Birbhum Violence: બાળકો સાથે એક રૂમમાં છુપાયેલી હતી મહિલાઓ, હુમલાખોરોએ બહારથી લગાવી દીધી આગ

બીરભૂમ: કલકત્તા હાઇકોર્ટે પશ્ચિમ બંગાળ પોલીસથી તૃણમૂલ કોંગ્રેસ નેતાની હત્યા બાદ બીરભૂમ જિલ્લા (Birbhum Violence)નાં બોગટુઇ ગામમાં થયેલી આગજનીની ઘટના પર રિપોર્ટ માંગ્યો છે. સોમવારે (21 માર્ચ)નાં મોડી રાત્રે બનેલી આ ઘટનામાં 8 લોકોની નિર્દયતાપૂર્વક હત્યા કરવામાં આવી હતી. જે અંગે ભાજપ રાજ્યનાં મુખ્યમંત્રી મમતા બેનર્જીને આડે હાથે લીધા છે. ધ ઇન્ડિયન એક્સપ્રેસમાં છપાયેલી રિપોર્ટ અનુસાર, બોગટુઇ ગામમાં જે પરિવારને નિશાને લેવામાં આવ્યાં છે તે સભ્યોનું કહેવું છે કે, જે મહિલાઓ અને બાળકોની હત્યા કરવામાં આવી છે તે તમામને એક રૂમમાં બંધ કરી દેવામાં આવ્યાં પછી હુમલાવરોએ તે રૂમને આગ ચાંપી દીધી છે.

પીડિત પરિવારનાં સભ્યોનો આરોપ છે કે, તેમનાં ઘરનાં 10 પરિજનોોની હત્યા કરવામાં આવી છે 8 ની નહીં, જેમ પોલીસે દાવો કર્યો છે. તેમનું કહેવું છે કે , આઠનાં પણ શબ તેમને સોંપવામાં આવ્યાં નથી. પણ પોલીસે મંગળવારે મોડી રાત્રે ગામમાં જ તેમની દફન વિધી કરી દીધી છે. બીરભૂમ પોલીસનાં એક અધિકારીનું કહેવું છે કે, આ મામલે જેમની ધરપકડ કરવામાં આવી છે તે 20 લોકોમાંથી 10ને 'પોલીસ હિરાસતમાં મોકલવામાં આવ્યાં છે. જ્યારે અન્યન ન્યાયિક હિરાસતમાં રાખવામાં આવ્યાં છે.'

આજે રામપરહાટ પહોંચશે મુખ્યમંત્રી મમતા બેનર્જી- પોલીસ અધિકારીએ કહ્યું કે આરોપીઓની પૂછપરછ કરવામાં આવી રહી છે અને તેમની સામે હત્યા, હત્યાનો પ્રયાસ અને આગચંપી સહિત આઈપીસીની અનેક કલમો હેઠળ આરોપ મૂકવામાં આવ્યા છે. પશ્ચિમ બંગાળના મુખ્યમંત્રી મમતા બેનર્જી ગુરુવારે બોગતુઈ ગામની મુલાકાત લેશે, જ્યાં આ જઘન્ય અપરાધ થયો છે. બીરભૂમના પોલીસ અધિક્ષક નાગેન્દ્ર નાથ ત્રિપાઠીએ સીએમ મમતા બેનર્જીની મુલાકાત પહેલા મોટી ટીમ સાથે બોગતુઈ ગામનું નિરીક્ષણ કર્યું. આ પહેલા બુધવારે વિપક્ષના નેતા સુવેન્દુ અધિકારીના નેતૃત્વમાં બીજેપીની ટીમ ઘટનાસ્થળે પહોંચી હતી અને પીડિત પરિવારોને મળ્યા હતા.

ઉપ્રધાન ભાદૂ શેખની હત્યા બાદ ભડકી હિંસા- આ ઘટનાની સંપૂર્ણ માહિતી લેતા, કલકત્તા હાઈકોર્ટે બીરભૂમ પોલીસને ગુરુવારે બપોરે 2 વાગ્યા સુધીમાં ઘટનાનો વિગતવાર અહેવાલ રજૂ કરવાનો નિર્દેશ આપ્યો હતો. પોલીસ અને સ્થાનિક રહેવાસીઓના જણાવ્યા અનુસાર, સોમવારે સાંજે રામપુરહાટમાં નાયબ પ્રધાન ભાદુ શેખની હત્યા બાદ ફાટી નીકળેલી હિંસામાં આ વિસ્તારના ઓછામાં ઓછા આઠ ઘરો પર હુમલો કરવામાં આવ્યો હતો અને તેને બાળી ફુંકવામાં આવ્યો હતો. ધ ઈન્ડિયન એક્સપ્રેસમાં પ્રકાશિત અહેવાલ મુજબ મિહિલાલ શેખે ફોન પર જણાવ્યું કે આ હુમલામાં તેણે પોતાના પરિવારના 7 સભ્યોને ગુમાવ્યા છે.

આ પણ વાંચો- હવે Check-in માટે એરપોર્ટ પર નહીં લગાવી પડે લાઇન, Aadhaar Card અપાવશે ફટાકથી એન્ટ્રી

મિહિલાલે તેમનાં પરિવારનાં 7 સભ્યોને ગુમાવ્યાં- મિહિલાલ શેખે ધ ઈન્ડિયન એક્સપ્રેસ સાથેની ફોન પર વાતચીતમાં જણાવ્યું હતું કે, “મારા પરિવારના સભ્યો, મહિલાઓ અને બાળકો, અમારી પુત્રી અને જમાઈ જે અમને મળવા આવ્યા હતા, બધા એક રૂમમાં છુપાઈ ગયા હતા, જે ઘરમાં સૌથી મજબૂત હતો. તેમ છતાં, હુમલાખોરોએ તે રૂમમાં આગ લગાવી દીધી, તેમાં છુપાયેલા તમામ લોકો બળીને ખાખ થઈ ગયા. મારો પરિવાર સમાપ્ત થઈ ગયો છે, માત્ર રાખ બાકી છે. હું વાત કરવાની સ્થિતિમાં નથી." મિહિલાલના જણાવ્યા અનુસાર, માર્યા ગયેલા લોકોમાં તેમની પત્ની રોશનારા બીબી અને તેમની 8 વર્ષની પુત્રી ઓમનેહાની ખાતૂનનો સમાવેશ થાય છે.

આ સિવાય મીલીલાલની માતા નૂર નેહાર બીબી અને તેની બહેન રૂપાલી બીબી, તેના ભાઈની પત્ની જહાનઆરા બીબી, તેની પુત્રી મરજીના અને તેના પતિ કાઝી સાજીદુર રહેમાનનો સમાવેશ થાય છે. ઓમનેહાની, જેને પ્રેમથી તુલી કહેવામાં આવે છે, તે રામપુરહાટ ગર્લ્સ સ્કૂલમાં ધોરણ 5 ની વિદ્યાર્થીની હતી. મરજીનાએ આ વર્ષે જાન્યુઆરીમાં બીરભૂમના નાનુરના રહેવાસી સાજીદુર સાથે લગ્ન કર્યા હતા અને સોમવારે દંપતી બોગાતુઈ પહોંચ્યા હતા. સાજીદુરના પિતા, કાઝી નૂરુલ જમાલે જણાવ્યું હતું કે, “સોમવારે રાત્રે મારા પુત્રએ તેના મિત્રને ફોન કરીને કહ્યું કે અહીં થોડી તકલીફ છે અને પોલીસને બોલાવવાનું કહ્યું. મેં મારા પુત્રને ફોન કરવાનો પ્રયાસ કર્યો પરંતુ તે મળી શક્યો નહીં. સવારે મેં સાંભળ્યું કે તે મરી ગયો છે. હું ઈચ્છું છું કે જવાબદારોને ફાંસી આપવામાં આવે."

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર