VIDEO: વિસ્ફોટ દ્વારા 85 મીટર ઊંચું પાવર સ્ટેશન ધ્વસ્ત કરાયુ, આ જોઈ લોકોને નોઈડાના ટ્વિન ટાવરની યાદ આવી

સુરત : ગુજરાતના સુરત જિલ્લામાં આવેલા 30 વર્ષ જૂના પાવર હાઉસનો કૂલિંગ ટાવર મંગળવારે વિસ્ફોટથી ધરાશાયી કરવામાં આવ્યો હતો. આ RCC ટાવર 85 મીટર ઊંચો અને 72 મીટર પહોળો વ્યાસ ધરાવતો હતો, જે વિસ્ફોટની થોડી જ સેકન્ડોમાં જમીન પર ધસી ગયો હતો.

પ્રત્યક્ષદર્શીઓએ જણાવ્યું હતુ કે, આ દ્રશ્ય ગત વર્ષ જેવું જ હતું જ્યારે દિલ્હી એનસીઆરના નોઈડાનો ટ્વીન ટાવર વિસ્ફોટ દ્વારા ધ્વસ્ત કરવામાં આવ્યો હતો. તાપી નદીના કિનારે સ્થિત ઉત્તરણ પાવર પ્લાન્ટનો આ ટાવર આજે સવારે 11:10 વાગ્યે તોડી પાડવામાં આવ્યો હતો.

આ અંગે અધિકારીઓએ જણાવ્યું હતુ કે, ઉત્તરન પાવર પ્લાન્ટના આ ટાવરને તોડવા માટે લગભગ 220 કિલો વિસ્ફોટકોનો ઉપયોગ કરવામાં આવ્યો હતો. માત્ર 7 સેકન્ડમાં, આ ટાવર જોરદાર અવાજ સાથે જમીન પર બની દોસ્ત બની ગયો હતો. જેને કારણે ધૂળના ગોટા પણ ઉંચે સુધી જોવા મળ્યા હતા.

આ પણ વાંચો : Fox Newsના માલિક રુપર્ટ મર્ડોક 5મી વખત લગ્ન કરશે, 92 વર્ષની ઉંમરે ફરી પ્રેમમાં પાગલ, હીરાની વીંટી આપી કર્યું પ્રપોઝ

આ અધિકારીઓએ જણાવ્યું કે, આ ટાવરને તોડતા પહેલા તમામ તૈયારીઓ કરવામાં આવી હતી. અને આસપાસના વિસ્તારને પણ ખાલી કરાવવામાં આવ્યા હતા, આ ઉપરાંત અહીયાં 250 થી 300 મીટરના અંતર સુધી બેરિકેડીંગ પણ લગાવવામાં આવ્યું હતું. નિષ્ણાતોની મદદથી ટાવરમાં રહેલા વિસ્ફોટકોને કોલમમાં ડ્રિલ કરવામાં આવ્યા હતા.

SURAT UTRAN POWER HOUSE COOLING TOWER BLAST DEMOLITION pic.twitter.com/g1sjQActzS

— kalpesh (@kalpesh1234578) March 21, 2023

એડિશનલ ચીફ એન્જિનિયર આરઆર પાટીલે મીડિયાને જણાવ્યું હતું કે, "આ ટાવર ગુજરાત સ્ટેટ ઇલેક્ટ્રિસિટી કોર્પોરેશનના 135 મેગાવોટ પાવર પ્લાન્ટનો ભાગ હતો, અને તેનો ઉપયોગ પ્લાન્ટમાં ઠંડક માટે કરવામાં આવતો હતો.

તેની ઉંચાઈ 85 મીટર અને તેનો વ્યાસ 72 મીટર હતો.તેમણે જણાવ્યું કે, તેનું નિર્માણ 1993માં થયું હતું. ટેકનિકલ અને કોમર્શિયલ કારણોસર તેને તોડી પાડવું જરૂરી હતું. તેને 2017માં તોડી પાડવાની મંજૂરી આપવામાં આવી હતી અને સપ્ટેમ્બર 2021માં ડિમોલિશનની કામગીરી શરૂ કરવામાં આવી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat surat