Home /News /national-international /અમેરિકાએ ભારતની પ્રશંસા કરી, કહ્યું- યુદ્ધ સમાપ્તિ માટે જયશંકરનો સંદેશ સાંભળે રશિયા

અમેરિકાએ ભારતની પ્રશંસા કરી, કહ્યું- યુદ્ધ સમાપ્તિ માટે જયશંકરનો સંદેશ સાંભળે રશિયા

અમેરિકાએ ભારતના વિદેશ મંત્રી એસ જયશંકરના વખાણ કર્યા છે. (ફોટો- ANI)

યુક્રેન સંઘર્ષની વચ્ચે બે દિવસ રશિયાની યાત્રા પર ગયેલા ભારતીય વિદેશી મંત્રી એસ જયશંકર પર હાલ વિશ્વની નજર હતી અને હવે અમેરિકાના વિદેશ વિભાગની પ્રતિક્રિયા સામે આવી છે. પ્રવક્તા નેડા પ્રાઈસે જયશંકરની પ્રશંસા કરતા કહ્યું છે કે રશિયાએ યુક્રેનનું યુદ્ધ રોકવા માટે ભારતનો સંદેશ સાંભળવો જોઈએ. તેમણે કહ્યું કે રશિયાએ ભારતની સ્ટ્રેટેજી સમજવી જોઈએ.

વધુ જુઓ ...
    નવી દિલ્હી: યુક્રેન સંઘર્ષની વચ્ચે બે દિવસ રશિયાની યાત્રા પર ગયેલા ભારતીય વિદેશી મંત્રી એસ જયશંકર પર હાલ વિશ્વની નજર હતી અને હવે અમેરિકાના વિદેશ વિભાગની પ્રતિક્રિયા સામે આવી છે. પ્રવક્તા નેડા પ્રાઈસે જયશંકરની પ્રશંસા કરતા કહ્યું છે કે રશિયાએ યુક્રેનનું યુદ્ધ રોકવા માટે ભારતનો સંદેશ સાંભળવો જોઈએ. તેમણે કહ્યું કે રશિયાએ ભારતની સ્ટ્રેટેજી સમજવી જોઈએ.

    ભારતના વિદેશ મંત્રી એસ જયશંકર અને રશિયાના વિદેશ મંત્રી સર્ગેઈ લાવરોવ વચ્ચે મોસ્કોમાં થયેલી મંત્રણાના જવાબમાં નેડ પ્રાઈસે કહ્યું કે પાછલા મહિનાઓમાં અમે ભારતીય વિદેશ મંત્રાલય સાથે ઘણી વાતચીત કરી છે. અમેરિકી વિદેશ મંત્રી એન્ટની બ્લિંકન પણ એસ જયશંકરને મળ્યા છે. નેડ પ્રાઈસે કહ્યું કે ભારતે ફરીથી કહ્યું છે કે તે યુદ્ધની વિરુદ્ધ છે. આવી જ સલાહ ભારતના વડાપ્રધાન નરેન્દ્ર મોદીએ રશિયાના રાષ્ટ્રપતિ વ્લાદિમીર પુતિનને આપી હતી અને હવે જયશંકરે પણ આ જ વાત કહી છે. વડાપ્રધાન નરેન્દ્ર મોદીએ સમરકંદમાં પુતિનને કહ્યું કે આ યુદ્ધનો સમય નથી.

    ભારત યુદ્ધનો ઉકેલ વાતચીત અને કૂટનીતિ દ્વારા જોવા માંગે છે

    નેડ પ્રાઈસે કહ્યું કે ભારતે સંદેશ આપ્યો છે કે તે રશિયા-યુક્રેન વચ્ચે ચાલી રહેલા યુદ્ધનો ઉકેલ વાતચીત અને કૂટનીતિ દ્વારા જોવાનું પસંદ કરે છે. ભારતે કહ્યું છે કે આ યુદ્ધનો સમય નથી, આવી સ્થિતિમાં બંને દેશોએ ભારતની ભૂમિકાનું મહત્વ સમજવું જોઈએ.

    આ પણ વાંચોઃ રશિયામાં યુક્રેન પર થઈ ચર્ચા, જયશંકરે કહ્યું- ગ્લોબલ ઈકોનોમી એક-બીજા પર આધારિત

    ભારત દ્વારા રશિયા પાસેથી તેલ ખરીદવા પર અમેરિકાની પ્રતિક્રિયા

    મોસ્કોમાં વિદેશ મંત્રી એસ જયશંકરે કહ્યું કે ભારત રશિયા પાસેથી તેલ ખરીદવાનું ચાલુ રાખશે. આવી સ્થિતિમાં અમેરિકાના પ્રવક્તા નેડ પ્રાઈસે આ અંગે પ્રતિક્રિયા આપતા કહ્યું છે કે આ મામલો રશિયા અને ભારતના દ્વિપક્ષીય હિતો સાથે જોડાયેલો છે. જોકે, સામૂહિક હિતોને ધ્યાનમાં રાખીને ભારતે રશિયા પરની નિર્ભરતા ઓછી કરવી જોઈએ. રશિયા તેની ઉર્જા કે સુરક્ષા સાધનોના પુરવઠામાં ભરોસાપાત્ર નથી. અમેરિકાએ કહ્યું કે ભારતને ઊર્જાની ખૂબ જ જરૂર છે અને તેથી જ તે રશિયા પાસેથી ઈંધણ ખરીદી રહ્યું છે. તે પ્રતિબંધોનું ઉલ્લંઘન કરતું નથી. તેમણે કહ્યું કે આ સમય રશિયા સાથે વેપાર કરવાનો નથી અને જે દેશો તેના પર નિર્ભર છે તેમણે રશિયા સાથેનો વેપાર ઓછો કરવો જોઈએ.
    Published by:Vrushank Shukla
    First published:

    Tags: India Russia, Russia, Ukraine

    विज्ञापन
    विज्ञापन