અમદાવાદ સિરિયલ બોમ્બ બ્લાસ્ટનો માસ્ટરમાઈન્ડ સફદર નાગોરી જેલમાંથી ભાગી શકે છે, એમપી સરકાર હાઈએલર્ટ પર

ભોપાલ સેન્ટ્રલ જેલ (Bhopal Central Jail)માં બંધ અમદાવાદ સિરિયલ બોમ્બ બ્લાસ્ટ (Ahmedabad serial bomb blast)નો માસ્ટર માઈન્ડ સફદર નાગોરી ભાગી શકે છે. આવા ઈનપુટ બાદ સરકાર એલર્ટ થઈ ગઈ છે. રાજ્યના ગૃહપ્રધાન નરોત્તમ મિશ્રાએ ઉચ્ચ સ્તરીય બેઠક બાદ ખુદ અધિકારીઓ સાથે જઈને જેલની સુરક્ષા વ્યવસ્થાની સમીક્ષા કરી હતી.

અમદાવાદ સિરિયલ બ્લાસ્ટ કેસમાં ફાંસીની સજા પામેલો સિમીનો માસ્ટર માઇન્ડ સફદર નાગોરી સહિત 24 આતંકીઓ ભોપાલ સેન્ટ્રલ જેલમાં કેદ છે. ગયા અઠવાડિયે જ ગુજરાતની અદાલતે અહીં બંધ 6 આતંકવાદીઓને ફાંસી અને એકને અંતિમ શ્વાસ સુધી આજીવન કેદની સજા ફટકારી છે. સજાની જાહેરાત બાદ પોલીસ અને જેલ પ્રશાસન હાઈ એલર્ટ પર છે. નાગોરી અંડા સેલમાં બંધ છે. જેલની અંદરથી બહાર સુધી ચુસ્ત સુરક્ષા વ્યવસ્થા ગોઠવી દેવામાં આવી છે. સરકારની ઉચ્ચસ્તરીય બેઠક બાદ ગૃહમંત્રી નરોત્તમ મિશ્રા અધિકારીઓ સાથે જેલ પહોંચ્યા હતા અને સુરક્ષા વ્યવસ્થાની સમીક્ષા કરી હતી.

ઉચ્ચ સુરક્ષા વ્યવસ્થાની અંદર આતંકવાદીઓ કેદ

ગૃહ અને જેલ મંત્રી ડો.નરોત્તમ મિશ્રાએ ઉચ્ચ કક્ષાના અધિકારીઓ સાથે બેઠક યોજી હતી. ડો.મિશ્રા અને ઉચ્ચ અધિકારીઓએ સુરક્ષા વ્યવસ્થા અંગે સંતોષ વ્યક્ત કર્યો હતો. અમદાવાદ બોમ્બ બ્લાસ્ટ કેસમાં ફાંસીની સજા પામેલા આતંકવાદી સફદર નાગોરી સહિત અન્ય આતંકવાદીઓ ભોપાલ સેન્ટ્રલ જેલમાં કેદ છે. સાતમો આતંકવાદી પણ ભોપાલ સેન્ટ્રલ જેલમાં બંધ છે, તેને આજીવન કેદની સજા ફટકારવામાં આવી હતી. આ તમામ આતંકવાદીઓ માટે ઉચ્ચ સુરક્ષા વ્યવસ્થાનું વર્તુળ બનાવવામાં આવ્યું છે. જેમાં સૈનિકોની તૈનાતી સાથે હાઈટેક ટેક્નોલોજીની મદદથી સુરક્ષા પર નજર રાખવામાં આવી રહી છે.

આ પણ વાંચો- Bharuch: ભરુચના સાંસદ મનસુખ વસાવાએ શિષ્ટાચાર ગુમાવી અપશબ્દોનો મારો ચલાવ્યો, જુઓ વીડિયો

હાઈ સિક્યોરિટી

ડો.નરોત્તમ મિશ્રાએ સેન્ટ્રલ જેલમાં અંડા સેલ અને હાઈ સિક્યુરીટી સેલની સુરક્ષા વ્યવસ્થાનું નિરીક્ષણ કર્યું હતું. તેમણે કહ્યું કે સેન્ટ્રલ જેલમાં ઉચ્ચ સુરક્ષા વ્યવસ્થા, વોકી-ટોકી કંટ્રોલ રૂમ, હાઇ માસ્ટ લાઇટની સારી વ્યવસ્થા છે. સુરક્ષા વ્યવસ્થાના પગલે નાઇટ પેટ્રોલિંગ, પેરી-ફેરી પેટ્રોલિંગ અને આકસ્મિક પેટ્રોલિંગ શરૂ કરવામાં આવ્યું છે. ટૂંક સમયમાં હોટ લાઇન પણ શરૂ થશે.

આ પણ વાંચો- પાકિસ્તાનના પીએમ ઇમરાન ખાન શા માટે પીએમ નરેન્દ્ર મોદી સાથે ટીવી ડિબેટ કરવા માંગે છે?

ભોપાલ પોલીસની બાહ્ય સુરક્ષાની જવાબદારી

ડૉ. નરોત્તમ મિશ્રાએ જણાવ્યું કે DCP (ડેપ્યુટી કમિશનર ઑફ પોલીસ) ખત્રી અને એડીએમ યાદવની સંયુક્ત ટીમ જેલ પ્રણાલીનું નિરીક્ષણ કરશે અને એડીજી જેલ ગાઝીરામ મીણાની આગેવાની હેઠળની સમિતિને સુરક્ષા વ્યવસ્થાનો અહેવાલ સુપરત કરશે. આ સિવાય ભોપાલ પોલીસે પણ જેલના બહારના ભાગમાં પેટ્રોલિંગ શરૂ કરી દીધું છે. રાત્રિ દરમિયાન પેટ્રોલિંગ કરવામાં આવે છે. જેલની અંદરની સુરક્ષાની જવાબદારી જેલ વિભાગની રહેશે જ્યારે બહારની સુરક્ષાની જવાબદારી ભોપાલ પોલીસની રહેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad blast case, Bhopal News, Madhya pradesh news