સેનારી હત્યાકાંડ: બિહારમાં 34 લોકોની સામૂહિક હત્યા કોઇએ નથી કરી? તમામ આરોપીઓની મુક્તિ પર ઉઠ્યાં સવાલ

વિજય જ્હા, પટણા: 18 માર્ચ 1999 ના રોજ, જહાનાબાદ જિલ્લાના સેનારી ગામમાં 34 લોકોની સામૂહિક હત્યા (Mass murder) કરવામાં આવી હતી. આ ઘાતકી હત્યાકાંડે બિહારની (Bihar) એવી છબી બનાવી કે, આજ સુધી આ રાજ્ય તેની ઓળખ ભૂંસી શક્યું નથી. પરંતુ, આ નરસંહાર કેસના તમામ આરોપીઓને નિર્દોષ જાહેર કરવામાં આવ્યા છે. પટણા હાઈકોર્ટે (Patna Highcourt) શુક્રવારે નીચલી અદાલતમાંથી પુરાવાના અભાવને કારણે દોષિત ઠેરવવામાં આવેલા 15 દોષિતોમાંથી તમામને જેલમાંથી મુક્ત કરવા આદેશ આપ્યો છે. હાઈકોર્ટના આ નિર્ણય સામે અનેકસવાલો ઉભા થવા લાગ્યા છે કે, શું કોઈએ 34 લોકોની હત્યા નથી કરી? ભારતીય જનતા પાર્ટીના બિહાર પ્રદેશ પ્રમુખ ડૉ. સંજય જયસ્વાલે પોતાના સોશિયલ મીડિયા એકાઉન્ટ પર આ અંગેની પીડા વ્યક્ત કરી છે.

સંજય જયસ્વાલે તેમના ફેસબુક એકાઉન્ટ પર લખ્યું છે કે, 34 માનવોની હત્યા કોઇએ નથી કરી. દુ:ખદ !!!!! ?????? ...... ભાજપ અધ્યક્ષે તેમના ટ્વીટમાં અનેક પ્રશ્નાર્થ ચિન્હો મૂક્યા છે જે આપણી ન્યાયિક પ્રણાલીની ભૂલો તરફ ધ્યાન દોરે છે. સવાલ એ છે કે, જ્યારે નીચલી અદાલતો સજા સંભળાવે છે, ત્યારે ઉચ્ચ અદાલતમાં સમાન પુરાવાઓને કેવી રીતે નકારી શકાય?

COVID-19 in India: કોરોના પર વાગી બ્રેક! 24 કલાકમાં 2.57 લાખ નવા કેસ જ્યારે 3.57 લાખ લોકો સાજા થયા

બિહાર ભાજપ અધ્યક્ષ ડૉ. સંજય જયસ્વાલની ફેસબુક પોસ્ટનો સ્ક્રીનશોટ



22 વર્ષ બાદ તમામ આરોપીઓને નિર્દોષ

18 માર્ચ 1999ના રોજ, હાલના અરવલ જિલ્લાના (અગાઉના જહાનાબાદ) કરપી પોલીસ સ્ટેશનના સેનારી ગામમાં 34 લોકોની નિર્દયતાથી હત્યા કરવામાં આવી હતી. પ્રતિબંધિત એમસીસી આતંકવાદીઓ સામે આ આરોપ લગાવવામાં આવ્યો હતો. 15 નવેમ્બર, 2016 ના રોજ ટ્રાયલ કોર્ટે નરસંહારના કેસમાં 11 આરોપીઓને ફાંસીની સજા અને અન્ય લોકોને આજીવન કેદની સજા પણ આપી હતી.

પટણા હાઈકોર્ટની બે સભ્યોની બેંચ, જસ્ટિસ અશ્વનીકુમાર સિંહ અને જસ્ટિસ અરવિંદ શ્રીવાસ્તવ પર સેનારી હત્યાકાંડ કેસના નિર્ણય અંગે સવાલો ઉઠાવવામાં આવી રહ્યાં છે. કોર્ટે આ કેસમાં કહ્યું હતું કે, ફરિયાદીના પુરાવા એક બીજા સાથે મેળ ખાતા નથી. તે જ સમયે, આરોપીને ઓળખવાની પ્રક્રિયા યોગ્ય નથી. તપાસનીશ પોલીસે ઓળખની કાર્યવાહી યોગ્ય રીતે કરી નથી. સાક્ષીઓએ અદાલતમાં આરોપીની ઓળખ કરી છે, જે પુરાવાની ગણતરીમાં નથી. તેથી, આરોપીને શંકાનો લાભ મળે છે.

બાળકોમાં વધી રહ્યો છે COVID-19નો ખતરો, કર્ણાટકમાં 9 વર્ષ સુધીનાં 40 હજાર બાળકો કોરોના પોઝિટિવ

બિહારના જાણીતા કાયદાકાર વાયવી ગિરીએ કહ્યું કે, કોર્ટે પુરાવાના આધારે ચુકાદો આપ્યો છે. કોર્ટે રાતે અંધારામાં આરોપીની ઓળખ અંગે સવાલ ઉઠાવતા પોતાનો ચુકાદો આપ્યો છે. જોકે કોર્ટે આ ઘટનાને સાચી માની છે, પરંતુ આરોપીની ઓળખ યોગ્ય તરીકે થઇ હોવાનું સ્વીકાર્યું નથી. એક મોટી વાત એ પણ છે કે આ કૌભાંડની તપાસ કરી રહેલા આઈઓનું પણ મોત નીપજ્યું હતું.



શું હતી ઘટના?

કહેવામાં આવે છે કે, 18 માર્ચ 1999ના રોજ પ્રતિબંધિત નક્સલી સંગઠન MCCએ ઝહાનાબાદ જિલ્લાના સેનારી ગામમાં હોળીના તહેવારના થોડા દિવસ પહેલા જ લોહીથી હોળી રમી હતી. એવું કહેવામાં આવે છે કે, 500-600 જેટલા હથિયારબંધ લોકોએ ગામ પર હુમલો કરી આખું ગામ ઘેરી લીધું હતું. ત્યારબાદ ગામમાંથી પુરુષોને બહાર કાઢી મંદિર પાસે લાવવામાં આવ્યા. ત્યારબાદ 6 શખ્સોએ ધારદાર હથિયારથી એક-એક કરી પુરુષોના ગળા કાપવાનું શરૂ કરી દીધું હતું. એક-એક કરી કુલ 34 લોકોની નિર્મમ હત્યા કરી દેવાઇ હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Patna, Verdict, બિહાર, ભારત, હાઇકોર્ટ