એર ઈન્ડિયાએ 470 એરક્રાફ્ટનો ઓર્ડર આપ્યા બાદ હાયરિંગ શરૂ કરી, 2 કરોડનું સેલરી પેકેજ, જાણો શુ છે પોસ્ટ?

નવી દિલ્હી : સમગ્ર વિશ્વમાં ચાલતા છટણીના દોરમાં ભારતની અગ્રણી એરલાઇન કંપની એર ઈન્ડિયા (Air India Recruitment) એ 470 નવા વિમાનો માટે ભાડે લેવાની પ્રક્રિયા શરૂ કરી છે. બોઇંગ અને એરબસ તરફથી 470 એરક્રાફ્ટની ડિલિવરી પહેલા એર ઇન્ડિયાએ વિવિધ રેન્ક અને ભૂમિકાઓમાં કર્મચારીઓની ભરતી કરી રહી છે. બિઝનેસ ટુડેના સમાચાર અનુસાર, ભરતી દરમિયાન કેટલીક ભૂમિકાઓ માટે 2 કરોડ રૂપિયા સુધીના પગાર પેકેજની ઓફર કરવામાં આવી છે.

એરલાઇન 'B777'વિમાન માટે પાઇલટની ભરતી કરી રહી છે અને આ જગ્યા માટે કંપની વાર્ષિક રૂ. 2 કરોડથી પણ વધારે ચૂકવવામાં તૈયાર છે. એરલાઇન B737 NG/MAX પ્રકારના રેટેડ પાઇલોટ્સથી માંડીને ઉચ્ચ સ્તરની ક્ષમતા ધરાવતા B777 ફ્લીટ માટે ફર્સ્ટ ઓફિસર્સ સુધીની નોકરીઓ ઓફર કરી રહી છે.

અનુભવી પાયલટોને 2 કરોડ સુધીનો પગાર

એર ઈન્ડિયામાં રસ ધરાવતા પાઈલટ્સને દર મહિને રૂ. 17,39,118 ચૂકવશે, જેમાં વાર્ષિક ધોરણ પ્રમાણે આ પગાર 2 કરોડથી વધુ છે. ઉડ્ડયન ક્ષેત્રને સમજતા કંપનીના CEOએ જણાવ્યું હતું કે, ઉડ્ડયન ઉદ્યોગમાં સારા પાઇલોટ્સની અછતને કારણે કંપની ચોક્કસ ભૂમિકાઓ માટે વધારે પગારનું પેકેજ ઓફર કરી રહી છે. માર્ક માર્ટિને બિઝનેસ ટુડેને જણાવ્યું હતું કે, "વિશ્વભરમાં પાયલોટની અછતને કારણે, વિશિષ્ટ વિમાનોમાં ઓછામાં ઓછા 5000 થી 7000 કલાકો સાથે લાયકાત ધરાવતા પાઇલોટ્સની માંગ વધી રહી છે."

આ પણ વાંચો : ભારતનું દોસ્ત બન્યુ તાલીબાન, મોસ્ટ વોન્ટેડ આતંકવાદી એજાઝને મારી નખાયો

કેબિન ક્રૂ અને ગ્રાઉન્ડ સ્ટાફ માટે પણ તકો

કંપનીની વેબસાઈટ પર કેબિન ક્રૂ મેમ્બર, ગ્રાઉન્ડ સ્ટાફ, સિક્યુરિટી અને અન્ય ટેકનિકલ પોસ્ટ્સ સહિત ઘણી ભૂમિકાઓ માટે તકો ઉપલબ્ધ છે. જોકે, એર ઈન્ડિયાએ હાલમાં જ 470 અત્યાધુનિક પેસેન્જર એરક્રાફ્ટ આપીને ઈતિહાસ રચ્યો છે.

એર ઈન્ડિયાએ 2006 થી નવા એરક્રાફ્ટ માટે કોઈ ઓર્ડર આપ્યો ન હતો, પરંતુ હવે 16 વર્ષ પછી સૌથી મોટો ઓર્ડર આપ્યો છે. એર ઈન્ડિયાએ અમેરિકાની બોઈંગ અને ફ્રાન્સની એરબસ સાથે વિશ્વની સૌથી મોટી એરક્રાફ્ટ ખરીદીને ડીલ કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Air India Limited Jobs, Air India Recruitment