Home /News /national-international /સાસરીયાઓએ પાલતુ કૂતરાને ઘરમાંથી નીકાળવાની ના પાડતા મહિલાએ દીકરી સાથે કરી લીધી આત્મહત્યા

સાસરીયાઓએ પાલતુ કૂતરાને ઘરમાંથી નીકાળવાની ના પાડતા મહિલાએ દીકરી સાથે કરી લીધી આત્મહત્યા

બેંગલુરુમાં સાસુ-સસરા જ્વારા પાલતુ કૂતરાને ઘરની બહાર ન કાઢતાં પરિણીતાએ આત્મહત્યા કરી લીધી. (પ્રતિકાત્મક તસવીર)

Karnatka News: દિવ્યાના પિતા એમકે રમણે શંકાસ્પદ લોકો સામે ફરિયાદ નોંધાવી હતી. પોલીસે જણાવ્યું કે દિવ્યા અને શ્રીનિવાસના લગ્ન વર્ષ 2008માં થયા હતા. દિવ્યાના પિતાએ જણાવ્યું કે, તાજેતરમાં જ એક ડોક્ટરે તેને કૂતરાથી દૂર રહેવા કહ્યું હતું કારણ કે જો તે તેમના સંપર્કમાં આવશે તો તેની તબિયત સુધરશે નહીં.

વધુ જુઓ ...
    બેંગ્લોરમાં એક પરિણીતાએ પોતાની 13 વર્ષની પુત્રી સાથે ગળેફાંસો ખાઈ આત્મહત્યા કરી હતી. પોલીસે શુક્રવારે આ જાણકારી આપી છે. પોલીસ સૂત્રોના જણાવ્યા અનુસાર મહિલાને શ્વાસની તકલીફ હતી. તેણીએ વારંવાર તેના પતિ અને સાસુને પાલતુ કૂતરો અન્ય કોઈને આપવા માટે કહ્યું હતું. જેના કારણે ઘરમાં ઝઘડો પણ થયો હતો. પરંતુ તેની વાત કોઈએ સાંભળી નહીં. જેના કારણે મહિલાએ તેની 13 વર્ષની પુત્રીને ટુંપો આપી પોતે પણ આત્મહત્યા કરી લીધી હતી.

    પોલીસે આઈપીસીની કલમ 306 હેઠળ પતિ અને સાસુ વિરુદ્ધ આત્મહત્યા માટે ઉશ્કેરવાનો કેસ નોંધ્યો છે. પ્રાથમિક તપાસ દરમિયાન પોલીસને જાણવા મળ્યું છે કે, મહિલાને શ્વાસની તકલીફ હતી અને ડોક્ટરે તેને કૂતરાથી દૂર રહેવાની સલાહ આપી હતી. મહિલાએ તેના પતિ અને સાસુને વારંવાર કૂતરાને હટાવવા માટે વિનંતી કરી હતી પરંતુ કૂતરાને ઘરમાંથી હટાવવામાં આવ્યો ન હતો. જેના કારણે ઘરમાં અવારનવાર ઝઘડાઓ થતા રહેતા હતા.

    મહિલાના પિતાએ ફરિયાદ નોંધાવી હતી

    દિવ્યાના પિતા એમકે રમણે શંકાસ્પદ લોકો સામે ફરિયાદ નોંધાવી હતી. પોલીસે જણાવ્યું કે દિવ્યા અને શ્રીનિવાસના લગ્ન વર્ષ 2008માં થયા હતા. દિવ્યાના પિતાએ જણાવ્યું કે, તાજેતરમાં જ એક ડોક્ટરે તેને કૂતરાથી દૂર રહેવા કહ્યું હતું કારણ કે જો તે તેમના સંપર્કમાં આવશે તો તેની તબિયત સુધરશે નહીં.

    આ પણ વાંચો- ચીનની ગગનચુંબી ઈમારતમાં ભીષણ આગ, વિકરાળ આગનો વીડિયો આવ્યો સામે

    રમણે પોલીસમાં ફરિયાદ કરી છે કે, તેની પુત્રીએ તેના પતિ અને તેના માતા-પિતાને આ અંગે જણાવ્યું હતું. તેમને વિનંતી કરવામાં આવી હતી કે તે તેમનો પાલતુ કૂતરો અન્ય કોઈને આપી દેવામાં આવે. પરંતુ તેમણે ઇનકાર કર્યો હતો અને કહ્યું હતું કે, તેમનો પાલતુ કૂતરો તેના સ્વાસ્થ્યને અસર કરશે નહીં અને દલીલ કરી હતી કે તેને રખડતા કૂતરાથી એલર્જી છે.

    પોલીસને કોઈ મૃત્યુ નોંધ મળી નથી

    રમણે તેની ફરિયાદમાં આરોપ મૂક્યો હતો કે, “મારી પુત્રીએ તેને કહ્યું હતું કે જો તેઓ તેમના પાલતુ કૂતરાને ઘરમાં રાખશે તો તે પોતાને અને બાળકી બંનેને મારી નાખશે, પરંતુ તેમણે યોગ્ય પગલા ન ભરતા કહ્યું કે જો તે મરી જશે તો અમને કોઈ વાંધો નથી. તેમના કૂતરાને દૂર કરશે નહીં."

    આ પણ વાંચો- આ ખેલાડીને T20 World Cup માટે લાયક ન ગણ્યો, હવે ભારતીય ટીમની કેપ્ટનશીપ સોંપી!

    પોલીસે જણાવ્યું કે દિવ્યા અને તેની પુત્રી સોમવારે સવારે 7.30 વાગ્યા સુધી તેમના રૂમમાંથી બહાર આવ્યા ન હતા. મૃતકના પતિને તેણી પંખાથી લટકેલી હાલતમાં મળી આવી હતી. એક અધિકારીએ કહ્યું, “અમને ત્યાંથી કોઇ સ્યુસાઇડ નોટ મળી નથી. અમે રમણની ફરિયાદના આધારે શકમંદો સામે કેસ નોંધ્યો છે."
    Published by:rakesh parmar
    First published:

    Tags: Bengaluru, Karnatka News

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन