રિયોમાં ભાગ લેનાર ભારતીય એથ્લીટને 1 લાખ રૂપિયાનો ચેક આપશે સલમાન

નવી દિલ્હી #બોલીવુડ સુપરસ્ટાર સલમાનખાન ભારતીય ખેલાડીઓના સન્માનમાં આગળ આવ્યો છે. રિયો ઓલિમ્પિકમાં ભાગ લેનાર દરેક ભારતીય એથ્લેટ્સને રૂ.1લાખ 1 હજારનો ચેક આપશે.

ભારતીય ખેલ વિભાગના એમ્બેસેડર સલમાને ટ્વિટ કરી જાહેરાત કરી છે, આપણા ઓલિમ્પિક એથ્લેટીક્સની પ્રશંસા માટે રૂ.1,01,000નો ચેક આપીશ.

દબંગ સ્ટારે એ પણ કહ્યું તે, ભારતીય સરકાર રમતોને લઇને ઘણી ઉદાર અને મદદગાર છે. સલમાને આ પહેલા યશરાજ બેનરની ફિલ્મ સુલ્તાનમાં એક પહેલવાનની ભૂમિકા બખૂબી નિભાવી હતી.

વાઇઆરએફે આ મહિનાના પ્રારંભે આ જાહેરાત કરી હતી કે રિયોમાં ગોલ્ડ જીતનારને રૂ.10 લાખનું ઇનામ આપવામાં આવશે.