એર ઈન્ડિયા રિપબ્લિક ડે સેલઃ સસ્તામાં હવાઈ મુસાફરી કરવાની તક, માત્ર રૂ. 1,705માં કરો ટિકિટ બુકિંગ

ટાટા ગ્રુપના એર ઈન્ડિયાના રિપબ્લિક ડે સેલમાં ડોમેસ્ટિક ફ્લાઈટ્સ પર ભારે ડિસ્કાઉન્ટ આપવામાં આવી રહ્યું છે. આ ઓફરની શરૂઆત શનિવારથી થઈ છે, જે 23 જાન્યુઆરી સુધી રહેશે. આ ઑફર હેઠળ, દિલ્હી, ગોવા અને મુંબઈ તેમજ દેશના અન્ય શહેરોની ડોમેસ્ટિક ફ્લાઈટ્સ પર બમ્પર ડિસ્કાઉન્ટ ઉપલબ્ધ છે. એર ઈન્ડિયાના જણાવ્યા અનુસાર, એરલાઈનના રજિસ્ટર્ડ ટ્રાવેલ એજન્ટ સહિત તમામ એર ઈન્ડિયા બુકિંગ પ્લેટફોર્મ પર સેલ ઉપલબ્ધ રહેશે.

એર ઈન્ડિયાએ એક નિવેદનમાં જણાવ્યું છે કે આ સસ્તી ટિકિટો ઈકોનોમી ક્લાસમાં ઉપલબ્ધ હશે અને ભારતમાં 1 ફેબ્રુઆરીથી 30 સપ્ટેમ્બર, 2023 દરમિયાન ઘરેલુ નેટવર્ક પર મુસાફરી માટે લાગુ થશે. આ ડિસ્કાઉન્ટ 49થી વધુ ઘરેલુ સ્થળો પર ઉપલબ્ધ થશે, જેની શરૂઆત 1750 રૂપિયાના વન-વે ભાડાથી થશે.

આ પણ વાંચોઃ ઘોર કળિયુગ: પતિના મોત બાદ દિયર સાથે જલસા કરવા લાગી ભાભી, તમામ હદ પાર કરી

દિલ્હીથી ગોવા અને મુંબઈની મુસાફરી

એર ઈન્ડિયાના ડિસ્કાઉન્ટ મુજબ, કંપની દિલ્હીથી મુંબઈની ફ્લાઈટ માટે વન-વે ભાડા માટે રૂ. 5,075 ચાર્જ કરશે. જ્યારે દિલ્હીથી ગોવા જતા લોકોએ 5,656 રૂપિયા ચૂકવવા પડશે. બીજી તરફ, દિલ્હીથી શ્રીનગર જનારાઓએ વન-વે ભાડા તરીકે 3,730 રૂપિયા ખર્ચવા પડશે. દિલ્હીથી ઉદયપુર જનારાઓએ 3,680 રૂપિયા ભાડું ખર્ચવું પડશે. દિલ્હીથી પોર્ટ બ્લેયર જનારાઓએ દિલ્હીથી 8,690 રૂપિયાનું વન-વે ભાડું ચૂકવવું પડશે.

ડોમેસ્ટિક નેટવર્ક પર વન ડે ભાડાનું લિસ્ટ

• દિલ્હીથી મુંબઈ  5,075 રૂ


• ચેન્નાઈ થી દિલ્હી 5,895 રૂ


• બેંગ્લોરથી મુંબઈ 2,319 રૂ


• દિલ્હીથી ઉદયપુર 3,680 રૂ


• દિલ્હી થી ગોવા 5,656 રૂ


• દિલ્હીથી પોર્ટ બ્લેયર 8,690 રૂ


• દિલ્હીથી શ્રીનગર 3,730 રૂ


• અમદાવાદથી મુંબઈ 1,806 રૂ


• ગોવા થી મુંબઈ 2,830 રૂ


• દીમાપુરથી ગુવાહાટી 1,783 રૂ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Planes Air India One, Republic Day 2023, Sale