અમેરિકાના કેલિફોર્નિયામાં ફરી અંધાધૂંધ ગોળીબાર, 3ના મોત, 4 ઘાયલ

બેવર્લી ક્રેસ્ટ (અમેરિકા): અમેરિકાના કેલિફોર્નિયામાં શનિવારે સવારે ફાયરિંગ થયાની એક નવી ઘટના સામે આવી છે. આ ઘટનામાં ઓછામાં ઓછા 3 લોકોના મોત થયા છે, જ્યારે 4 લોકો ઘાયલ થયા છે. ઉલ્લેખનીય છે કે, પોલીસે આ માહિતી આપી છે. લોસ એન્જેલસ પોલીસ વિભાગના સાર્જન્ટ ફ્રેન્ક પ્રિસિયાડોએ લોસ એન્જેલસ નજીક બેવર્લી ક્રેસ્ટમાં લગભગ 2:30 વાગ્યાની આસપાસ ગોળીબાર થયાની પુષ્ટિ કરી હતી.

ગોળીબારમાં ત્રણ લોકોના મોત

સાર્જન્ટે જણાવ્યું કે, 7 લોકોને ગોળી મારવામાં આવી હતી, જેમાંથી ચાર બહાર હતા. જ્યારે માર્યા ગયેલા ત્રણ લોકો વાહનમાં સવાર હતા. હુમલાનો ભોગ બનેલા લોકોની ઓળખ જાહેર કરવામાં આવી નથી. તે જ સમયે, ઘાયલોને હોસ્પિટલમાં દાખલ કરવામાં આવ્યા છે, જેમની સ્થિતિ ગંભીર હોવાનું જાણવા મળી રહ્યું છે.

આ પણ વાંચો: ડીંડોલીમાં થયેલ હત્યાનો ભેદ ઉકેલાયો, પોલીસે હત્યાના મુખ્ય આરોપી સહિત બેની ધરપકડ કરી

કેલિફોર્નિયામાં આ ગોળીબારની ચોથી ઘટના

સાર્જન્ટ ફ્રેન્ક પ્રેસીઆડોએ કહ્યું કે, તેમની પાસે ગોળીબારના હેતુ વિશે કોઈ માહિતી નથી અને તેઓ એ પણ નથી જાણતા કે, આ ઘટના નિવાસસ્થાનની અંદર થઈ હતી કે બહાર ની હતી. મહત્વપૂર્ણ છે કે, આ મહિનામાં કેલિફોર્નિયામાં ગોળીબારની આ ચોથી ઘટના છે.

ગન વાયોલન્સ રેકોર્ડ પ્રમાણે વર્ષ 2022માં સતત ત્રીજા વર્ષે અમેરિકામાં ગોળીબારની લગભગ 600 ઘટનાઓ નોંધાઈ છે. આ દરેક ઘટનાઓમાં ઓછામાં ઓછા ચાર લોકો માર્યા ગયા અથવા ઘાયલ થયા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: American President, California