Union
Budget 2023

Highlights

Home /News /national-international /Bageshwar Dham: ખૂબ જ ગરીબીમાં પસાર થયું છે ધીરેન્દ્ર શાસ્ત્રીનું બાળપણ, જાણો તેમની પૂરી કહાની

Bageshwar Dham: ખૂબ જ ગરીબીમાં પસાર થયું છે ધીરેન્દ્ર શાસ્ત્રીનું બાળપણ, જાણો તેમની પૂરી કહાની

બાગેશ્વર ધામ મહારાજની ફાઇલ તસવીર

બે વર્ષ પહેલા સોશિયલ મીડિયાથી શરૂ થયેલી તેમની ખ્યાતિની સફર 7 સમુદ્રની પાર પણ પહોંચી હતી. 14 જૂન 2022ના રોજ લંડનની સંસદમાં તેમનું સન્માન કરવામાં આવ્યું હતું.

મધ્ય પ્રદેશના છતરપુર (Chhatarpur)માં આવેલા બાગેશ્વર ધામ (Bageshwar Dham)ના પ્રમુખ ધીરેન્દ્ર શાસ્ત્રી (Dhirendra Shastri) ઉર્ફે બાબા બાગેશ્વર (Baba Bageshwar Controversy) આજકાલ ખૂબ ચર્ચામાં છે. તે દરબારો યોજીને લોકોની સમસ્યાઓ સાંભળે છે અને તે મુજબ ઉકેલો સૂચવે છે. ધીરેન્દ્ર શાસ્ત્રી માત્ર 26 વર્ષના છે. તેમનો જન્મ 4 જુલાઈ, 1996ના રોજ મધ્ય પ્રદેશના છતરપુર ગઢ ગામમાં થયો હતો. મીડિયા રિપોર્ટ્સ અનુસાર, તેમના પિતા રામ કૃપાલ ગર્ગ ગામમાં જ સત્યનારાયણની કથા સંભળાવતા હતા. ધીરેન્દ્ર શાસ્ત્રી પણ તેમના પિતા સાથે કથા વાચન કરતા હતા. સાથે જ માતા સરોજ શાસ્ત્રી દૂધ વેચતા હતા. તો ચાલો જાણીએ ધીરેન્દ્ર શાસ્ત્રી (Dhirendra Shastri Lifestyle, Education) કેટલું ભણેલા છે.

કેટલો કર્યો છે અભ્યાસ


મળતી માહિતી પ્રમાણે, ધીરેન્દ્ર કૃષ્ણ શાસ્ત્રીએ ગંજ ગામમાંથી હાઇસ્કૂલ અને હાયર સેકન્ડરીનો અભ્યાસ કર્યો છે. આ પછી તેણે બીએની ડિગ્રી લીધી હતી. કહેવાય છે કે, તેમનું બાળપણ ગરીબીમાં વીત્યું હતું. તે પોતે તેના પિતા સાથે વાર્તાઓ વાંચતા હતા. માતા દૂધ વેચતા હતા.

પોતાના દાદાને માનતા હતા ગુરૂ


ધીરેન્દ્ર શાસ્ત્રીના દાદા સિદ્ધ પુરૂષ હતા. તેઓ દર મંગળવાર અને શનિવારે આ મંદિરમાં દરબાર કરતા હતા. એ સમયથી લોકો આ મંદિરમાં સમસ્યાઓ લઇને આવે છે. ધીરેન્દ્ર શાસ્ત્રીએ પણ નવ વર્ષની ઉંમરથી દાદાજી સાથે મંદિરમાં જવાનું શરૂ કર્યું હતું. તેઓ તેમની પાસેથી રામકથા શીખ્યા છે. એટલા માટે તે પોતાના દાદાને ગુરુ માને છે.

આ પણ વાંચો: બાગેશ્વર ધામ મહારાજે કેમેરાની સામે પત્રકારોની ચેલેન્જ સ્વીકારી

લંડનની સંસદમાં થયું છે સન્માન


બે વર્ષ પહેલા સોશિયલ મીડિયાથી શરૂ થયેલી તેમની ખ્યાતિની સફર 7 સમુદ્રની પાર પણ પહોંચી હતી. 14 જૂન 2022ના રોજ લંડનની સંસદમાં તેમનું સન્માન કરવામાં આવ્યું હતું.

શું છે વિવાદ?


બાગેશ્વર ધામ સરકારી પં. ધીરેન્દ્ર શાસ્ત્રીની કથા દરમિયાન લોકોની સમસ્યાઓ સાંભળીને તેનું નિરાકરણ લાવવાનો દાવો કરવામાં આવે છે. કહેવાય છે કે ભૂત, પ્રેતથી લઈને બીમારીઓ સુધી બાબાની કથામાં તમામનો ઈલાજ છે. બાબાના સમર્થકોનો દાવો છે કે બાગેશ્વર ધામ સરકાર કોઈ પણ વ્યક્તિને જોતા જ તેની તમામ પ્રકારની સમસ્યાઓ જાણી લે છે અને તેનું નિરાકરણ લાવે છે. સાથે જ બાગેશ્વર ધામ સરકારનું કહેવું છે કે તે ભગવાન (બાલાજી હનુમાન) સુધી લોકોની સમસ્યાઓ પહોંચાડવાનું માધ્યમ માત્ર છે. ઈશ્વર સાંભળીને ઉકેલ આપે છે. આ દાવાઓને નાગપુરની અંધ શ્રદ્ધા નિર્મૂલન સમિતિ દ્વારા પડકારવામાં આવ્યા હતા. અહીંથી જ વિવાદ શરૂ થયો હતો.
Published by:Kaushal Pancholi
First published:

Tags: દેશવિદેશ

विज्ञापन

ન્યૂઝ 18 ગુજરાતી ટ્રેન્ડિંગ

વધુ વાંચો
विज्ञापन
विज्ञापन
विज्ञापन