Home /News /national-international /સોફ્ટવેર એન્જિનિયર યુવતી કામ કરી રહી હતી, લેપટોપમાં વિસ્ફોટ થતાં 80% સળગી ગઈ

સોફ્ટવેર એન્જિનિયર યુવતી કામ કરી રહી હતી, લેપટોપમાં વિસ્ફોટ થતાં 80% સળગી ગઈ

આંધ્રપ્રદેશ લેપટોપ બ્લાસ્ટ

આંધ્ર પ્રદેશ (Andhra pradesh) ના કડપામાં બી કોદુરુ મંડલના મેકાવરીપલ્લી ગામમાં લેપટોપ ફાટતા (Laptop Blast) સોફ્ટવેર એન્જિનિયર (software engineer) યુવતી 80 ટકા સળગી ગઈ, હોસ્પિટલમાં જીવનમરણ વચ્ચે ઝોલા ખાઈ રહી.

    અમરાવતી: આંધ્ર પ્રદેશ (Andhra pradesh) ના કડપામાં બી કોદુરુ મંડલના મેકાવરીપલ્લી ગામમાં લેપટોપ ફાટતાં (Laptop Blast) સોમવારે 23 વર્ષીય સોફ્ટવેર એન્જિનિયર (software engineer) યુવતીના રૂમમાં આગ ફાટી નીકળી હતી. આ ઘટનામાં તે 80 ટકા દાઝી ગઈ હતી. હાલમાં તે જીવન મરણ વચ્ચે ઝોલા ખાઈ રહી છે. સુમાલતા, બેંગલુરુ સ્થિત મેજિક સોલ્યુશન્સમાં કામ કરતી મહિલા, છેલ્લા કેટલાક મહિનાઓથી કોવિડ-19 મહામારીના કારણે ઘરેથી કામ કરી રહી છે.

    તેના માતા-પિતા વેંકટ સુબ્બા રેડ્ડી અને લક્ષ્મી નરસમ્માએ જણાવ્યું હતું કે, “અમારી દીકરીએ રાબેતા મુજબ સવારે 8 વાગ્યે તેના બેડરૂમમાં શિફ્ટ કરવાનું શરૂ કર્યું. જ્યારે તે તેના લેપટોપને ખોળામાં રાખીને કામ કરી રહી હતી ત્યારે અચાનક વિસ્ફોટ થયો હતો. તેના રૂમમાંથી ધુમાડો નીકળતો જોઈ અમે અંદર પહોંચ્યા. તો બેડ પર તે બેભાન અવસ્થામાં પડી હતી અને ખરાબ રીતે દાઝી ગઈ હતી. તે પછી અમે ઘરનો વીજ પુરવઠો બંધ કરી દીધો.

    સુમલતાને પહેલા સ્થાનિક હોસ્પિટલમાં લઈ જવામાં આવી, પછી ત્યાંથી તિરુપતિની મોટી હોસ્પિટલમાં લઈ જવામાં આવી. તેને બર્ન યુનિટમાં દાખલ કરવામાં આવી છે અને તે ફરીથી હોશમાં આવી ગઈ છે. ડોક્ટરોએ સુમલતાની હાલત નાજુક હોવાનું જણાવ્યું છે. બી કોદુરુના એસઆઈ નસરીને જણાવ્યું કે, ઘટનાની તપાસ શરૂ કરવામાં આવી છે. પોલીસને શંકા છે કે, વિસ્ફોટ ઇલેક્ટ્રિકલ શોર્ટ-સર્કિટને કારણે થયો હતો, પરંતુ સુમાલતાના પરિવારના સભ્યોનું કહેવું છે કે લેપટોપની બેટરી વધુ ગરમ થવાને કારણે પણ વિસ્ફોટ થયો હોઈ શકે છે.

    આ પણ વાંચોઅમદાવાદ : એક વ્યક્તિને મિત્રતા ભારે પડી, આવ્યો જેલ જવાનો વારો, કાદર કાલિયાને મિત્રએ હથિયાર રાખવા આપ્યા હતા

    ચાર્જિંગ પોર્ટમાં કોઈ સમસ્યા અથવા શોર્ટ સર્કિટને કારણે અથવા લાંબા સમય સુધી ઉપયોગને કારણે લેપટોપ વધુ ગરમ થાય છે. લેપટોપને વધુ ગરમ થવાથી બચાવવા માટે, તેની અંદર પંખા લગાવવામાં આવ્યા છે. જ્યારે તે પંખાના વેન્ટ્સ ભરાઈ જાય છે અને હવા યોગ્ય રીતે પસાર થઈ શકતી નથી ત્યારે લેપટોપ ગરમ થઈ જાય છે. આવી સ્થિતિમાં, લેપટોપનો ઉપયોગ કરતી વખતે, તેની નીચે એક પેડ રાખવું જોઈએ, જેથી હવા પસાર થવા માટે વેન્ટ ખુલ્લા રહે. વધુ ગરમ થવાના કિસ્સામાં, લેપટોપને થોડા સમય માટે બંધ રાખવું જોઈએ. આમ કરવાથી તમે કોઈપણ દુર્ઘટનાથી બચી શકો છો.
    Published by:kiran mehta
    First published:

    Tags: Andhra Pradesh, Andhrapradesh, Laptop, Laptops, National news, National News in gujarati, Software

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन