Home /News /national-international /

India And Bangladesh: શેખ હસીનાએ ભારતને ઓફર કર્યું ચટગાંવ બંદર, ચીનની આ ચાલ થઈ નિષ્ફળ

India And Bangladesh: શેખ હસીનાએ ભારતને ઓફર કર્યું ચટગાંવ બંદર, ચીનની આ ચાલ થઈ નિષ્ફળ

બાંગ્લાદેશના વડાપ્રધાન શેખ હસીના (Sheikh Hasina)એ ભારતના વિદેશ પ્રધાન એસ. જયશંકર (S. Jaishankar) સાથેની મુલાકાત દરમિયાન આ ઓફર કરી

S Jaishankar Bangladesh visit: આ બંદર દ્વારા ભારત અને બાંગ્લાદેશ વચ્ચેના દ્વિપક્ષીય સંબંધો વધુ મજબૂત થશે, આસામ, મેઘાલય, મણિપુર અને ત્રિપુરા જેવા પૂર્વોત્તર રાજ્યો સાથેની કનેક્ટિવિટી પણ સુધરશે

ઢાકા : ચીનની ચાલને નિષ્ફળ બનાવતા ભારતે બાંગ્લાદેશમાં મોટી કૂટનીતિક જીત હાંસલ કરી છે. બાંગ્લાદેશે ભારતને (India And Bangladesh)પૂર્વોત્તર રાજ્યો સાથે કનેક્ટિવિટી વધારવા માટે ચટગાંવ બંદર (Chittagong Port)નો ઉપયોગ કરવાની ઓફર કરી છે. બાંગ્લાદેશના વડાપ્રધાન શેખ હસીના (Sheikh Hasina)એ ભારતના વિદેશ પ્રધાન એસ. જયશંકર (S. Jaishankar) સાથેની મુલાકાત દરમિયાન આ ઓફર કરી હતી. ચટગાંવ બંદર બાંગ્લાદેશનું (Bangladesh)મુખ્ય બંદર છે. આ બંદર દ્વારા ન માત્ર ભારત અને બાંગ્લાદેશ વચ્ચેના દ્વિપક્ષીય સંબંધો વધુ મજબૂત થશે પરંતુ આસામ, મેઘાલય, મણિપુર અને ત્રિપુરા જેવા પૂર્વોત્તર રાજ્યો સાથેની કનેક્ટિવિટી પણ સુધરશે.

બાંગ્લાદેશની રાજધાની ઢાકામાં સત્તાવાર મુલાકાતે પહોંચેલા જયશંકરે શેખ હસીનાને તેમના ભારતીય સમકક્ષ નરેન્દ્ર મોદી તરફથી નવી દિલ્હીની મુલાકાત લેવાનું આમંત્રણ આપ્યું હતું. જયશંકરે ટ્વિટ કર્યું કે વડાપ્રધાન શેખ હસીનાને તેમના ઉષ્માભર્યા સ્વાગત માટે આભાર. વડાપ્રધાન નરેન્દ્ર મોદીને વ્યક્તિગત શુભેચ્છાઓ પાઠવી. બંને નેતાઓના માર્ગદર્શન હેઠળ અમારા દ્વિપક્ષીય સંબંધો મજબૂત રીતે આગળ વધી રહ્યા છે.

બાંગ્લાદેશના વડા પ્રધાનના પ્રેસ સચિવ એહસાનુલ કરીમે જણાવ્યું હતું કે બેઠક દરમિયાન વડાપ્રધાન હસીનાએ જણાવ્યું હતું કે બંને દેશોએ તેમના સંપર્કોને વધુ વ્યાપક બનાવવા પડશે. કરીમે કહ્યું કે વડાપ્રધાને જયશંકરને પરસ્પર લાભ માટે કનેક્ટિવિટી વધારવાની જરૂરીયાત અંગે જણાવ્યું હતું.

બાંગ્લાદેશના દક્ષિણપૂર્વ ચટગાંવ બંદરનો ઉપયોગ કરવાથી ભારતના ઉત્તરપૂર્વીય વિસ્તારને ખાસ ફાયદો થશે. જો કનેક્ટિવિટી વધારવામાં આવે તો ભારતના પૂર્વોત્તર રાજ્યો - જેમ કે આસામ અને ત્રિપુરા-ચટ્ટોગ્રામના બંદર સુધી પહોંચી શકશે.

