અમિત શાહનો મમતા પર હુમલો- દીદીના ભત્રીજાના ખીસ્સામાં જાય છે ભ્રષ્ટાચારના પૈસા

ન્યૂઝ18 ગુજરાતી : પીએમ નરેન્દ્ર મોદી અને પશ્ચિમ બંગાળની મુખ્યમંત્રી મમતા બેનર્જીની વચ્ચે ચાલી રહેલા તણાવની વચ્ચે બીજેપી અધ્યક્ષ અમિત શાહે પણ દીદીને નિશાના પર લીધા છે. અમિત શાહે મંગળવારે આરોપ લગાવ્યો કે પશ્ચિમ બંગાળમાં મોટાપાયે ભ્રષ્ટાચાર થઈ રહ્યો છે અને તેના તમામ પૈસા મમતા દીદી નહીં પરંતુ તેમના ભત્રીજાના ખીસામાં જઈ રહ્યા છે. ઉલ્લેખનીય છે કે, મમતાના ભત્રીજા અભિષેક બેનર્જી ડાયમંડ હાર્બર સીટથી ટીએમસી સાંસદ છે.

અમિત શાહે શું બોલ્યા?

અમિત શાહે પશ્ચિમ બંગાળના ઘાટલમાં મમતા બેનર્જી પર નિશાન સાધતાં કહ્યું કે, પહેલા બંગાળમાં ટેક્સની જેમ ભ્રષ્ટાચારના પૈસા વસૂલવામાં આવતા હતા અને એક સિન્ડિકેટ આ સમગ્ર સિસ્ટમને ચલાવી રહી હતી. હવે ભ્રષ્ટાચારના તમામ પૈસા તેમના (મમતા) ભત્રીજા પાસે જાય છે. ભ્રષ્ટાચારના તમામ પૈસા મમતા દીદીના ભત્રીજાની ખીસ્સામાં જઈ રહ્યા છે.

Amit Shah in Ghatal, WB: Mamata Didi said that she doesn't consider Modi ji as Prime Minister. According to the Constitution,whosoever people of the country elect is the PM. Aapke na manne se kuch nahi hota, aur 5 saal ki taiyari kar lo Modi Ji phirse ekbar PM ban ne ja rahe hai. pic.twitter.com/iCUZnDt1d8

— ANI (@ANI) May 7, 2019

આ પણ વાંચો, મોદીનું કાઉન્ડ ડાઉન શરૂ, તમામ ઉંદર ડૂબતા જહાજને છોડીને ભાગશે'- ખુર્શીદ

શાહે આગળ કહ્યું કે મમતા દીદી કહે છે કે તેઓ મોદીજીને પીએમ નથી માનતા, પરંતુ દેશના બંધારણ મુજબ તો તેઓ ચૂંટાયેલા વડાપ્રધાન છે. તમારા ન માનવાથી કંઈ નહીં થાય, વધુ પાંચ વર્ષની તૈયારી કરી લો. મોદીજી ફરીથી પીએમ બનવા જઈ રહ્યા છે. શાહે એમ પણ કહ્યું કે જય શ્રીરામના નારા બંગાળમાં નહીં તો શું પાકિસ્તાનમાં બોલાશે.

અભિષેક બેનર્જીની સંપત્તિ થઈ ત્રણ ગણી

ઉલ્લેખનીય છે કે મમતા બેનર્જીના ભત્રીજા અભિષેક બેનર્જીની સંપત્તિમાં ત્રણ ગણો વધારો નોંધાયો છે. ડાયમંડ હાર્બર સીટથી ટીએમસી સાંસદ અભિષેક બીજી વાર ચૂંટણી લડી રહ્યા છે. 2014માં પહેલી ચૂંટણી દરમિયાન અભિષેકની સંપત્તિ 23.57 લાખ જણાવી હતી. પરંતુ 2019માં દાખલ એફિડેવિટમાં અભિષેકે પોતાની સંપત્તિ 71.4 લાખ જણાવી છે.

વિવાદોમાં રહે છે અભિષેક

કોલકાતાના સોલ્ટ લેક વિસ્તારમાં હેલીપેડ બનાવવાને લઈ પણ થોડા દિવસો પહેલા અભિષેક વિવાદોમાં આવ્યા હતા. ઉલ્લેખનીય છે કે, કોલકાતા પરા વિસ્તાર સોલ્ટ લેકમાં અભિષેક બેનર્જીના હેલિકોપ્ટર ઉતારવા માટે કથિત રીતે એક હેલીપેડ બનાવવામાં આવ્યું છે. રહેણાંક વિસ્તારમાં હેલીપેડ બનાવવા પર સ્થાનિક લોકોએ સવાલ ઉઠાવ્યા હતા. તેમનું કહેવું હતું કે આ રહેણાંક વિસ્તારના કોઈ પણ ભાગમાં પહેલીવાર હેલીપેડ બનાવવામાં આવ્યું છે. આ હેલીપેડને ગેરકાયદેસર કહેવામાં આવી રહ્યું છે.

આ પણ વાંચો, 56 ઇંચના બોક્સરે' તેના કોચ અડવાણીના મોઢા પર જ પંચ માર્યો: રાહુલ ગાંધી

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Amit shah, Lok sabha election 2019, TMC, West bengal, નરેન્દ્ર મોદી, ભાજપ, મમતા બેનરજી