સમયસર હથિયાર ન મળતાં સેના પરેશાન, 10 વર્ષમાં 21 હજાર કરોડની ડીલ લટકી

પ્રતીકાત્મક તસવીર

હથિયારોની ક્વોલિટી ઉપર પણ સવાલ, રક્ષા મંત્રાલયને મોકલાયો 15 પાનાનો રિપોર્ટ

  • Share this:
    ન્યૂઝ18 ગુજરાતી : ભારતીય સેનાએ હથિયારોની ગુણવત્તા અને હથિયારોની ડિલીવરીમાં થઈ રહેલા વિલંબ પ્રત્ય ચિંતા વ્યક્ત કરી છે. ઓર્ડિનેંસ ફેક્ટરી બોર્ડ (OFB)થી મળનારા 21,500 કરોડના હથિયાર અને દારૂગોળો છેલ્લા દસ વર્ષથી સતત થઈ રહેલા વિલંબને કારણે સેનાનો સમયસર નથી મળી રહ્યા. રક્ષા મંત્રાલયને આ વિશે 15 પાનાનો એક રિપોર્ટ પણ સોંપવામાં આવ્યો છે.

    શું છે મામલો?

    અંગ્રેજી અખબાર ટાઇમ્સ ઓફ ઈન્ડિયામાં પ્રકાશિત એક રિપોર્ટ મુજબ, ભારતીય સેના અને ઓએફબી બંને અનેકવાર હથિયારોની ડિલિવરીમાં થઈ રહેલા વિલંબ માટે રક્ષા મંત્રાલયથી ફરિયાદ કરી ચૂકી છે. હથિયાર ખરીદીની પહેલી યોજનાને વર્ષ 2009-14ની વચ્ચે પૂરી થવાની હતી. આ દરમિયાન 14,000 કરોડના હથિયારની ડિલિવરીમાં વિલંબ થયો.

    ત્યારબાદ બીજી યોજનાને વર્ષ 2014-19 માટે હતી, તેમાંથી પણ 7,500 કરોડ રૂપિયાના હથિયારોની ડિલિવરી વિશે હજુ સુધી કોઈ અપડેટ નથી. ઉલ્લેખનીય છે કે, ઓએફબી ભારતીય સેનાઓ દ્વારા ઉપયોગમાં લેવાના દારૂગોળાની ઉપલબ્ધતાનું મુખ્ય સ્ત્રોત છે. આર્મી અને એરફોર્સમાં તેના બનાવેલા દારૂગોળાનો ઉપયોગ થાય છે. આ સરકારી કંપનીનું વાર્ષિક ટર્નઓવર 19,000 કરોડ રૂપિયા છે, પરંતુ સામાન સારી ગુણવત્તાનો નથી.

    હથિયારોની ક્વોલિટી ઉપર પણ સવાલ

    ઓએફબી અને સેનાએ ડિલિવરીમાં વિલંબ ઉપરાંત હથિયારોની ક્વોલિટી ઉપર પણ સવાલ ઊભા કર્યા છે. સેનાએ રક્ષા મંત્રાલયને કહ્યું છે કે ખરાબ ગુણવત્તાના દારૂગોળાના ઉપયોગથી સૈનિકોના ઘાયલ થવા અને માર્યા જવું અને મોંઘા હથિયારોનું ખરાબ થવાના મામલા વધી રહ્યા છે. ટાઇમ્સ ઓફ ઈન્ડિયા સેનાના રેડ એલર્ટે તેના અને મંત્રાલયના રક્ષા ઉત્પાદન સાથે જોડાયેલા વિભાગોમાં હલચલ મચાવી દીધી છે અને દારૂગોળાની ગુણવત્તાના સંબંધમાં તેઓ સંયુક્ત પ્રયાસમાં લાગી ગયા છે.

    આ પણ વાંચો, ગુજરાત સહિત ચાર રાજ્યમાં એર ડિફેન્સ યુનિટ કરાશે તહેનાત

    મંત્રાલયને મોકલવામાં આવેલા રિપોર્ટમાં જણાવવામાં આવ્યું છે કે ખરાબ દારૂગોળાના કારણે સેનાની ફિલ્ડ ગન્સ અનેકવાર દુર્ઘટનાગ્રસ્ત થાય છે. તેમાં અર્જુન, ટી-72 અને ટી-90 ટેન્કોમાં ઉપયોગ થનારી બંદૂકો પણ સામેલ છે. આ ઉપરાંત 155 એમએમવાળી કેટલીક બોફોર્સ તોપો પણ ખરાબ દારૂગોળાના કારણે દુર્ઘટનાનો શિકાર થઈ છે. એક સૂત્રએ જણાવ્યું કે આ સમસ્યા યોગ્ય રીતે ન ઉકેલાતા સેનાએ લાંબા અંતરના કેટલાક હથિયારોનો ઉપયોગ બંધ કરી દીધો છે.

    સરકાર પણ છે ગંભીર

    સેના તરફથી હથિયારોની ડિલિવરીમાં વિલંબ અને ક્વોલિટીના મુદ્દે રક્ષા મંત્રાલયને 15 પાનાનો એક રિપોર્ટ સોંપવામાં આવ્યો હતો. આ રિપોર્ટને સેક્રેટરી ડિફેન્સ પ્રોડક્શન અજય કુમારે ઘણી ગંભીરતાથી લીધી છે અને ઓએફબી દ્વારા સપ્લાય કરવામાં આવેલા દારૂગોળાનું મૂલ્યાંકન કરવામાં આવી રહ્યું છે. સૂત્રો મુજબ પ્રાઇવેટ સેક્ટરની મદદ લેવા વિશે પણ વિચાર ચાલી રહ્યો છે.

    ઉલ્લેખનીય છે કે, ઉરી હુમલા બાદ સરકારને એ જાણીને મોટો આંચકો લાગ્યો હતો કે આ પ્રકારના હુમલાનો સામનો કરવા માટે સેનાની પાસે પૂરતા હથિયાર જ નથી. ત્યારબાદ 11,740 કરોડ રુપિયાના 19 સોદા કરવામાં આવ્યા હતા. તેમાં રશિયાથી સ્માર્ક રોકેટ, કોંક્રૂજ એન્ટી ટેન્ક ગાઇડેડ મિસાઇલ અને ટી-90 અને ટી-72 ટેન્ક માટે હથિયાર સામેલ છે.
    Published by:Mrunal Bhojak
    First published: