સૈન્ય અભ્યાસ દરમિયાન તોપે નિયંત્રણ ગુમાવ્યું, ફાયરિંગ રેન્જની બહાર શેલ પડતા 3 ગ્રામજનોના મોત

ગયા: બિહારના ગયા જિલ્લાના બરાચટ્ટી પોલીસ સ્ટેશન હેઠળના ગુલરવેદ ગામમાં એક સૈન્ય અભ્યાસ દરમિયાન સેના દ્વારા છોડવામાં આવેલા તોપના શેલને કારણે 3 ગ્રામજનો ઘટનાસ્થળે મૃત્યુ પામ્યા હતા, જ્યારે 3 અન્ય લોકો ગંભીર રીતે ઘાયલ થયા હતા. ગયાના વરિષ્ઠ પોલીસ અધિક્ષક આશિષ ભારતીએ જણાવ્યું હતું કે, આ મામલાની માહિતી મળ્યા પછી, પોલીસ અધિક્ષક (શહેર) ની આગેવાનીમાં એક પોલીસ ટીમ ઘટનાસ્થળે મોકલવામાં આવી છે.

આ પણ વાંચો: ભારતીય સૈનિકોને સૈન્ય એજન્સી આપી સલાહ, કહ્યું - "તમારો ફોન બદલો"

મળતી માહિતી મુજબ, આ મામલો ગયા જિલ્લાના બારાચટ્ટી પોલીસ સ્ટેશનના ગુલરવેદ ગામનો છે. હોળીના દિવસે ગામમાં શોકનો માહોલ છે. ગયાના એસપી આશિષ ભારતીએ જણાવ્યું હતું કે, મૃતકોમાં ગુલરવેદ ગામના રહેવાસી એક જ પરિવારના બે પુરુષ અને એક મહિલાનો સમાવેશ થાય છે. આ અકસ્માતમાં ઘાયલ બે મહિલાઓ સહિત ત્રણ લોકોને સારવાર માટે ગયા શહેરની અનુગ્રહ નારાયણ મગધ મેડિકલ હોસ્પિટલમાં દાખલ કરવામાં આવ્યા છે.


રિપોર્ટ અનુસાર, મૃતકોની ઓળખ ગોવિંદ માંઝી, સૂરજ કુમાર અને ગોલા માંઝીના જમાઈ કંચન કુમારી તરીકે થઈ છે. જ્યારે ઘાયલોમાં ગીતા કુમારી, રાશો દેવી, પિન્ટુ માંઝીનો સમાવેશ થાય છે. જાણકારી અનુસાર, ગયાના ડોભી બ્લોકના ત્રિલોકીપુરમાં સેનાની પ્રેક્ટિસ ફાયરિંગ રેન્જ ચાલે છે. આ ફાયરિંગ રેન્જથી આસપાસના ગામો પ્રભાવિત છે. ઘણીવાર ત્યાં તોપનો ગોળો ફાયરિંગ રેન્જ વિસ્તારની બહાર પડે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Holi 2023, Latest firing news, ભારતીય સેના Indian Army