BJP-AAPનું ‘કચરા’ પર ઉગ્ર વિરોધ પ્રદર્શન, ભાજપના કાર્યકરોએ ‘કેજરીવાલ ગો બેક’ના નારા લગાવ્યા

નવી દિલ્હી. દેશની રાજધાની દિલ્હીમાં ભાજપ અને સત્તાધારી આમ આદમી પાર્ટી વચ્ચે રાજકીય તકરાર ખતમ થવાનું નામ નથી લઈ રહી. ગુરુવારે દિલ્હી-ઉત્તર પ્રદેશની બોર્ડર પર ગાઝીપુરમાં ભાજપ અને AAPના કાર્યકર્તાઓ વચ્ચે ભારે હોબાળો થયો હતો. પોલીસની હાજરી છતાં બંને પક્ષના કાર્યકરો સામસામે આવી ગયા હતા. બંનેએ એકબીજા વિરુદ્ધ ઉગ્ર સૂત્રોચ્ચાર કર્યા હતા.વિરોધને કારણે દિલ્હી-મેરઠ રૂટ જામ થઈ ગયો હતો. બંને તરફ વાહનોની લાંબી કતારો લાગી હતી જેના કારણે સામાન્ય લોકોને મુશ્કેલીનો સામનો કરવો પડ્યો હતો.

ભાજપના કાર્યકરોએ હાથમાં કાળા ઝંડા લઈને કેજરીવાલ ગો બેકના નારા લગાવ્યા હતા. આ પહેલા ભાજપના કાર્યકર્તાઓ દિલ્હી સરકાર સામે વિરોધ પ્રદર્શન કરી રહ્યા હતા. ત્યારબાદ આપના કાર્યકરો ત્યાં પહોંચી ગયા. ભાજપે આરોપ લગાવ્યો કે કેજરીવાલ ગાઝીપુરના કચરા પર રાજકારણ કરી રહ્યા છે.સ્થળ પર હાજર પોલીસ કર્મચારીઓ બંને પક્ષના ઉશ્કેરાયેલા કાર્યકરોને સમજાવવામાં વ્યસ્ત હતા, પરંતુ બંને પક્ષના કાર્યકરોએ વિરોધ ચાલુ રાખ્યો હતો. AAP નેતા સૌરભ ભારદ્વાજે કહ્યું કે ભાજપે દિલ્હી-મેરઠ રોડ બ્લોક કરી દીધો છે. જેના કારણે હજારો લોકો હાલાકી ભોગવી રહ્યા છે. સૌરભ ભારદ્વાજે કહ્યું કે મુખ્યમંત્રી અરવિંદ કેજરીવાલ કચરાના પહાડ પર ભાજપની પોલ ખોલવા આવી રહ્યા છે.

#WATCH | Delhi BJP workers & AAP workers came face to face & raised slogans against each other in Ghazipur today.

The BJP workers were protesting against the Delhi Govt; AAP workers reached there soon after and raised slogans against them.

Police personnel present at the spot. pic.twitter.com/OrCgYiO8OE

— ANI (@ANI) October 27, 2022

આ પણ વાંચોઃ પીઓ 'બેવફા ચા', પ્રેમમાં વિશ્વાતઘાત મળેલા લોકોને ફ્રીમાં ચા, અને પ્રેમીઓ માટે...

તેમણે કહ્યું કે ભાજપે 15 વર્ષમાં કચરાના ત્રણ પહાડ આપ્યા. દિલ્હીને કચરાનો ઢગલો બનાવી દેવામાં આવ્યો છે. આ વખતે MCDની ચૂંટણી કચરા મુદ્દે થશે. મુખ્યમંત્રીએ પડકાર ફેંક્યો કે ભાજપ જણાવે કે છેલ્લા 15 વર્ષમાં MCDમાં શું કામ થયું છે?

બીજી તરફ આમ આદમી પાર્ટીના નગરપાલિકા પ્રભારી દુર્ગેશ પાઠકે કહ્યું કે ભાજપ નથી ઈચ્છતી કે લોકો કચરાનો ઢગલો જુએ. તેમણે કહ્યું કે આવા 16 વધુ કચરાના ઢગલા બનાવવાની તૈયારી કરવામાં આવી રહી છે. દુર્ગેશ પાઠકે કહ્યું કે, શાળા, હોસ્પિટલ અને કચરાના ઢગલા પર રાજનીતિ થવી જોઈએ. ભાજપે છેલ્લા 15 વર્ષમાં શું કર્યું તે જણાવો. AAP નેતાએ કહ્યું કે ભાજપ વિરુદ્ધ માહોલ બની ગયો છે. કેજરિવાલ ગુજરાતમાં ન આવે તે માટે ભાજપ વિરોધ કરી રહ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Aaam Aadmi Party, Aarvind kejriwal, BJP Candidate