મહેસાણાઃ આ મહિલા PSIને કચડવાનો પ્રયાસ કરી કાર ચાલક ફરાર, ઘટના CCTVમાં કેદ

કેતન પટેલ, મહેસાણાઃ સામાન્ય રીતે પોલીસ અને જનતા વચ્ચે છાસવારે બોલાચાલી કે ઝઘડા થવાની ઘટનાઓ છાસવારે બનતી રહે છે. સાથે સાથે રોડ ઉપર ઊભા રહીને કામગીરી કરતા પોલીસ કર્મચારીઓ ઉપર ક્યારેક વાહન ચાલકો જીવનનું જોખમ ઊભી કરતા હોવાના અનેક કિસ્સાઓ ભૂતકાળમાં બન્યા છે. ત્યારે આવો વધુ એક કિસ્સો મહેસાણા શહેરમાં બન્યો છે. જ્યાં કાયદો તોડનાર કાર ચાલકને રોકવાનો પ્રયત્ન કરતા મહિલા પીએસઆઈ (lady PSI) ઉપર કાર ચડાવવાનો પ્રયત્ન કર્યો હતો. જોકે, આ સમગ્ર ઘટના સીસીટીવીમાં કેદ થઈ હતી.

મળતી માહિતી પ્રમાણે મહેસાણા શહેરમાં આવેલા ગોપીનાળા બહાર ટ્રાફિક પોઈન્ટ ઉપર મહિલા પીએસઆઈ વીપી સોલંકી ફરજ બજાવી રહ્યા હતા. આ સમય દરમિયાન કાળા કાચ વાળી કાર ત્યાંથી પસાર થતી હતી. કાચ ઉપર કાળી ફિલમ લગાવેલી હોવાથી કાયદાનો ભંગ થતો દેખાયો હતો. જેથી મહિલા પીએસઆઈએ આ કાર ચાલકને રોકવાનો કારની આગળ ઊભા રહ્યા હતા.

જોકે, કાર ચાલકે ધીમે ધીમે કરીને આગળ વધી મહિલા પીએસઆઈ ઉપર કાર ચડાવી દેવાનો પ્રયત્ન કર્યો હતો. અને ત્યાંથી ફરાર થયો હતો. મહિલા ઉપર કાર ચડાવવાની આ સમગ્ર ઘટના સીસીટીવીમાં કેદ થઈ હતી. બીજી તરફ મહિલા પીએસઆઈ વીપી સોલંકીએ કાર ચાલકને ઝડપીને તેની સામે દંડ ફટકારવાની કાર્યવાહી હાથધરી હતી.

આ પણ વાંચોઃ-

• સુરતઃ સામાન્ય બાબતે અમિત જાળિયાએ યુવકને જાહેરમાં ચપ્પાના ઘા ઝિંકી કરી હત્યા, પરિવારમાં આક્રંદ


• રાજકોટઃ બેકાબૂ કારે 71 વર્ષીય વૃદ્ધને ટક્કર મારી હવામાં ઉછાળ્યા, રુંવાડા ઊભા થઈ જાય એવો જુવો CCTV વીડિયો

સીસીટીવીમાં થઈ સમગ્ર ઘટના
સીસીટીવીમાં દેખાય છે તેમ ગોપીનાળા બહાર ટ્રાફિક પોઈન્ટ ઉપર મહિલા પીએસઆઈ ફરજ બજાવી રહ્યા છે. આ સમયે કાળાકાચવાળી કાર ત્યાંથી પસાર થઈ રહી છે. આ કારને રોકવા માટે મહિલા પીએસઆઈ કારની આગળ ઊભા રહ્યા હતા.

આ પણ વાંચોઃ-

• અમદાવાદઃ વ્યાજખોરોના કડવા બોલ અને પઠાણી ઉઘરાણીની કંટાળી યુવકે ઝેરી દવા પીધી, જયશ ભરવાડ સહિત 11 સામે ફરિયાદ


• મમ્મી-પપ્પા મને માફ કરજો, હું ત્રણ વર્ષમાં પાગલ થઈ ગયો છું', PUBG બંધ થતાં એન્જીનિયરિંગના વિદ્યાર્થીનો આપઘાત

જોકે, કાર ચાલકે કાર રોકવાના બદલે તેમની ઉપર ચડાવવાનો પ્રયત્ન કરે છે. આ દ્રશ્ય જોઈને બીજા પોલીસ કર્મચારીઓ પણ ત્યાં દોડી આવે છે. પરંતુ કાર ચાલક ત્યાંથી ફરાર થઈ જાય છે. આમ મહિલા પીએસઆઈને કચડવાનો પ્રયત્ન કર્યો હતો. જોકે, સદનસીબે તેઓ બાજુ પર આવી જતા તેમને કોઈ ઈજાઓ પહોંચી નથી.



જોકે, બહાદુર પીએસઆઈએ આરોપી કાર ચાલકને ઝડપી પાડીને તેની સામે કાયદેસરની કાર્યવાહી હાથધરી હતી. કારથી કચડવાના પ્રયાસની ઘટના સીસીટીવીમાં કેદ થઈ હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: મહેસાણા