Home /News /national-international /

સાઉદી અરબમાં મળ્યો નવો ખજાનો, સોનું અને તાંબુ ધરાવતા નવા વિસ્તારો મળતા સરકાર ખુશ

સાઉદી અરબમાં મળ્યો નવો ખજાનો, સોનું અને તાંબુ ધરાવતા નવા વિસ્તારો મળતા સરકાર ખુશ

સાઉદી અરબમાં મળ્યો મોટા ખજાનો

સાઉદી અરબમાં સોના અને તાંબાનો નવો ભંડાર મળ્યો છે. આ વાત સાઉદી અરબ સરકારને ખૂબ જ ખુશ કરનારી છે, કારણ કે સોનાનો નવો ભંડાર મળવાના કારણે ઈન્ટરનેશનલ અને દેશના સ્થાનિક રોકાણકારો વધુ આકર્ષિત થશે. જેથી માઈનિંગ સેક્ટરમાં વધુ રોકાણની આશા રહેશે. સાઉદી અરબના ભૂવૈજ્ઞાનિક સર્વેક્ષણ વિભાગે સોના અને તાંબાની નવી ખાણો મળવા અંગેની જાહેરાત કરી છે.

વધુ જુઓ ...
    નવી દિલ્હી: સાઉદી અરબમાં સોના અને તાંબાનો નવો ભંડાર મળ્યો છે. આ વાત સાઉદી અરબ સરકારને ખૂબ જ ખુશ કરનારી છે, કારણ કે સોનાનો નવો ભંડાર મળવાના કારણે ઈન્ટરનેશનલ અને દેશના સ્થાનિક રોકાણકારો વધુ આકર્ષિત થશે. જેથી માઈનિંગ સેક્ટરમાં વધુ રોકાણની આશા રહેશે. સાઉદી અરબના ભૂવૈજ્ઞાનિક સર્વેક્ષણ વિભાગે સોના અને તાંબાની નવી ખાણો મળવા અંગેની જાહેરાત કરી છે. સાઉદી અરબના જે સ્થળોમાં સોનાની ખાણો મળી છે, તેમાં મંદીનાના અલ-રાહા, ઉમ્મ અલ-બરાક શીલ્ડ, હિજાજની સીમાઓનો સમાવેશ થાય છે.

    સ્થાનિકની સાથે ઈન્ટરનેશનલ રોકાણકારો થશે આકર્ષિત

    રિપોર્ટના જણાવ્યા અનુસાર સાઉદી અરબમાં સોના અને તાબાની નવી ખાણો મળવાથી સ્થાનિક અને આંતરરાષ્ટ્રીય રોકાણકારો આકર્ષિત થશે તેવી આશા છે. આ નવા ભંડારના કારણે ચાર હજાર નવી નોકરીઓ સર્જાવાની શક્યતા છે. સાઉદી અરબમાં થયેલી નવી શોધ અંગે નિષ્ણાંતોનું માનવું છે કે સાઉદીમાં ખનન માટે નવી તકો સર્જાશે. આ સિવાય આ ક્ષેત્રમાં રોકાણની પણ વધુ તકો સર્જાશે.

    વિઝન 2030ને મળશે મજબૂતી

    સોના અને તાંબાના નવા ભંડારોની શોધ સાઉદી સરકારના માઈનિંગ સેક્ટરને મજબૂત કરશે. જે ક્રાઉન પ્રિન્સ મોહમ્મદ બિન સલમાનના વિઝન 2030 માટે એક સહારો બનશે. MBSનું આ વિઝન વર્ષ 2030 સુધીમાં સાઉદી અરબની આર્થિક નિર્ભરતાને ક્રુડ પરથી હટાવીને અલગ-અલગ ચીજો પર સ્થાપિત કરવા પર ભાર મુકવાનું છે.

    જુલાઈમાં સાઉદી સરકારના મંત્રીએ આપ્યું હતું મોટું નિવેદન

    જુલાઈ મહિનામાં સાઉદી સરકારમાં ઈન્ડસ્ટ્રી એન્ડ મિનિરલ રિસોર્સ મિનિસ્ટર ખાલિદ અલ મુદેફેરે કહ્યું હતું કે ગત વર્ષે સાઉદી અરબમાં માત્ર ખનન ઉદ્યોગમાં જ 8 બિલિયન ડોલરનું વિદેશી રોકાણ થયું હતું. મંત્રીના જણાવ્યા અનુસાર માઈનિંગ માટે રોકાણને પ્રોત્સાહિત કરનારો કાયદો પસાર થયા પછી વિદેશી રોકાણમાં વધારો જોવા મળ્યો છે.
    Published by:Vrushank Shukla
    First published:

    Tags: Gold and silver, Saudi arabia, Treasure

    विज्ञापन

    विज्ञापन

    આગામી સમાચાર

    विज्ञापन
    विज्ञापन