Home /News /national-international /

એટોર્ની જનરલે સુપ્રીમ કોર્ટમાં સ્વીકાર્યું- ચૂંટણીમાં થઈ રહ્યો છે કાળા નાણાનો ઉપયોગ

એટોર્ની જનરલે સુપ્રીમ કોર્ટમાં સ્વીકાર્યું- ચૂંટણીમાં થઈ રહ્યો છે કાળા નાણાનો ઉપયોગ

સુપ્રીમ કોર્ટ

રૂ. 220 કરોડના ઇલેક્ટોરલ બોન્ડ ખરીદાયા, જેમાંથી 210 કરોડના બોન્ડ સત્તાધારી બીજેપીની પાસે જ ગયા: પ્રશાંત ભૂષણ

    એટોર્ની જનરલ કેકે વેણુગોપાલે ઇલેક્ટોરલ બોન્ડને લઈને સુપ્રીમ કોર્ટમાં થયેલી સુનાવણી દરમિયાન સ્વીકાર્યું કે ચૂંટણીમાં કાળા નાણાનો ઉપયોગ થઈ રહ્યો છે. કેન્દ્ર સરકાર તરફથી રજૂઆત કરી રહેલા એટોર્ની જનરલે કહ્યું કે, આ સાચું છે કે ચૂંટણીમાં કાળા નાણાની મહત્વપૂર્ણ ભૂમિકા રહે છે. મતદારોને આકર્ષવા માટે ગેરકાયદેસર તરકીદો અપનાવવામાં આવે છે. આ નવું ચલણ નથી. આ હંમેશાથી થતું આવ્યું છે. તેઓએ કહ્યું કે રાજકીય પાર્ટીઓના નેતા હેલિકોપ્ટરથી પ્રવાસ કરી રહ્યા છે, જેની પર ભારે ખર્ચ થાય છે. તેઓએ સવાલ કર્યો કે આ પૈસા ક્યાંથી આવે છે? પછી પોતે જ જવાબ આપ્યો કે આ કાળું નાણું છે.

    એટોર્ની જનરલે સુપ્રીમ કોર્ટમાં દલીલ કરી કે કેન્દ્ર સરકારે પોલિટિકલ ફંડમાં કાળાધનને ખતમ કરવા માટે ઇલેક્ટોરલ બોન્ડ રજૂ કર્યા હતા. મૂળે, સુપ્રીમ કોર્ટના ચીફ જસ્ટિસ રંજન ગોગોઈની અધ્યક્ષતાવાળી ત્રણ સભ્યોની બેન્ચે ઇલેક્ટોરલ બોન્ડનું ઑપરેટિંગ રોકવાને લઈ દાખલ પિટિશનની વિરુદ્ધ કેન્દ્ર સરકારની પિટિશન પર સુનાવણી કરી રહ્યા હતા. વેણુગોપાલે બેન્ચને કહ્યું કે આ કાળાધનને ખતમ કરવા માટે કરવામાં આવેલો પ્રયોગ છે. કોર્ટ તેમાં દખલ ન દે અને ચૂંટણી ખતમ થવા સુધી ઇલેક્ટોરલ બોન્ડ પર રોક ન લગાવે.

    સુનાવણી દરમિયાન કેન્દ્ર સરકાર અને ચૂંટણી પંચ એકબીજાની વિરુદ્ધ હતા. સરકારનું કહેવું હતું કે ઇલેક્ટોરલ બોન્ડ દ્વારા રાજકીય પાર્ટીઓને ફંડ આપનારાઓની ઓળખ ગોપનીય રાખવામાં આવે. બીજી તરફ, ચૂંટણી પંચનું કહેવું હતું કે પારદર્શિતા રાખવા માટે દાનકર્તાઓના નામ સાર્વજનિક કરવા જોઈએ. તેની પર વેણુગોપાલે કહ્યું કે મતદારોને જાણવું જરૂરી નથી કે રાજકીય પાર્ટીના પૈસા ક્યાંથી આવે છે. આ ઉપરાંત તેનાથી તેમની અંગત અધિકારોનું હનન પણ થશે.

