હવે IIT Bombayની હૉસ્ટેલમાં ગાય ઘૂસી, પુસ્તકોના પાના ચાવી ખાધા!

મુંબઈ : આઈઆઈટી બોમ્બે (IIT-B) ફરી એકવાર ચર્ચામાં છે. ચર્ચાનું કારણ પણ ફરીથી ગાય જ છે. આઈઆઈટી (IIT)ની હૉસ્ટેલમાં એક ગાય જોવા મળી છે. આ વખતે તેની તસવીર વાયરલ થઈ રહી છે. કહેવાય છે કે આ વખતે ગાયે આઈઆઈટી સ્ટુડન્ટના પુસ્તકના પાના ખાઈ લીધા. આ વખતે આ ગાય આઈઆઈટીની હૉસ્ટેલ નંબર-3માં જોવા મળી છે.

એક યૂઝરે આ ગાયની તસવીર શેર કરતાં લખ્યું છે કે, આ વિસ્તારમાં શ્વાનોની વધતી વસતીના કારણે તેમની ઉપસ્થિતિ તો અહીં દેખાતી હતી, પરંતુ હૉસ્ટેલમાં ગાય આવવાનો મામલો ભાગ્યે જ સાંભળવા મળે છે. હાલમાં જ આવા કિસ્સા વધ્યા છે. તેના માટે કંઈ કરવું જોઈએ.

There is definitely a huge dog menace in hostels mainly due to uncontrolled population, but never seen/ heard cows & bulls entering hostel rooms in IIT Bombay campus.
So many incidents in recent times, Something looks fishy! #IITBombay https://t.co/2cAitMh6Vq

— Nagabhushan (@nagabhushanb) September 15, 2019

આ વર્ષે જુલાઈમાં આઈઆઈટી બોમ્બે (IIT-B) ત્યારે ચર્ચામાં આવી હતી, જ્યારે એક ગાય ક્લાસ રૂમમાં ઘૂસી ગઈ હતી. જ્યારે તેનો વીડિયો સામે આવ્યો તો તે ઇન્ટરનેટ પર વાયરલ થઈ ગયો. ત્યારબાદ મેનેજમેન્ટે આ મામલાને લઈ એક કમિટીની રચના કરી હતી. જોકે, લોકોએ સોશિયલ મીડિયા પર વીડિયો શેર કરીને પૂછ્યું હતું કે, શું ગાયે જેઈઈ (JEE) પાસ કરી લીધું?

The privilege of being a cow in India is
That's stray cattle in IIT Bombay.pic.twitter.com/ZfJg7w8FEm

— Zainab Sikander (@zainabsikander) July 28, 2019

જુલાઈમાં જ એક ગાયે કેમ્પસની અંદર એક ઇન્ટર્નને ઈજાગ્રસ્ત કરી દીધો હતો. ત્યારબાદ જ એક કમિટીની રચના કરવામાં આવી હતી. સ્ટુડન્ટ્સ સહિત બીજા લોકોનું કહેવું છે કે અત્યાર સુધી આ ગાય માત્ર અહીં જોવા મળતી હતી, પરંતુ પુસ્તક ખાઈ જવાનો આ પહેલો મામલો છે. એક યૂઝરે 8 વર્ષ પહેલા હૉસ્ટેલમાં ગાય આવી હોવાનો દાવો કર્યો છે.

8 years ago, a cow had walked into our hostel wing in IIT Bombay. Stray cows have always been at home on campus, so their attending class isn't new! :)https://t.co/vhM4x4ppOb pic.twitter.com/zOvJ4EKV4X

— Aviral Bhatnagar (@aviralbhat) July 29, 2019

આ પણ વાંચો, ટ્રાફિક નિયમના ઉલ્લંઘન બાદ દંડથી બચવા યુવતીએ આત્મહત્યાની ધમકી આપી

જોકે, આ નવા દાવા પર આઈઆઈટી મેનેજમેન્ટે સવાલ ઉઠાવ્યા છે. આઈઆઈટી બોમ્બેના પ્રવક્તાએ કહ્યું કે, એ વાતના કોઈ પુરાવા નથી કે તસવીર આઈઆઈટી બોમ્બે હૉસ્ટેલની છે. જોકે, IIT-B દ્વારા રચવામાં આવેલી કમિટી એ વાત પર સહમત છે કે કેમ્પસમાં ગાય જેવા પશુઓની સંખ્યા છેલ્લા થોડાક દિવસોમાં ત્રણ ગણી થઈ ગઈ છે.

પરંતુ, IIT-Bના પ્રવક્તા એ વાત સ્વીકારે છે કે તેઓ તેને લઈને જરૂરી પગલાં લેશે. તેની સાથે જ તેઓ ગાર્ડને એ વાતની સૂચના કરશે કે ગાય જેવા પશુઓ એવા સ્થળથી દૂર રાખે જ્યાં ક્લાસ ચાલી છે. આ ઉપરાંત તેઓએ આ સમસ્યાનો ઉકેલ લાવવા માટે એનજીઓની પણ મદદ માંગી છે.

આ પણ વાંચો, PM મોદીને ધમકી આપનાર PAK સિંગરને થઈ શકે છે જેલ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Cow, Hostel, આઇઆઇટી, મુંબઇ, વાયરલ વીડિયો