પશ્ચિમ બંગાળમાં TMCનો ‘ખેલા હોબે’, ભવાનીપુરમાં 58 હજાર મતોથી જીતી મમતા બેનર્જી

ભવાનીપુર પેટાચૂંટણીમાં પશ્ચિમ બંગાળની મુખ્યમંત્રી મમતા બેનર્જીએ બીજેપીની ઉમેદવાર પ્રિયંકા ટિબરેવાલને આપી મ્હાત

ભવાનીપુર પેટાચૂંટણીમાં પશ્ચિમ બંગાળની મુખ્યમંત્રી મમતા બેનર્જીએ બીજેપીની ઉમેદવાર પ્રિયંકા ટિબરેવાલને આપી મ્હાત

  • Share this:
    કોલકાતા. પશ્ચિમ બંગાળની (West Bengal) હાઇપ્રોફાઇલ સીટ ભવાનીપુરથી (Bhabanipur Bypolls) રાજ્યની મુખ્યમંત્રી મમતા બેનર્જીએ (Mamata Banerjee) શાનદાર જીત નોંધાવી છે. મમતા બેનર્જીએ આ પેટાચૂંટણીમાં પોતાની નજીકની પ્રતિદ્વંદી બીજેપીની પ્રિયંકા ટિબરેવાલને (Priyanka Tibrewal) 58,000 મતોથી મ્હાત આપી છે. બીજેપી ઉમેદવાર પ્રિયંકા ટિબરેવાલે પોતાની હાર સ્વીકારી લીધી છે અને તેમણે મમતા બેનર્જીને જીતની શુભકામનાઓ આપી છે.

    બંગાળની મુખ્યમંત્રી મમતા બેનર્જીએ 58,389 મતોથી જીત નોંધાવી છે. ભવાનીપુરથી બીજેપીની ઉમેદવાર પ્રિયંકા ટિબરેવાલને 26,320 વોટ મળ્યા છે. મમતાએ પોતાનો જ રેકોર્ડ તોડી દીધો છે કારણ કે તેમણે ભવાનીપુરમાં પોતાની અગાઉની જીતની તુલનામાં આ વખતે વધુ મત મેળવ્યા છે. તેમણે 2011ની પેટાચૂંટણીમાં 52,213 વોટથી અને 2016માં 25,301 વોટથી જીત પ્રાપ્ત કરી હતી.

    ભવાનીપુરમાં જીત બાદ મમતા બેનર્જીએ લોકોને સંબોધિત કરતાં કહ્યું કે, તેઓ આ જીત માટે તમામનો આભાર વ્યક્ત કરે છે. મમતાએ કહ્યું કે, ભવાનીપુરમાં 46 ટકા બિન બંગાળી વોટર છે. તમામે તેમને વોટ આપ્યા. મમતા બેનર્જીએ આ દરમિયાન કેન્દ્ર સરકાર ઉપર પણ નિશાન સાધ્યું. તેમણે કહ્યું કે આટલી નાના વિધાનસભા ક્ષેત્ર માટે 3.5 હજાર કેન્રીર ય દળોની તૈનાતી કરવામાં આવી. મમતાએ જણાવ્યું કે, અમારી વિરુદ્ધ કાવતરું ઘડવામાં આવ્યું હતું. તેઓએ નંદીગ્રામમાં મળેલી હારનો ઉલ્લેખ કર્યો અને કહ્યું કે આ મામલો કોર્ટમાં છે તેથી તેઓ કંઈ કહેવા નથી માંગતા પરંતુ અહીં શું શું થયું, તે લોકોએ જોયું છે.



    આ પણ વાંચો, Mumbai Drug Bust: એરપોર્ટ પર રોકી હતી વર્લ્ડ કપ ટ્રોફી, હવે ક્રૂઝ પર કરી Raid- જાણો કોણ છે NCBના સમીર વાનખેડે

    મમતા બેનર્જીએ નિવેદન આપ્યું કે, જ્યારથી બંગાળની ચૂંટણી શરૂ થઈ છે ત્યારથી કેન્દ્ર સરકારે અમને (સત્તાથી) હટાવવાનું કાવતરું ઘડ્યું. મારા પગમાં ઈજા પહોંચાડવામાં આવી જેથી હું ચૂંટણી ન લડી શકું. હું 6 મહિનાની અંદર ચૂંટણી કરાવવા માટે ચૂંટી પંચની આભારી છું. સાથોસાથ હું જનતાનો પણ આભાર વ્યક્ત કરું છું.

    આ પણ વાંચો, ગુજરાતથી જાલોર જઈને રમતા હતા જુગાર, પોલીસે 42 લોકોની ધરપકડ કરી, 30 લાખ રૂપિયાથી વધુની રોકડ જપ્ત

    બીજી તરફ, બીજેપી ઉમેદવર પ્રિયંકા ટિબરેવાલે પોતાની હાર સ્વીકારતાં કહ્યું કે, હું હાર સ્વીકારું છું, પરંતુ હુ કોર્ટ નથી જઈ રહી, પણ એ લોકો કહી રહ્યા હતા કે મમતા 1 લાખ વોટથી જીતશે, પરંતુ તેમને લગભગ 50 હજાર વોટ મળ્યા છે. હું મમતા બેનર્જીને શુભેચ્છાઓ આપું છું, પરંતુ તેઓ જે રીતે ચૂંટણી જીત્યા છે તેને તમામ લોકોએ જોયું છે.
    Published by:Mrunal Bhojak
    First published: