Home /News /national-international /

કોરોનાથી અમેરિકામાં હાહાકાર, એક જ દિવસમાં 345 મોત, 18 હજાર લોકો બીમાર

કોરોનાથી અમેરિકામાં હાહાકાર, એક જ દિવસમાં 345 મોત, 18 હજાર લોકો બીમાર

ફાઇલ તસવીર

અમેરિકામાં કોરોનાથી મરનાર લોકોની સંખ્યા 1550 નજીક પહોંચી, સંક્રમિત લોકોની સંખ્યા એક લાખને પાર.

    વોશિંગટન : ચીનથી ફેલાયેલા કોરોના વાયરસે ઇટાલી, સ્પેનને બરબાદ કર્યા બાદ હવે અમેરિકામાં પણ હાહાકાર મચાવ્યો છે. અમેરિકામાં કોવિડ 19ને કારણે એક જ દિવસમાં 345 લોકોનો જીવ ગયો છે. જ્યારે 18 હજાર નવા કેસ સામે આવ્યા છે. નવા આંકડાની સાથે જ અમેરિકામાં કોરોના વાયરસને કારણે મૃત્યાંક 1550ની આસપાસ પહોંચી ગયો છે. જ્યારે સંક્રમિત લોકોની સંખ્યા એક લાખને પાર પહોંચી ગઈ છે.

    અમેરિકાના રાષ્ટ્રપ્રમુખ ડોનાલ્ડ ટ્રમ્પે કહ્યું છે કે ફેડરલ (આંતરિક બાબતોમાં સ્વતંત્ર) અધિકારી વાયરસના સંક્રમણના આધારે કાઉન્ટિઓ (તાલુકા કે વહીવટી વિભાગ)ને શ્રેણીબદ્ધ કરવા માટે નવી માર્ગદર્શિકા તૈયાર કરી રહ્યા છે. જેના કારણે કોરોનાને ખતરાને પગલે રાષ્ટ્રવ્યાપી આદેશોમાં છૂટ આપી શકાય.

    આ પણ વાંચો : કોરોનાની તસવીર : ભારતમાં કોવિડ-19ની પ્રથમ ઇલેક્ટ્રોન માઇક્રોસ્કોપ તસવીર જાહેર

    રાજ્યોના ગવર્નરોને પત્ર લખીને ટ્રમ્પે કહ્યું છે કે નવા આદેશોથી રાજ્યનો સ્થાનિક નેતાઓને સામાજિક મેળાવડાથી દૂર રહેવા તેમજ અન્ય ઉપાયોને કાયમ રાખવા તેમને વધારવા કે છૂટ આપવાના અધિકારો મળશે. રાજ્ય તેમજ નગર પાલિકાઓ પાસે જરૂર લાગે ત્યારે પ્રતિબંધ લગાવવાનો અધિકાર હશે.

    આ પણ વાંચો : ઇટાલીમાં કોરોનાથી એક જ દિવસમાં ટપોટપ 919 મોત, બેલ્જિયમમાં બિલાડીને કોરોના થયો!

    ફૉક્સ ન્યૂઝને આપેલા એક ઇન્ટરવ્યૂમાં ટ્રમ્પે જણાવ્યું કે, "હું માનું છું કે આપણે દેશના અમુક હિસ્સાને ખોલી દેવાની શરૂઆત કરી શકીએ છીએ. તમે જાણો જ છો કે કૃષિ ક્ષેત્ર, મધ્ય પશ્ચિમ વિસ્તારમાં આવું શક્ય છે. જ્યાં સુધી રાષ્ટ્રવ્યાપી બંધને હટાવી લેવામાં ન આવે ત્યાં સુધી આપણે અમુક વિસ્તારોમાં કામ કરવાની છૂટ આપી શકીએ છીએ."
    Published by:Vinod Zankhaliya
    First published:

    Tags: Coronavirus, COVID-19, Italy, Lockdown, US, Wuhan, અમેરિકા, આરોગ્ય, ચીન`

    આગામી સમાચાર