આ પણ વાંચો - ભારતીય વિદ્યાર્થીઓ માટે સારા સમાચાર, અભ્યાસ માટે ચીન પરત ફરવાની મળી મંજૂરી

શેખ હસીના સાથે અડધો કલાક સુધી ચાલી વાતચીત

બાંગ્લાદેશના વડાપ્રધાને ઉલ્લેખ કર્યો હતો કે 1965ના ભારત-પાકિસ્તાન યુદ્ધ દરમિયાન બંધ થયેલા બાંગ્લાદેશ અને ભારત વચ્ચેના સીમા પાર માર્ગોને ફરીથી શરૂ કરવા માટે પહેલ કરવામાં આવી હતી. ત્યારે બાંગ્લાદેશ પાકિસ્તાનનો પૂર્વી ભાગ હતો. કરીમે કહ્યું કે જયશંકર સાથે વડાપ્રધાન હસીનાની અડધા કલાકથી વધુ લાંબી ચાલેલી બેઠક દરમિયાન અનેક દ્વિપક્ષીય અને આંતરરાષ્ટ્રીય મુદ્દાઓ પર ચર્ચા થઈ હતી. જયશંકરે બાદમાં તેમના બાંગ્લાદેશી સમકક્ષ એકે અબ્દુલ મોમેન સાથે વાતચીત કરી અને પછી સંયુક્ત રીતે મીડિયાને માહિતી આપી.

પરસ્પર સહયોગ વધારવા બાબતે કરાઈ સમજૂતી

બાંગ્લાદેશના વિદેશ મંત્રાલયે ટ્વિટ કર્યું કે, ડૉ. મોમેન અને ડૉ. એસ. જયશંકરે બાંગ્લાદેશ અને ભારત વચ્ચેના દ્વિપક્ષીય મુદ્દાઓ પર ચર્ચા કરી હતી. તેઓએ બાંગ્લાદેશ-ભારતના ચાલી રહેલા સહયોગ અંગે સંતોષ વ્યક્ત કર્યો. દ્વિપક્ષીય સંબંધોને વધુ મજબૂત બનાવવાનો સંકલ્પ કર્યો, એકંદરે સામાજિક-આર્થિક વિકાસ માટે પ્રાદેશિક સ્થિરતા પર ભાર મૂક્યો હતો.

જયશંકરે કહ્યું કે વડાપ્રધાન હસીના સાથેની વાતચીત દરમિયાન તેમણે તેમની સુવિધા અનુસાર ભારત આવવાનું આમંત્રણ આપ્યું હતું. એસ જયશંકરે કહ્યું કે, અમે તેમની અનુકૂળતા મુજબ ભારતની મુલાકાતની રાહ જોઈ રહ્યા છીએ. તેમણે કહ્યું કે બાંગ્લાદેશના વડાપ્રધાન સાથેની મુલાકાત દરમિયાન દ્વિપક્ષીય સંબંધોની સાથે તર્કસંગત અને વૈશ્વિક મુદ્દાઓ પર પણ ચર્ચા થઈ હતી.

આ મુદ્દાઓ પર કરવામાં આવી ચર્ચા

સ્થાનિક મીડિયાએ કરીમને ટાંકીને કહ્યું કે સંરક્ષણ ક્ષેત્રમાં સહકાર, કુશિયારા અને ફેની નદીઓના પાણીની વહેંચણી, વર્તમાન કોવિડ-19 પરિસ્થિતિ અને વૈશ્વિક અર્થવ્યવસ્થા પર રશિયા-યુક્રેન યુદ્ધની અસર પર મુખ્ય ચર્ચા કરવામાં આવી હતી. સત્તાવાર મુલાકાતે પહોંચેલા જયશંકરનું બંગબંધુ ખાતે બાંગ્લાદેશ એરફોર્સ એરપોર્ટ પર વિદેશ મંત્રી મોમેને સ્વાગત કર્યું હતું. તેમની બાંગ્લાદેશ મુલાકાતનો હેતુ વડાપ્રધાન હસીનાની ભારત મુલાકાત માટે પાયો નાંખવાનો છે.
First published:

Tags: India vs Bangladesh, S Jaishankar, Sheikh hasina

આગામી સમાચાર