાહ, નરેન્દ્ર મોદી, ભાજપ