Buycott china: હોળીના તહેવારમાં ચીનને મોટું નુકસાન, ચીની વસ્તુઓના બહિષ્કારથી સ્થાનિક વેપારીઓ ખુશ

ભારતમાં સ્વદેશી (made in india) અપનાવવા અને ચાઈનીઝ વસ્તુઓના બહિષ્કાર (buycott chinese products)ની અસર આ હોળી (Holi)પર જોવા મળી છે. છેલ્લા બે વર્ષથી કોરોનાના કારણે નરમ પડેલા બજારમાં તેજી જોવા મળી રહી છે. આ જ કારણ છે કે હોળી પર દિલ્હી સહિત દેશભરમાં બિઝનેસમાં 30 ટકાનો વધારો થવાનો અંદાજ છે. કોન્ફેડરેશન ઓફ ઓલ ઈન્ડિયા ટ્રેડર્સ દ્વારા આપવામાં આવેલી માહિતીમાં જણાવવામાં આવ્યું હતું કે આ વર્ષે દેશભરમાં હોળીના તહેવાર સાથે સંબંધિત સામાનમાં 20 હજાર કરોડ રૂપિયાથી વધુનો વેપાર થયો છે.

CAT દ્વારા જણાવવામાં આવ્યું હતું કે કોરોનાના તમામ પ્રતિબંધો ખતમ થયા બાદ આ વર્ષે હોળીના તહેવારે દિલ્હી સહિત દેશભરના વેપારીઓમાં નવો ઉમંગ અને ઉત્સાહનો સંચાર કર્યો છે અને વેપારના ભવિષ્ય અંગે ફરી એકવાર નવી આશા જગાવી છે. પાછલા વર્ષની સરખામણીમાં આ વર્ષે હોળીના તહેવારથી દેશના બિઝનેસમાં લગભગ 30 ટકાનો વધારો થવાની આશા છે, જેના કારણે દેશભરમાં 20 હજાર કરોડથી વધુનો બિઝનેસ થયો છે. આ કારોબારની સૌથી ખાસ વાત એ હતી કે માત્ર વેપારીઓએ જ નહીં પરંતુ સામાન્ય લોકોએ પણ ચાઈનીઝ વસ્તુઓનો સંપૂર્ણ બહિષ્કાર કર્યો હતો. દેશમાં હોળી સંબંધિત સામાનની આયાત લગભગ 10 હજાર કરોડની છે, જે આ વખતે બિલકુલ નહિવત હતી. ત્યાં જ આ વર્ષે એપ્રિલ-મેમાં યોજાનાર લગ્નોના અંતિમ તબક્કામાં પણ સારા વેપારની આશા જાગી છે.

આ પણ વાંચો- Assembly Elections: UPમાં યોગી લેશે 25 માર્ચે શપથ, પંજાબમાં CMની કેબિનેટ આજે લેશે શપથ

દેશના સૌથી મોટા બિઝનેસ લીડર અને કન્ફેડરેશન ઓફ ઓલ ઈન્ડિયા ટ્રેડર્સના રાષ્ટ્રીય મહાસચિવ પ્રવીણ ખંડેલવાલે વડાપ્રધાન નરેન્દ્ર મોદીનો આભાર માનતા કોવિડથી રાહતના મેનેજમેન્ટની પ્રશંસા કરતા કહ્યું કે સરકાર દ્વારા કોવિડની સમસ્યાને વધુ સારી રીતે હેન્ડલ કરવાના કારણે વેપારમાં હવે ફરી તેજી જોવા મળી છે. સમગ્ર દેશમાં કોવિડ પ્રતિબંધો સમાપ્ત થઈ ગયા છે અને વ્યવસાયે હવે વેગ પકડવાનું શરૂ કર્યું છે. જે દેશના અર્થતંત્ર માટે સારી નિશાની છે. આ વખતે હોળીના તહેવારમાં વેપારીઓ અને ગ્રાહકોએ ચાઈનીઝ બનાવટની વસ્તુઓનો બહિષ્કાર કર્યો હતો અને માત્ર હર્બલ કલર, ગુલાલ, પિચકારી, ફુગ્ગા, ચંદન, પૂજા સામગ્રી, વસ્ત્રો અને ભારતમાં બનેલી અન્ય વસ્તુઓનું જોરદાર વેચાણ થયું હતું. ત્યાં જ મીઠાઈઓ, સૂકા ફળો, ભેટની વસ્તુઓ, ફૂલો અને ફળો, કપડાં, ફર્નિશિંગ કાપડ, ગ્રોસરી, એફએમસીજી ઉત્પાદનો, કન્ઝ્યુમર ડ્યુરેબલ્સ સહિત અન્ય ઘણી પ્રોડક્ટ્સનો મોટો બિઝનેસ પણ થયો છે.

આ પણ વાંચો- VIDEO: હોલિકા દહનમાં મિત્રો વચ્ચેનો સ્ટંટ યુવકને પડ્યો ભારે, જાતે જ ચપ્પુ મારતા ગયો જીવ

ખંડેલવાલે જણાવ્યું હતું કે જ્યારે કોવિડ પ્રતિબંધોને કારણે સામાન્ય વ્યવસાયને નુકસાન થયું હતું, ત્યારે ખાસ કરીને હોસ્પિટાલિટી વ્યવસાય લગભગ સમાપ્ત થઈ ગયો હતો, પરંતુ આ વર્ષે કોવિડ પ્રતિબંધો સમાપ્ત થયા પછી દિલ્હી સહિત દેશભરમાં મોટા પાયે હોળીની ઉજવણીનું આયોજન કરવામાં આવ્યું હતું. જેના કારણે બેન્ક્વેટ હોલ, ફાર્મ હાઉસ, હોટલ, રેસ્ટોરાં અને જાહેર ઉદ્યાનોમાં હોળીની ઉજવણીનો ધસારો હતો અને આ ક્ષેત્રે બે વર્ષ પછી સારો બિઝનેસ કર્યો હતો. સમગ્ર દિલ્હીમાં 3 હજારથી વધુ હોળી મિલનની ઉજવણીનું આયોજન કરવામાં આવ્યું હતું અને તમામ કાર્યક્રમોમાં સામેલ લોકોના ચહેરા પર ખુશી અને ઉત્સાહનું નવું વાતાવરણ જોવા મળ્યું હતું.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Boycott china, Happy Holi, Holi 2022, India China Dispute, India-China News