રાજસ્થાનના કારૌલીમાં મોટી દુર્ઘટના, પહાડ પડતા 3 કિશારીઓ સહિત 6ના મૃત્યુ

કરૌલી: રાજસ્થાનના કરૌલીના સપોત્રામાં સોમવારે સાંજે એક મોટો અકસ્માત થયો હતો. અહીંના સિમીર ગ્રામ પંચાયતના મેદપુરા ગામમાં માટીના ઢગલા ધસી પડતાં 3 બાળકીઓ અને 3 મહિલાઓનાં મોત થયાં છે. આ અકસ્માતમાં ચાર મહિલાઓ અને બાળકીઓને ઈજા થઈ છે. ઘાયલોને સારવાર માટે સપોત્રા હોસ્પિટલમાં લઈ જવામાં આવ્યા છે, જ્યારે અન્ય લોકો કાટમાળમાં દટાયા હોવાની આશંકા છે. હાલ તેમને બચાવવાના પ્રયાસો શરૂ કરવામાં આવ્યા છે. દિવાળી પર ઘરના પેઇન્ટિંગ માટે માટી ખોદતી વખતે આ અકસ્માત થયો હતો.

ગામના લોકોએ કાટમાળ હટાવી તમામને બહાર કાઢ્યા હતા

ગામના લોકો દ્વારા ભારે જહેમત બાદ કાટમાળ હટાવીને તમામને બહાર કાઢવામાં આવ્યા હતા. આ ઘટનામાં 3 યુવતીઓ સહિત 6ના મોત થયા હતા, જ્યારે ચાર બાળકીઓ અને યુવતીઓને ઇજાગ્રસ્ત હાલતમાં સપોત્રા હોસ્પિટલમાં ખસેડવામાં આવી હતી. માહિતી મળતાની સાથે જ કરૌલીના કલેક્ટર અંકિત કુમાર સિંહ સહિત પોલીસ અધિકારીઓ ઘટનાસ્થળે રવાના થયા હતા.

આ પણ વાચોઃ રાજસ્થાનના ડુંગરપુરમાં પોક્સો કોર્ટે બળાત્કારના આરોપીને ફાંસીની સજા સંભળાવી

આ લોકોના થયા મૃત્યુ

આ અકસ્માતમાં મૃત્યુ પામેલાઓમાં અનિતા પત્ની રાજેશ માલી ઉંમર 22 વર્ષ, રામનારી પત્ની ગોપાલ માલી ઉંમર 28 વર્ષ, કેશનતી પત્ની ચિરંજી માલી, ખુશ્બુ, કોમલ અને અંજુ દીકરી ગોપાલ માલીનો સમાવેશ થાય છે. આ અકસ્માત બાદ પોલીસે તમામના મૃતદેહ કબજે કરી પોસ્ટમોર્ટમ માટે મોકલી આપ્યા છે. અકસ્માતને પગલે ગામમાં શોકનો માહોલ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Crime in Rajasthan, Rajasthan latest news, Rajasthan police