યુવકે ઝેર ભેળવેલો આઇસ્ક્રીમ ખવડાવી નાની બહેનની કરી હત્યા, કારણ જાણી પોલીસ ચોંકી ગઈ

કેરળઃ એક યુવકે પોતાની બહેન અને માતા-પિતાને આઈસ્રીonમ (Ice Cream)માં ઝેર (Poison) ભેળવીને મારવાનો પ્રયાસ કર્યો જેમાં બહેનનું મોત થતાં સમગ્ર વિસ્તારમાં સોપો પડી ગયો છે. કાસારાગોડમાં 22 વર્ષીય યુવકની પોતાની બહેનની હત્યા કરવાના આરોપમાં ધરપકડ કરવામાં આવી છે. પોલીસના જણાવ્યા મુજબ યુવક પર આરોપ છે કે, આઈસ્ક્રીમમાં ઝેર ભેળવી તેણે પોતાની નાની બહેનની હત્યા કરી છે.

યુવકે આવું કૃત્યુ કેમ કર્યું તેના વિશે ખુલાસો કરતાં પોલીસે જણાવ્યું કે, અલબીન નામનો યુવક એકલતામાં જીવન પસાર કરવા માંગતો હતો. જેના કારણે તેણે આઈસ્ક્રીમમાં ઝેર ભેળવી પોતાના માતા-પિતા અને નાની બહેનને ખવડાવી દીધો હતો. આ ઘટના 4 ઓગસ્ટની છે.

આ પણ વાંચો, પિતાના નસકોરાથી કંટાળીને ગુસ્સે ભરાયેલા દીકરાએ લાઠીથી હુમલો કરતાં થયું મોત

પોલીસ તપાસમાં સામે આવ્યું કે, 16 વર્ષીય એન્ન મેરીનું મોત એ આકસ્મિક મોત નથી પરંતુ હત્યા છે. હત્યાના આરોપી યુવકે પોલીસ સમક્ષ પોતાનો ગુનો કબૂલ્યો છે કે તેણે જ આઈસ્ક્રીમમાં ઝેર ભેળવી દીધું હતું.

આ પણ વાંચો, નકલી કૉલ સેન્ટરનો ભાંડો ફુટ્યો, અમેરિકાના નાગરિકો સાથે કરતા હતાં ઠગી

આરોપી યુવકના પિતા બેન્ની અને બહેનને 5 ઓગસ્ટે હૉસ્પિટલમાં દાખલ કરવામાં આવ્યા હતા, જ્યારે બંનેની તબિયત ખરાબ થઈ હતી. જેમાં બહેનનું મોત થયું છે જ્યારે પિતા હજુ સારવાર હેઠળ છે. પોલીસે જણાવ્યું કે, યુવકની માતાને હૉસ્પિટલમાં દાખલ કરવાની જરૂર પડી નથી, તેની તબિયત સારી છે.