Home /News /national-international /

Ayushman Bharat: આયુષ્માન ભારત યોજનાના લાભાર્થીઓને મોદી સરકારની મોટી ભેટ, હવે સર્જરીનો વિકલ્પ પણ મળશે

Ayushman Bharat: આયુષ્માન ભારત યોજનાના લાભાર્થીઓને મોદી સરકારની મોટી ભેટ, હવે સર્જરીનો વિકલ્પ પણ મળશે

આયુષ્માન ભારત યોજના (ફાઇલ ફોટો)

Ayushman Bharat National Public Health Insurance Scheme: આયુષ્માન ભારત રાષ્ટ્રીય જાહેર આરોગ્ય વીમા યોજનાના લાભાર્થીઓ હવે તે તબીબી પ્રક્રિયાઓને પસંદ કરી શકશે જે આરોગ્ય પેકેજનો ભાગ નથી.

    મોદી સરકાર (Modi Government)ની આયુષ્માન ભારત રાષ્ટ્રીય જાહેર આરોગ્ય વીમા યોજના (Ayushman Bharat National Public Health Insurance Scheme)ના લાભાર્થીઓ હવે એવી તબીબી પ્રક્રિયાઓ પસંદ કરી શકશે જે આરોગ્ય પેકેજનો ભાગ નથી. News18.comને આ અંગે માહિતી મળી છે. ખરેખરમાં આયુષ્માન ભારત (Ayushman Bharat) યોજનાની ગવર્નિંગ પેનલે રાજ્યો અને કેન્દ્રશાસિત પ્રદેશોને 5 લાખ રૂપિયા સુધીના અનિશ્ચિત સર્જિકલ પેકેજ હેઠળ બુક કરવાની પ્રક્રિયા નક્કી કરવા અને મંજૂર કરવાની સ્વતંત્રતા આપી છે.

    આ ઉપરાંત રાજ્યોને સ્વાસ્થ્ય લાભ પેકેજની કિંમતો નક્કી કરવાની પણ મંજૂરી આપવામાં આવી છે - યોજના હેઠળ, લાભાર્થીઓને તબીબી પ્રક્રિયાઓની સૂચિ આપવામાં આવી છે અને તેઓ તેમાંથી યોગ્ય પેકેજ પસંદ કરી શકે છે. આયુષ્માન ભારત કાર્યક્રમ 2018 માં વડાપ્રધાન નરેન્દ્ર મોદી દ્વારા કરોડો ભારતીયોને સ્વાસ્થ્ય લાભો પ્રદાન કરવાના ઉદ્દેશ્ય સાથે શરૂ કરવામાં આવ્યો હતો, ખાસ કરીને જેઓ તબીબી સુવિધાઓ પરવડી શકતા નથી.

    નેશનલ હેલ્થ ઓથોરિટીનું કહેવું છે કે આયુષ્માન ભારત પ્રધાન મંત્રી જન આરોગ્ય યોજના હેઠળ મોટી સંખ્યામાં વિવિધ તબીબી પ્રક્રિયાઓને આવરી લેવામાં આવી છે, પરંતુ કેટલાક કિસ્સાઓમાં દર્દીઓને સર્જરી અથવા સારવાર કરાવવી પડે છે જે સ્વાસ્થ્ય લાભ પેકેજ હેઠળ આવરી લેવામાં આવતી નથી. આવા કિસ્સાઓમાં દર્દીઓ અનિશ્ચિત સર્જિકલ પ્રક્રિયા શ્રેણી હેઠળ પોતાને નોંધણી કરાવી શકે છે.

    આ પણ વાંચો- સતત પાચમા મહિને GST Collection 1.30 લાખ કરોડ રૂપિયાથી વધારે, કેન્દ્ર સરકારને બખ્ખા

    નેશનલ હેલ્થ ઓથોરિટીએ કહ્યું કે, અમે અમારી ચિંતા શેર કરીને અમે ગવર્નિંગ બોર્ડને ખાતરી આપી છે કે વર્તમાન પ્રક્રિયા સમય માંગી લે તેવી છે. રાજ્યોને સશક્તિકરણ કરવાથી લાભાર્થીઓને રાહત મળશે કારણ કે આવા પેકેજો અંગેના નિર્ણયો ઝડપથી લેવા જોઈએ.

    અધિકારીએ કહ્યું કે, યોજનાના અમલીકરણ દરમિયાન, રાજ્યોએ તેમને યોજનાના વિવિધ પાસાઓ પર સલાહ આપવા માટે મેડિકલ સેલની સ્થાપના કરી છે. આથી આ રાજ્યો પાસે હવે યુએસપી (Unspecified Surgical Procedures) નક્કી કરવા માટે પૂરતી ટેકનિકલ કુશળતા છે.

    આ પણ વાંચો- Russia-Ukraine War: આ 5 હથિયારોના દમ પર દુનિયાને ડરાવી રહ્યું છે રશિયા, અમેરિકા પાસે પણ નથી જવાબ

    ગવર્નિંગ બોર્ડનું નેતૃત્વ કેન્દ્રીય સ્વાસ્થ્ય મંત્રી મનસુખ માંડવિયા કરે છે. જેમણે નાણાકીય વર્ષ 2022-2023 થી પેકેજ નક્કી કરવા માટે રાજ્યો અને કેન્દ્રશાસિત પ્રદેશોને સંપૂર્ણ સુગમતા આપવાના પ્રસ્તાવને મંજૂરી આપી દીધી છે. આ સિવાય ગવર્નિંગ બોર્ડે 5 લાખ રૂપિયા સુધીના અસ્પષ્ટ પેકેજને મંજૂરી આપવા માટે રાજ્યો અને કેન્દ્રશાસિત પ્રદેશોને સત્તા સોંપવાના પ્રસ્તાવને પણ મંજૂરી આપી હતી.

    જો કે નેશનલ હેલ્થ ઓથોરિટી જરૂરી ઓડિટ પ્રક્રિયાઓનો સમાવેશ કરીને અનિશ્ચિત સર્જીકલ પ્રક્રિયાઓ અંગે નિર્ણયો લેવા માટે યોગ્ય પ્રક્રિયા નક્કી કરી શકે છે. અધિકારીએ જણાવ્યું હતું કે, રૂ. 1 લાખથી ઉપરના યુએસપી પરના આવા તમામ ખર્ચની વિગતો ગવર્નિંગ બોર્ડ સમક્ષ મંજૂરી માટે લાવવામાં આવશે.
    Published by:rakesh parmar
    First published:

    Tags: Ayushman bharat, Ayushman Bharat Digital Mission, Ayushman Bharat Yojana, Health insurance, Modi government મોદી સરકાર, Narendra modi government

    આગામી સમાચાર