આનંદ મહિન્દ્રાએ 900 સ્ટાફને ખાલી કરાવનારા CEO પર કર્યા હતા સવાલ, હવે કંપનીએ ગર્ગને કાઢ્યો

નવી દિલ્હી. આજકાલ કોર્પોરેટ જગતમાં દરેક જગ્યાએ Better.com ચીફ એક્ઝિક્યુટિવ ઓફિસર (CEO) વિશાલ ગર્ગ ( Vishal Garg)ની ચર્ચા છે. તેમણે તાજેતરમાં ઝૂમ કોલ દરમિયાન 900 કર્મચારીઓને બરતરફ કર્યા હતા. મહિન્દ્રા ગ્રુપના ચેરમેન આનંદ મહિન્દ્રા (Anand Mahindra)એ હવે આ સમગ્ર પ્રકરણનો જવાબ આપ્યો છે.

તેમણે કહ્યું છે કે, આટલી મોટી ભૂલ કરીને કંપનીના સીઈઓ બચી શકે છે? તમને જણાવી દઈએ કે વિશાલ ગર્ગના આ પગલાની દુનિયાભરમાં ટીકા થઈ રહી છે. ગર્ગે પણ પાછળથી પોતાની જાતે પણ સ્વીકાર્યું હતું કે તેણે આવું ન કરવું જોઈતું હતું. મહિન્દ્રાના ટ્વીટના થોડા કલાકો બાદ વિશાલ ગર્ગને પણ રજા પર મોકલવામાં આવ્યા હતા.



આનંદ મહિન્દ્રાએ ટ્વીટ કર્યું કે, 'મને એ જાણવાની ઉત્સુકતા છે કે શું તમને લાગે છે કે આવી ભૂલ પછી કોઈ સીઈઓ બચી શકે છે? શું તે યોગ્ય છે અને તેમને બીજી તક આપવી જોઈએ? તમને જણાવી દઈએ કે મહિન્દ્રાના ટ્વિટર પર લગભગ 8.5 મિલિયન ફોલોઅર્સ છે. લોકો આ મુદ્દે સતત પોતાનો અભિપ્રાય વ્યક્ત કરી રહ્યા છે.

આ પણ વાઁચો:Petrol Diesel price: પેટ્રોલ-ડીઝલની કિંમત જાહેરાત, જાણો કયા શહેરમાં સૌથી સસ્તું મળી રહ્યું છે પેટ્રોલ 

લોકોનો અભિપ્રાય શું છે?
સોશિયલ મીડિયા પ્લેટફોર્મ પર ઘણા લોકોએ લખ્યું છે કે વિશાલ ગર્ગને બીજી તક ન મળવી જોઈએ. એક વપરાશકર્તાએ લખ્યું હતું કે ચર્ચા એ ન હોવી જોઈએ કે તેમને બીજી તક મળે છે કે નહીં તે જાણવું મહત્વપૂર્ણ છે કે તેમનામાં લીડર બનવા માટે જરૂરી સહાનુભૂતિ છે! અન્ય એક યુઝરે લખ્યું છે કે જો તેઓ 900 સ્ટાફને બીજી તક આપે તો તેમને પણ ફરી તક મળવી જોઈએ.

આ પણ વાંચો; 5G નેટવર્ક લોન્ચ થવાની આતુરતાથી જોવાઇ રહી છે રાહ, ક્યા ક્ષેત્રો પર થશે તેની અસર?

ગર્ગે માંગી માફી
અમેરિકાના અખબાર ન્યૂયોર્ક ટાઇમ્સના અહેવાલ મુજબ વિશાલ ગર્ગે માફી માંગી છે. તેણે કહ્યું છે કે તેણે મોટી ભૂલ કરી છે. દરમિયાન કંપનીએ ચીફ એક્ઝિક્યુટિવ ઓફિસર વિશાલ ગર્ગને તાત્કાલિક રજા પર મોકલી આપ્યા છે. ચીફ ફાઇનાન્સિયલ ઓફિસર કેવિન રયાન હવે કંપનીની કામગીરીની દેખરેખ રાખે છે અને બોર્ડને રિપોર્ટ કરશે.

આ પણ વાંચો: પાટીદાર આંદોલનમાં થયેલા કેસ પરત ખેંચવા સાંસદો રજૂઆત કરવા Gandhinagar પહોંચ્યા

શું છે આખો મામલો?
તમને જણાવી દઈએ કે વિશાલ ગર્ગે ઝૂમ મીટિંગ દરમિયાન માત્ર 3 મિનિટની અંદર તેની સોફ્ટ બેંકિંગ ફાઇનાન્સ કંપનીના 900 સ્ટાફને કાઢી મૂક્યા હતા. નોકરીમાંથી કાઢવાનું કારણ તેમણે કંપનીનું નુકસાન ગણાવ્યું હતું. તેનો વીડિયો સોશિયલ મીડિયા પર વાયરલ થયો હતો. ત્યારબાદ તેમને સોશિયલ મીડિયા પર ટ્રોલ કરવામાં આવ્યો હતો. બાદમાં ગર્ગે તેમના સ્ટાફની માફી માંગી હતી અને સ્ટાફને પત્ર પણ લખ્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Anand mahindra, Latest News, Twitter, દેશ વિદેશ