મહેસાણા : ખાડા અને કાદવ કીચડના કારણે વાહનચાલકો થયાં હેરાન પરેશાન

મહેસાણા (Mahesana Rains)  શહેર માં 4 દિવસ ભારે વરસાદ પડ્યો. 27 સપ્ટેમ્બરના રોજ ભારે વરસાદ વરસતા ઠેર ઠેર પાણી ભરાઈ (Waterflooding)  ગયા હતા અને એના કારણે મહેસાણા શહેર માં મોઢેરા ચોકડીના સર્વિસ રોડ પર ખાડા અને કાદવ- કીચડ થઈ (Service Road Dameged in Mehsana Modehra Chowkdi)  ગયો છે જેનાથી વાહનચાલકો ને ભારે મુશ્કેલીઓનો સામનો કરવો પડે છે. કાદવ કીચડ અને ખાડાની મુશ્કેલીની સાથે સાથે ત્યાં ટ્રાફિકની પણ સમસ્યા ઊભી થાય છે. મોઢેરા ચોકડી પર અન્ડરબ્રિજ બનતા મેઈન હાઇવે બંધ કરવામાં આવ્યો છે અને સર્વિસ રોડ ચાલુ કરવામાં આવ્યો છે.

અમદાવાદ પાલનપુર મેઈન હાઈવે બંધ થવાથી બંને બાજુ ના સર્વિસ રોડ પર વરસાદ નું પાણી ભરાતા રોડ પર કાદવ કીચડ અને ખાડા પડી ગયા છે જેના કારણે વાહનચાલકો અને રાહદારીઓ મુશ્કેલી માં મુકાયા છે. અને આવવા જવામાં તકલીફ ઊભી થાય છે.

મહેસાણા શહેર માં મોઢેરા ચોકડી પર અમદાવાદ પાલનપુર હાઈવે પર અંડરબ્રિજ ની કામગીરી છેલ્લા 8 મહિના થી ચાલી રહી છે. સર્વિસ રોડ ની બંને બાજુ એ ગટર લાઈન માટે કુંડીઓ બનાવવાં માટે મોટા ખાડા ખોદવામાં આવ્યાં છે. ગટર લાઈન માટે ખોદાયેલા ખાડા ન પૂરાતાં વધુ તકલીફ જોવા મળી રહી છે. જે સમયસર ન પુરાતાં અકસ્માત નો પણ ભય રહે છે. વાહનચાલકો ના વાહનો ફસાઈ જતા વાહનચાલકો હેરાન થઈ રહ્યા છે. અને એવાં માં ટ્રાફિક ની ખૂબ જ મોટી સમસ્યા ઊભી થઇ રહી છે.

મોઢેરા ચોકડી પર અન્ડરબ્રિજ બની રહી રહ્યો છે એના માટે શહેરીજનો ખુશ છે કે  ધીરે ધીરે મહેસાણા શહેર નો વિકાસ થઈ રહ્યો છે. પરંતુ બીજી બાજું જોવા જતાં કાદવ કીચડ અને ખાડા ના કારણે લોકો ને આવવા જવા માં મુશ્કેલી પડી રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: ગુજરાતી સમાચાર, મહેસાણા, રસ્તા, વરસાદ