    આ પણ વાંચો, નોમિનેશન બાદ બોલ્યા સોનિયા- 'અજેય નથી મોદી, 2004ના પરિણામ યાદ રાખો'

    કાળાનાણાની વિરુદ્ધ આવી લડાઈ બેઇમાની છે: સીજેઆઈ

    એટોર્ની જનરલની દલીલો પર બન્ચે બે વાર પરસ્પર લાંબી ચર્ચા કરી, પરંતુ વેણુગોપાલ સાથે સહમતિ ન થઈ શકી. ચીફ જસ્ટિસે વેણુગોપાલને પૂછ્યું કે જ્યારે એક બેંક 'એક્સ' કે 'વાય'ને ઇલેક્ટોરલ બોન્ડ જાહેર કરે છે તો શું ખરીદવામાં આવેલા બોન્ડની વિગત પણ આપવામાં આવે છે. વેણુગોપાલે નકારમાં જવાબ આપ્યો. તેની પર સીજેઆઈએ કહ્યું કે જો કાળાધનની વિરુદ્ધ આજ આપની લડાઈ છે તો આ બેઇમાની છે.

    KYC નાણું કાળું કે સફેદ હોવાનું પ્રમાણપત્ર નહીં

    વેણુગોપાલે કહ્યું કે, એસબીઆઈ તેનો હિસાબ રાખે છે કે કયા પૈસા કઈ બેન્કિંગ ચેનલથી આવે છે. તેની પર બેન્ચના સભ્ય જસ્ટિસ સંજીવ ખન્નાએ કહ્યું કે કેવાયસીમાં માત્ર ખરીદનારની માહિતી માંગવામાં આવે છે. આ રોકાણ કરવામાં આવેલું નાણું કાળું છે કે સફેદ તે પ્રમાણપત્ર નથી. એટોર્ની જનરલે દલીલ કરી કે આ ઇલેક્ટોરલ બોન્ડ પર રોક લગાવ્યા બાદ પણ શેલ કંપનીઓ રહેશે. તેથી પ્રયોગ તરીકે તેનું ઑપરેટિંગ ચાલુ રાખવું જોઈએ.

    આ પણ વાંચો, રાહુલ પર લેસર ગન તાકવામાં આવી હોવાનો કોંગ્રેસનો દાવો; ગૃહ મંત્રાલયે આપ્યો આ જવાબ

    220 કરોડના બોન્ડ વેચાયા, 210 કરોડ ગયા બીજેપી પાસે

    પિટિશનકર્તા સિનિયર એડવોકેટ પ્રશાંત ભૂષણે કહ્યું કે પોલિટિકલ ફંડમાં કાળા ધન પર રોક લગાવવા સાથે યોજનાની કોઈ લેવાદેવા નથી, કારણ કે તેમાંથી પણ દાનકર્તાની ઓળખ ગોપનીય રહે છે. સાથોસાથ દાવો કર્યો કે અત્યાર સુધી 220 કરોડ રૂપિયાના ઇલેક્ટોરલ બોન્ડ ખરીદવામાં આવ્યા છે. તેમાંથી 210 કરોડ રૂપિયા સત્તાધારી બીજેપીની પાસે જ ગયા છે. ત્યારબાદ સુપ્રીમ કોર્ટે કેન્દ્રની પિટિશન ફગાવતાં કહ્યું કે ઇલેક્ટોરલ બોન્ડના ઑપરેટિંગને લઈને શુક્રવારે ચુકાદો સંભળાવવામાં આવશે.
    Published by:Mrunal Bhojak
    First published:

    Tags: Attorney General, KK Venugopal, Lok sabha election 2019, Supreme Court, કાળુ નાણું, મોદી સરકાર

    विज्ञापन

    विज्ञापन

    આગામી સમાચાર

    विज्ञापन
    विज्ञापन