સ્કૂલમાં ભણતા બાળકોની બેગમાંથી કોન્ડોમ, ગર્ભનિરોધક ગોળીઓ અને દારૂ મળ્યો, આ જોઈ સ્કૂલ પ્રશાસનનાં ઉડી ગયા હોંશ

આજકાલ બાળકો તેમની ઉંમર પહેલા મોટા થઈ રહ્યા છે. ઘણા સંશોધનોમાં આ વાત સામે આવી છે. પરંતુ બેંગલુરુની શાળાઓમાં ભણતા બાળકોની સ્કૂલ બેગમાંથી મળી આવેલી વસ્તુઓ જોઈને દરેકના હોશ ઉડી ગયા છે. સ્કૂલ પ્રશાસનને આ બાળકોની સ્કૂલ બેગમાંથી સિગારેટ, લાઈટર, વ્હાઇટનર, રોકડ મળી આવી છે. ઝડપાયેલા સામાનમાં કેટલીક એવી વસ્તુઓ છે, જેણે દરેકના હોશ ઉડાવી દીધા છે. આ બાળકોની બેગમાંથી કોન્ડોમ, ગર્ભનિરોધક ગોળીઓ પણ મળી આવી છે. એટલું જ નહીં, આ બાળકોની સ્કૂલ બેગ સિવાય તેમના પીવાના પાણીની બોટલોમાં પણ દારૂ મળી આવ્યો છે. તે પાણીની બોટલોમાં ભરેલી હતી.

માહિતી અનુસાર, બેંગલુરુની ઘણી શાળાઓમાં આવી ફરિયાદો મળી રહી છે કે ત્યાંના વિદ્યાર્થીઓ પોતાની સ્કૂલ બેગમાં મોબાઈલ ફોન છુપાવીને ક્લાસમાં લાવે છે. જેના કારણે ઘણી શાળાઓમાં બાળકોની બેગ શોધવાની ઝુંબેશ શરૂ કરવામાં આવી હતી. જ્યારે ધોરણ 8, 9 અને 10 ના બાળકોની સ્કૂલ બેગની તપાસ કરવામાં આવી ત્યારે તેમાંથી મોબાઈલ ફોન મળી આવ્યા હતા, પરંતુ કોન્ડોમ જેવી વસ્તુઓએ સૌને ચોંકાવી દીધા હતા.

કર્ણાટકમાં પ્રાથમિક અને માધ્યમિક શાળાઓના એસોસિએટેડ મેનેજમેન્ટે પણ બાળકોની સ્કૂલ બેગમાંથી મોબાઈલ ફોન મળી આવવાની ફરિયાદો પર સર્ચ ઓપરેશન હાથ ધરવા જણાવ્યું હતું. ઝુંબેશના ભાગરૂપે, જ્યારે સ્કૂલ બેગમાંથી ચોંકાવનારી વસ્તુઓ મળી આવી, ત્યારે સ્કૂલોએ સ્પેશિયલ પેરેન્ટ્સ ટીચર મીટિંગ પણ યોજી. આ દરમિયાન વાલીઓ પણ આ વાત જાણીને ચોંકી ગયા હતા. એક સ્કૂલના પ્રિન્સિપાલે કહ્યું છે કે માતા-પિતાએ જાણ કરી છે કે તેમના બાળકોના વર્તનમાં પણ બદલાવ આવી રહ્યો છે.

શાળા પ્રશાસને વાલીઓને બાળકોનું કાઉન્સેલિંગ કરાવવા જણાવ્યું છે. આ માટે બાળકોને 10 દિવસ સુધીની રજા પણ આપવામાં આવી છે. એક સ્કૂલના પ્રિન્સિપાલે જણાવ્યું છે કે 10માં ધોરણની વિદ્યાર્થીનીની બેગમાંથી કોન્ડોમ મળી આવ્યો હતો. જ્યારે તેને તેના વિશે પૂછવામાં આવ્યું તો તેણે તેના સાથીદારો પર આરોપ લગાવ્યો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bag, Bengaluru, Condom, School students