Home /News /national-international /

China : ચીનમાં એક દંપતીએ 15 બાળકોને જન્મ આપ્યો, સરકારે 11 અધિકારીઓને બરતરફ કર્યા

China : ચીનમાં એક દંપતીએ 15 બાળકોને જન્મ આપ્યો, સરકારે 11 અધિકારીઓને બરતરફ કર્યા

ચીનમાં ચાઇલ્ડ પોલિસીના ઉલ્લંઘનના મામલામાં 11 ઓફિસરોને બરતરફ કરાયા

China Child Policy: ગ્લોબલ ટાઈમ્સના રિપોર્ટ અનુસાર, કપલની મુલાકાત 1994માં ગુઆંગડોંગમાં થઈ હતી. આ પછી બંનેએ અનૌપચારિક લગ્ન કરી લીધા. બંનેએ લગ્નની નોંધણી કરાવી ન હતી. દંપતીએ 2015 થી 2019 સુધી ગરીબો માટેની સબસિડી લેવાનું ચાલુ રાખ્યું.

વધુ જુઓ ...
    ચીનમાં બેથી વધુ બાળકો હોવાના કારણે (China Child Policy) સરકારે 11 અધિકારીઓ પર કાર્યવાહી કરી છે. વાસ્તવમાં, ગુઆંગસી ઝુઆંગમાં તપાસ દરમિયાન એક કપલની ખબર પડી, જેણે 15 બાળકોને જન્મ આપ્યો છે. લિઆંગ (76 વર્ષ) અને તેની પત્ની લુ હોંગલેન (46 વર્ષ) એ 1995 થી 2016 દરમિયાન 4 છોકરાઓ અને 11 છોકરીઓને જન્મ આપ્યો.

    મામલો સામે આવ્યા બાદ પરિવાર નિયોજન સ્ટેશનના 11 અધિકારીઓ અને કર્મચારીઓને નોકરીમાંથી કાઢી મૂકવામાં આવ્યા છે. તેમાં રોંગ કાઉન્ટીમાં લિક્યુન સિટીના વડા અને સ્થાનિક કુટુંબ નિયોજન સ્ટેશનના ડિરેક્ટરનો પણ સમાવેશ થાય છે.

    દંપતીએ ગરીબોને આપવામાં આવતી સબસિડી લેવાનું ચાલુ રાખ્યું


    ગ્લોબલ ટાઈમ્સના રિપોર્ટ અનુસાર, કપલની મુલાકાત 1994માં ગુઆંગડોંગમાં થઈ હતી. આ પછી બંનેએ અનૌપચારિક લગ્ન કરી લીધા. બંનેએ લગ્નની નોંધણી કરાવી ન હતી. દંપતીએ 2015 થી 2019 સુધી ગરીબો માટેની સબસિડી લેવાનું ચાલુ રાખ્યું હતુ.

    ચીની સરકાર દ્વારા 1979માં વન ચાઇલ્ડ પોલિસી લાગુ કરવામાં આવી


    1979માં ચીનની સરકારે વધતી જતી વસ્તીને અંકુશમાં લેવા માટે વન ચાઈલ્ડ પોલિસી લાગુ કરી. 2015 માં, આ નીતિને બે બાળકમાં બદલવામાં આવી હતી. સરકારે 21 જુલાઈ, 2021ના રોજ 2 ચાઈલ્ડ પોલિસીમાં પણ ફેરફાર કર્યો હતો અને તેનાથી સંબંધિત દંડની જોગવાઈ પણ નાબૂદ કરી હતી. આવી સ્થિતિમાં આ દંપતીને વધુ સંતાનો થવાની સજા નહીં મળે.

    આ પણ વાંચો - Ukraine Crisis : યુક્રેનમાં મેડિકલનો અભ્યાસ કરતા વિદ્યાર્થીઓને રાહત, વગર પરીક્ષાએ મળશે MBBSની ડિગ્રી

    ગયા વર્ષના અંત સુધીમાં વસ્તી 1.4126 અબજ હતી


    તમને જણાવી દઈએ કે ગયા વર્ષના અંત સુધીમાં ચીનની વસ્તી 1.4126 અબજ હતી, એટલે કે કુલ વસ્તીમાં પાંચ લાખથી ઓછાનો વધારો થયો હતો, કારણ કે સતત પાંચમા વર્ષે જન્મ દરમાં ઘટાડો થયો હતો. આ આંકડાઓ વિશ્વના સૌથી વધુ વસ્તી ધરાવતા દેશમાં વસ્તી વિષયક ખતરો અને તેનાથી સર્જાતા આર્થિક ખતરા અંગે ભય પેદા કરે છે.

    2021 માં 1.06 કરોડ બાળકોનો જન્મ થયો હતો


    નેશનલ બ્યુરો ઓફ સ્ટેટિસ્ટિક્સ (NBS) એ જણાવ્યું હતું કે 2021 ના ​​અંત સુધીમાં, ચીનની મુખ્ય ભૂમિમાં વસ્તી 2020 માં 1.4120 અબજથી વધીને 1.4126 અબજ થઈ ગઈ છે. NBSના ડેટા અનુસાર, 2020ની સરખામણીમાં ચીનની વસ્તીમાં એક વર્ષમાં 480,000નો વધારો થયો છે. 2021માં 1.06 કરોડ બાળકોનો જન્મ થયો હતો જે 2020માં 1.20 કરોડ કરતાં ઓછો હતો.

    આ પણ વાંચો - China Plane Crash: બોઇંગ 737 દુર્ઘટનાના 20 કલાક પછી પણ કોઈ જીવતું ન મળ્યું, નાસાએ જાહેર કરી તસવીરો

    આ આંકડામાં હોંગકોંગ અને મકાઉના રહેવાસીઓ અને મુખ્ય ભૂમિના 31 પ્રાંતો, સ્વાયત્ત પ્રદેશો અને નગરપાલિકાઓમાં રહેતા વિદેશીઓનો સમાવેશ થતો નથી, એમ સરકારી સમાચાર એજન્સી 'સિન્હુઆ'ના અહેવાલમાં જણાવવામાં આવ્યું છે.
    Published by:Bhavyata Gadkari
    First published:

    Tags: One child policy, ચીન

    આગામી સમાચાર