Gujarat Rain video: વરસાદમાં મોઢેરાના સૂર્ય મંદિરના આ દ્રશ્યો મન મોહી લેશે, જુઓ વીડિયો

Home /News /mehsana /Gujarat Rain video: વરસાદમાં મોઢેરાના સૂર્ય મંદિરના આ દ્રશ્યો મન મોહી લેશે, જુઓ વીડિયો

મોઢેરા સૂર્ય મંદિર

Viral Rain Video: સૂર્ય મંદિર આગળ આવેલા કુંડમાં વરસાદી પાણીના ઝરણાં વહેતા થયા છે. સૂર્ય મંદિર પર વરસાદની સાથે આહલાદક દૃશ્યો સર્જાયા હતા.

News18 Gujarati
Last Updated : July 24, 2022, 15:52 IST

published by :Kaushal Pancholi

મહેસાણા : શહેરમાં (Mahesana rain) ભરપૂર વરસાદ વરસી રહ્યો છે. ત્યારે મહેસાણા પાસેના મોઢેરા સૂર્ય મંદિરમાં (rain in Modhera Sun Temple) પણ નયનરમ્ય નજારો જોવા મળ્યો છે. વરસતા વરસાદમાં સૂર્ય મંદિરનો (Sun Temple) નજારો જોવા જેવો છે. સૂર્ય મંદિર આગળ આવેલા કુંડમાં વરસાદી પાણીના ઝરણાં વહેતા થયા છે. સૂર્ય મંદિર પર વરસાદની સાથે આહલાદક દૃશ્યો સર્જાયા હતા. ગુજરાતના માહિતી ખાતાએ આ અંગોનો વીડિયો શેર કર્યો છે. તે તમને પણ જોવો ગમશે.

મોઢેરા સૂર્ય મંદિર પાટણથી 30 કિમી, મહેસાણાથી 25 કિમી અને અમદાવાદથી 106 કિમીના અંતરે પુષ્પાવતી નદીના કાંઠે આવેલું છે. આ સૂર્યમંદિરનું નિર્માણ સોલંકી વંશના રાજા ભીમદેવ સોલંકીએ ઇસ 1026-27માં (વિક્રમ સંવત 10783) કર્યું હતું. તે 23.6° અક્ષાંશ વૃત્ત પર કર્કવૃત્ત નજીક બંધાયેલું છે. આ સ્થાન પહેલાં સીતાની ચૌરી અને રામકુંડ તરીકે સ્થાનિકોમાં જાણીતું હતું. હાલના સમયમાં આ મંદિરમાં પૂજા થતી નથી. આ મંદિર ભારતીય પુરાતત્વ ખાતા દ્વારા રાષ્ટ્રીય મહત્વનું સ્મારક જાહેર કરાયેલ છે.

નોંધનીય છે કે, ભારે વરસાદની આગાહી વચ્ચે મહેસાણામાં ગત મોડી રાત્રે સાડા ત્રણ ઈંચ જેટલો વરસાદ ખાબક્યો. જોકે, માત્ર થોડા વરસાદના કારણે મહેસાણા શહેરની હાલત કફોડી થઈ ગઈ છે. રાજકમલ પેટ્રોલ પંપથી લઈને માલ ગોડાઉન સુધી ઘુંટણસમા પાણી ભરાયા છે. પેટ્રોલ પંપથી માલ ગોડાઉનની વચ્ચે 30 જેટલી સોસાયટીઓ આવેલી છે જ્યાંના રહીશો હાલાકી ભોગવી રહ્યા છે. લોકોના ઘર સુધી પાણી પહોંચી જતા ઘરની બહાર નિકળવું પણ મુશ્કેલ થઈ પડ્યું છે.

वैसे तो मोढेरा का विश्व विख्यात सूर्य मंदिर हर मौसम में अद्भुत,अकल्पनीय व अविस्मरणीय है…किंतु बरसात के मौसम में जब प्रकृति स्वयं इस स्थान का जलाभिषेक करती है तो इसकी आध्यात्मिक छटा अलौकिक हो जाती है।#Modhera #SunTemple #GloriousGujarat

pic.twitter.com/xqczA2QA1E

— Gujarat Information (@InfoGujarat) July 24, 2022

ગુજરાતમાં ધોધમાર વરસાદ

રાજ્યમાં રવિવારે સવારે 171 તાલુકામાં વરસાદ વરસ્યો છે. જેમા સૌથી વધુ બનાસકાંઠાના થરાદમાં 5.6 ઇંચ, સૂઇગામ, લખાણીમાં 3.16, નવસારીના ખેરગામમાં 2.52 ઇંચ, પાલનપુરમાં 2.4. વાવ 2.32, વડગામમાં 2.08 ઇંચ, ડાંગ આહવામાં 1.72 ઇંચ નોંધાયો છે. આ સાથે વરસાદી આંકડા પ્રમાણે, રાજ્યમાં રવિવારે સવારે 6થી 8 વાગ્યામાં 103 તાલુકામા વરસાદ વરસ્યો છે. ત્યારે સૌથી વધુ બનાસકાંઠાના થરાદ તાલુકામાં 2.72 ઇંચ વરસાદ વરસ્યો છે. આ સાથે વાવમાં 36 એમએમ, ખેડાના મહુધા, મહેસાણામાં 32 એમએમ, નવસારીના ખેરગામમાં 32 એમએમ, ખેડાના કથલાલમાં 32 એમએમ, પાલનપુર અને લખાણીમાં 30 એમએમ વરસાદ નોંધાયો છે. (આ અંગેની વધુ માહિતી માટે અહીં ક્લિક કરો)