પંજાબઃ મોગામાં ભારતીય વાયુસેનાનું મિગ-21 ક્રેશ, પાઇલટ અભિનવ ચૌધરીએ જીવ ગુમાવ્યો

ચંદીગઢ. મોગાના કસ્બા બાઘાપુરાનાના ગામ લંગિયાના ખુર્દની પાસે ભારતીય વાયુસેના (Indian Air Force)નું ફાઇટર જેટ મિગ-21 (MiG-21 Fighter Aircraft) દુર્ઘટનાગ્રસ્ત થઈ ગયું છે. મળતી જાણકારી મુજબ ટ્રેનિંગ દરમિયાન પાઇલટ અભિનવે મિગ-21થી રાજસ્થાનના સૂરતગઢથી હલવારા અને હલવારાથી સૂરતગઢ માટે ઉડાન ભરી હતી. આ દરમિયાન બાઘાપુરાના પાસે તેમનું ફાઇટર જેટ ક્રેશ થઈ ગયું. મળતા અહેવાલો મુજબ આ ક્રેશમાં પાઇલટ અભિનવ ચૌધરી (Sqn Ldr Abhinav Choudhary)નું મોત થયું છે.

મળતી જાણકારી મુજબ, પાઇલટ અભિનવે ટ્રેનિંગ દરમિયાન ફાઇટર જેટ મિગ-21થી ઉડાન ભરી હતી. અભિનવ મિગ-21થી રાજસ્થાનના સૂરતગઢથી હલવારા તરફ રવાના થયા હતા. પોતાની ઉડાન દરમિયાન જ્યારે અભિનવ ફાઇટર જેટને લઈને પરત આવી રહ્યા હતા ત્યારે તેમનું પ્લેન દુર્ઘટનાનું શિકાર થઈ ગયું. દુર્ઘટનાની જાણકારી મળતા જ વાયુસેનાની એક ટીમ ઘટનાસ્થળે મોકલવામાં આવી છે.

There was an aircraft accident last night involving a Bison aircraft of IAF in the western sector. The pilot, Sqn Ldr Abhinav Choudhary, sustained fatal injuries. IAF condoles the tragic loss and stands firmly with the bereaved family: Indian Air Force

— ANI (@ANI) May 21, 2021

આ પણ વાંચો, કોરોનાની વેક્સીન લેતાં પહેલા ન કરો આ 6 કામ, સરકારે જાહેર કરી ગાઇડલાઇન્સ


આ પણ વાંચો, Cyclone Yaas: અમ્ફાન જેવો વિનાશ વેરી શકે છે યાસ વાવાઝોડું- IMDના અધિકારીઓએ વ્યક્ત કરી આશંકા

મીડિયા રિપોર્ટ્સ મુજબ, સર્ચ ઓપરેશન હાથ ધર્યા બાદ પાઇલટ અભિનવનો મૃતદેહ મળી આવ્યો છે. વાયુસેનાના અધિકારીઓએ દુર્ઘટનાના કારણોની તપાસના આદેશ જાહેર કરી દીધા છે. હજુ સુધી એ વાતની જાણકારી નથી મળી કે દુર્ઘટના કયા કારણે થઈ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Aircraft, IAF, Indian Air Force, Mig-21, Pilot, ક્રેશ, પંજાબ