Madarsa Ban: હિજાબ વિવાદ વચ્ચે BJP ધારાસભ્યની માંગ, મદરેસાઓ પર પ્રતિબંધ લગાવો

કર્ણાટકમાં હિજાબ વિવાદ (Hijab controversy) વચ્ચે સત્તાધારી બીજેપીના એક ધારાસભ્યએ મદરેસાઓને લઈને વિવાદાસ્પદ નિવેદન આપ્યું છે. હોનાલીના ધારાસભ્ય સાંસદ રેણુકાચાર્યએ આરોપ (BJP MLA Renukacharya) લગાવ્યો છે કે મદરેસાઓમાં રાષ્ટ્રવિરોધી પાઠ ભણાવવામાં આવે છે, તેથી તેને બંધ કરી દેવા જોઈએ. તેમણે રાજ્યના મુખ્ય પ્રધાન બસવરાજ બોમાઈ અને શિક્ષણ પ્રધાન બીસી નાગેશ પાસે માગણી કરી કે રાજ્યમાં ચાલતા મદ્રેસાઓ પર પ્રતિબંધ (Madarsa ban) મૂકવો જોઈએ અથવા તેમને અન્ય શાળાઓ દ્વારા ભણાવવામાં આવે છે તે અભ્યાસક્રમ શીખવવા માટે કહેવામાં આવે.

રેણુકાચાર્ય મુખ્યમંત્રીના રાજકીય સચિવ છે

મુખ્ય પ્રધાન બોમાઈના રાજકીય સચિવ રેણુકાચાર્યએ હિજાબ કેસ પર કર્ણાટક હાઈકોર્ટના નિર્ણય વિરુદ્ધ બોલાવેલા બંધ પર આકરા પ્રહારો કર્યા હતા. ન્યૂઝ એજન્સી ANI અનુસાર તેમણે કહ્યું કે કેટલાક રાષ્ટ્ર વિરોધી સંગઠનોએ હિજાબ મુદ્દે કર્ણાટક બંધનું એલાન આપ્યું છે. શું સરકાર આ સહન કરી શકે? શું તે પાકિસ્તાન છે, બાંગ્લાદેશ છે કે પછી તે ઇસ્લામિક દેશ છે? અમે આ સહન નહીં કરીએ. કોંગ્રેસના નેતાઓએ વિધાનસભામાં આ બંધનો બચાવ કર્યો છે.

I want to ask Congress who created hijab issue, you or us? Is vote bank more important to you? I ask Congress, why do we need madrasas? What do madrasas propagate? They instigate innocent kids.Tomorrow they'll go against our country & never say Bharat Mata ki Jai: MP Renukacharya

— ANI (@ANI) March 26, 2022

કોંગ્રેસ પર હિજાબ વિવાદને વેગ આપવાનો આરોપ

રેણુકાચાર્યએ કોંગ્રેસ પાર્ટી પર હિજાબનો મુદ્દો ઉઠાવીને વોટ બેંકની રાજનીતિ કરવાનો પણ આરોપ લગાવ્યો છે. ANI અનુસાર રેણુકાચાર્યએ કહ્યું કે હું કોંગ્રેસ પાર્ટીને પૂછવા માંગુ છું કે હિજાબનો વિવાદ કોણે ઉભો કર્યો. શું તમારા માટે વોટ બેંક વધુ મહત્વની છે? હું કોંગ્રેસને પૂછવા માંગુ છું કે મદરેસાઓની શું જરૂર છે. મદરેસામાં શું પ્રોત્સાહન આપવામાં આવે છે? તેઓ નિર્દોષ બાળકોને ઉશ્કેરે છે. આવતીકાલે તેઓ તમારા દેશ વિરુદ્ધ બોલશે, પરંતુ ક્યારેય ભારત માતા કી જય નહીં બોલે.

આ પણ વાંચો- The Kashmir files: કાશ્મીર ફાઇલ ફિલ્મ મુદ્દે AHP પ્રમુખ પ્રવિણ તોગડીયાએ શું આપ્યું નિવેદન?

હાઈકોર્ટના નિર્ણય સામે બંધ પાળ્યો હતો

તમને જણાવી દઇએ કે, કે હિજાબ વિવાદ કર્ણાટકથી જ શરૂ થયો હતો જ્યાં કેટલીક છોકરીઓને હિજાબ પહેરીને સ્કૂલમાં આવવા પર પ્રતિબંધ મૂકવામાં આવ્યો હતો. બાદમાં તૂલ મળ્યા બાદ મામલો હાઇકોર્ટમાં પહોંચ્યો હતો. જ્યાં 15 માર્ચે તેમના નિર્ણયમાં છોકરીઓની માંગને ફગાવી દીધી હતી, જેમાં તેઓએ હિજાબ પહેરીને શાળામાં આવવાની પરવાનગી માંગી હતી. કોર્ટે કહ્યું કે હિજાબ એ ઇસ્લામમાં ફરજિયાત ધાર્મિક પરંપરા નથી તેથી તેને શાળાના નિયમોમાંથી મુક્તિ આપી શકાય નહીં.

આ પણ વાંચો- કેન્દ્રીય ગૃહ મંત્રી અમિત શાહે પોતના મત વિસ્તારમાં જુદા-જુદા વિકાસકાર્યોના લોકાર્પણ અને શિલાન્યાસ કર્યા

અગાઉ પણ વિવાદાસ્પદ નિવેદનો આપી ચૂક્યા છે

બીજેપી ધારાસભ્ય રેણુકાચાર્ય આ પહેલા પણ વિવાદાસ્પદ નિવેદનોના કારણે ચર્ચામાં રહ્યા છે. રેણુકાચાર્યએ કોંગ્રેસ નેતા પ્રિયંકા ગાંધીના હિજાબ મુદ્દે કરેલા ટ્વીટનો બદલો લીધો હતો, જેમાં પ્રિયંકાએ કહ્યું હતું કે બિકીની હોય, બુરખો હોય, જીન્સ હોય કે હિજાબ હોય, મહિલાને તે નક્કી કરવાનો અધિકાર છે કે તે શું પહેરવા માંગે છે? આના પર રેણુકાચાર્યએ કહ્યું હતું કે કોંગ્રેસ મહાસચિવ દ્વારા બિકીની જેવા શબ્દોનો ઉપયોગ ખરાબ નિવેદન છે. આજે વધી રહેલા બળાત્કારનું એક કારણ સ્ત્રીઓ પણ છે કારણ કે પુરુષોને ઉશ્કેરવામાં આવે છે. આ યોગ્ય નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Hijab news, Karnatak, Karnataka CM